Manasai

Manasai yaitu ngaran tari pargaulan nang ada di bubuhan urang Dayak di Kalimantan Tangah. Tari ngini marupakan tarian nang malambangakan kabagiaan. Tari ngini rajin digawi wayah manyambut tamu nang datang ka Kalimantan Tangah.

Tari ngini digawi lawan iikungan urang, laki-laki wan bini nang badiri satu lawan satu dalam salingkaran, barataan dimulai lawan mahadap ka lingkaran, lalu ma'apai ka kanan sambil mamindahkan ka' arah lawan jarum jam lalu mamindahkan ka luar lingkaran, mamindahkan ka kiwa lagi sambil mamindahkan ke' hadapan. Jadi imbah itu sambil baputar tarus malawan jarum jam sambil maumpati ritme lagu pargaulan nang judulnya sama, lagu Manasai. Satiap garakan batis dalam tarian ngini, mahirip lawan garakan dalam irama Cha-Cha. Pameran tari ngini kada dibatasi lawan umur. Siapa haja wan umur barapa haja kawa bagabung. Bagabung dalam lingkaran tarian kawa diumpati wayah pabila haja, maumpati irama lagu. Magin banyak urang nang bagabung, maka bulatan tarian pacangan baluas sasuai ikungan urang nang bagabung. Irama musik kawa dihancapi sakira maulah suasana magin rami.

Tari Manasai juwa rajin ditampilakan wayah ada aruh nangkaya Festival Budaya Isen Mulang yaitu acara tahunan nang digawi ulih pamarintah dairah Kalimantan Tangah.

Ada nilai-nilai nang tersirat (Belom Bahadat) nang dipresentasikan pada tarian ini diantaranya nilai-nilai pendidikan karakter kaya: agama, jujur, toleransi, kreatif, mandiri, ramah/komunikatif, cinta damai, cinta tanah air, gotong royong, dan tanggung jawab konsepsi ini jua diuraikan dalam filosofi "Budaya Betang" nang terdiri dari 4 pilar yaitu nang pertama urang Dayak hidup jujur dan taqwa kepada Tuhan Yang Esa, dua urang Dayak iduik dalam kesetaraan, tiga urang Dayak idup dalam kesamaan, nang terakhir urang Dayak adalah Abdi Hukum.