Lut
.png)
Lut atawa Luth ialah saurang tukuh dalam Al-Qur'an, Alkitab, wan Tanakh. Dalam Islam, inya ialah Nabi wan Rasul nang diutus lawan kaum Sodom wan Gomorrah.[1] Kisah inya rancak dijadii dasar larangan babuat kalakukan humusiksual dalam agama Abrahamik.
Al-Qur'an kada manjalasakan tarait latar balakang Nabi Lut. Dalam Alkitab disambatakan, Lut ialah kapunakan Ibrahim. Abahnya bangaran Haran, dingsanak Ibrahim. Juriatnya ialah Lut bin Haran bin Azar atawa Terah.[2] Ibnu Katsir manyambatakan juriat Lut kaitu jua dalam kitabnya.[3]
Lut awalnya hidup di Irak kaya Ibrahim sabalumnya. Disambatakan dalam Alkitab, Haran hudah maninggal di Irak wayah Azar masih hidup.[4] Lut tamasuk urang nang mambujurakan wan maumpati dakwah Ibrahim wayah masih di Irak.[5] Lut jua umpat hijrah ka Syam lawan rumbungan Ibrahim wan paumpatnya.[6]
Makam Lut
[babak | babak asal-mulanya]Diyakini, makam Lut tadapat di Bani Na'im, Palistina. Makam ngitu tadapat di dalam masigit nang ada di tangah kuta. Bani Na'im hudah diasusiasikan lawan Lut wayah sabalum Islam, sawagaimana disambatakan dalam karya Hieronimus[7] pas abat ka-4 M nang manyambatakan, makam ngitu barada di kuta nang bangaran Capharbaricha, nang marupakan ngaran bahari matan Bani Na'im.[8]
Daptar Buku
[babak | babak asal-mulanya]- Ibnu Katsir (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. ISBN 978-602-6247-11-7.
Jujuhutan
[babak | babak asal-mulanya]- ↑ History of Islam by Masudul Hasan
- ↑ "Kejadian 11:27". Alkitab Sabda. Diakses tanggal 2026-03-15.
- ↑ Katsir, Ibnu, Terj. Muhammad Zaini (2014). Kisah-Kisah Para Nabi. Surakarta: Insan Kamil Solo. hlm. 275. ISBN 978-602-6247-11-7.
- ↑ "Kejadian 11:28". Alkitab Sabda. Diakses tanggal 2026-03-15.
- ↑ "Qur'an Kemenag". quran.kemenag.go.id. Diakses tanggal 2026-03-15.
- ↑ "Kejadian 11:31". Alkitab Sabda. Diakses tanggal 2026-03-15.
- ↑ Šārôn, Moše (1997). Corpus Inscriptionum Arabicarum Palaestinae (CIAP) Volume Two: B-C (dalam bahasa Inggris). BRILL. ISBN 978-90-04-11083-0.
- ↑ Stone, Michael E. (2006). "Apocrypha, Pseudepigrapha and Armenian Studies". Collected Papers. 1: 693.