Lumpia

Lumpia
	Atas: Lumpia Semarang nang disanga duwa kada disanga matan Indunisia; Bawah: Lumpiang ubod hanyar nang diulah mamakai jantung rapun palam matan Pilipina
Ngaran lain	Loempia, loenpia, ngohyong
Sajian	Makanan utama atawa puluran
Dairah	Indunisia, Pilipina, Walanda, Belgia, dan Suriname
Suhu panyajian	panas atawa suhu ruangan
Bahan utama	Pembungkus, daging, sayuran
Variasi	Disanga atawa sigar

Lumpia adalah puluran nang diulah matan balambaran galapung gandum nang dijadiakan gasan papundutannya. Rancak nitu isian lumpia iya rabung, hintalu, sayur nang sigar, daging, atawa makanan laut.

Di Indunisia, lumpia dipinandui puluran matan Semarang nang tata cara baulah duwa bahan-bahan nang hudah basasuai lawan adat urang disana.

Lumpia Semarang marupakan sabuting warisan masakan tumatan bakungsian antara budaya Cina duwa Jawa. Ujarnya buku Dari Sam poo Kong Ke Lumpia Semarang (2019), lumpia Semarang hudah ada salawas abad ka-19.^[1]

Riwayat bahari

Riwayatnya, lumpia Semarang bamula wayah ada lakian urang Cina bangaran Tjoa Thay Joe datang wan bapadah handak badiam wan bagana di Semarang, Jawa Tengah.^[1] Di Semarang, lalu inya mamilih handak mambuka usaha makanan has Cina, yakni makanan palangkap nang isiannya daging babi duwa rabung. Sahdan, Tjoa Thay Joe badapat lawan bibinian asli Jawa yakni Wasih. Kabalujuran, Wasih juwa badagang makanan nang mahirip lawan ampun Tjoa Thay Joe, tagal balainan, usaha makanan Wasih tagasnya baisi kantang duwa hundang nang angihnya manis.

Ayungannya, buhannya badua kada basaing, malah saling jatuh cinta wan hujungnya batajak sarubung. Imbahnya am, laki bini ini bakungsi dagangan buhannya. Kulimbit ranyah matan lumpia wayahini diubah jadi hundang atawa daging ayam nang bakambuh duwa rabung manis.

Ngaran lunpia atawa lumpia tiba matan ilun urang Hokkian, yakni "lun" atawa "lum" nang baarti lunak duwa "pia" nang artinya wadai.^[2] Panambayan, lumpia kada disanga, jadinya am sasuai lawan maknanya, lumpia iya wadai nang linyak.

Ayungannya, puluran ngini dijaja di Olympia Park, iya pasar malam Walanda.^[3] Kada disangka-sangka, lumpia ulahan buhannya jadi kakatujuan urang pribumi duwa katurunan Cina. Usahanya sasain lawas sasain baganal wan maju, sampai diwariskan ka anak-anak buhannya, yaitu Siem Gwan Sing, Siem Hwa Noi nang mambuka cabang di Mataram duwa Siem Swie Kiem nang manarusakan usaha lumpia warisan abahnya di Gang Lombok no.11^[3]

Itihi juwa

Popiah
Lumpia semarang
Sumpia

Jujuhutan

1 2 "Dari Sam Poo Kong ke Lumpia Semarang | Ema Rahardian, Suryo Handono, Emma Maemunah, Ika Inayati | download on Z-Library". z-library.sk. Diarsipkan dari versi asli tanggal 2025-06-15. Diakses tanggal 2025-05-08.
↑ Susanti, I. E., & Purwaningsih, S. M. (2015). Lumpia semarang pada masa orde baru (Lumpia sebagai identitas budaya etnis tionghoa peranakan semarang). Avatara e-Journal Pendidikan Sejarah, 384-390.
1 2 "Sejarah Lumpia, Makanan Khas Semarang yang Tercipta Dari Hubungan Cinta Dua Sejoli". Halo Semarang (dalam bahasa Indonesia). 2019-03-08. Diakses tanggal 2025-05-08.

Wikimedia Commons baisi tumbung pasal Lumpia

Citakan:Masakan Indonesia Citakan:Makanan-indonesia-stub

[:0-1] 1 2 "Dari Sam Poo Kong ke Lumpia Semarang | Ema Rahardian, Suryo Handono, Emma Maemunah, Ika Inayati | download on Z-Library". z-library.sk. Diarsipkan dari versi asli tanggal 2025-06-15. Diakses tanggal 2025-05-08.

[2] Susanti, I. E., & Purwaningsih, S. M. (2015). Lumpia semarang pada masa orde baru (Lumpia sebagai identitas budaya etnis tionghoa peranakan semarang). Avatara e-Journal Pendidikan Sejarah, 384-390.

[:1-3] 1 2 "Sejarah Lumpia, Makanan Khas Semarang yang Tercipta Dari Hubungan Cinta Dua Sejoli". Halo Semarang (dalam bahasa Indonesia). 2019-03-08. Diakses tanggal 2025-05-08.

[1]

[2]

[3]