Litham
Litham (bahasa Arab: لِثَام, romanisasi: lithām; mbahanu disambat lifam) yaitu penutup muntung nang sacara tradisional dipakai ulih suku Tuareg wan urang nomaden di Afrika Barat wan Utara, utamanya rancak dipakai ulih buhan lakian.[1]
Fungsi wan arti
[babak | babak asal-mulanya]Litham fungsinya sagan melindungi matan debu wan suhu ikstrim nang jadi ciri khas lingkungan gurun. Dalam kasus bekelahian sedarah, litham fungsinya sagan melindungi pemakainya matan kekerasan sekira ngalih dipinandui. Pamakaia litham kada dianggap kewajiban agama, tapi konon dipercaya bisi perlindungan ghaib gasan kekuatan jahat.[1]
Sajarah wan praktik
[babak | babak asal-mulanya]Matan ukiran batu purba di Afrika, menggambarakan muha manusia ada matanya tagal kada bisi muntung atawa hidung. Ini menandakan kalo asal usul litham kada cuma ada di zaman pra-islam, tapi sudah ada wayah zaman pra-sajarah. Litham biasanya dipakai ulih suku Berber Sanhaja di Afrika Barat Laut. Pamakaiaannya ulih kaum Almoravid - nang asalnya matan klan Sanhaja- membari makna politik selawas penaklukannya pas abad ke-11 wan ke-12. Praktik ngini meulah Almoravid dapat galaran kada baik "al mulaththamun" (buhan nang tertutup).[2]
Dinasti Almohad nang manggantiakan Aloravid jadi kekuatan dominan di Afrika Utara, menentang pemakaian litham alasannya lakian kada dibariakan meumpati pakaian binian. Tapi, kada sukses menangati pemakaiannya.[3]
Buhan suku Tuareg, lakian nang mamakai litham disambat jua tagemust, sedangkan biniannya mamakai cadar. Kanakan lakian Tuareg mulai mamakai litham wayah masuk masa pubertas, wan cadar dianggap tanda sudah ganal. Gasan suku Tuareg, kada pantas lakian betampai kada pakai cadar di hadapan urang tuha, teutama keluarga matan bininya.[3]Litham Tuareg diulah matan beberapa buting kain Sudan nang dijahit jadi satu sampai membentuk lembaran sepanjang sekitar 4 yard.[4]
Tagelmust, afrwal atawa litham
[babak | babak asal-mulanya]
Tagelmust (dipinandui jua sebagai cheich, cheche, wan litham) yaitu bentuk litham nang diulah matan kain katun berwarna indigo mirip kombinasi antara karudung wan sorban. Kain ngini panjangnya bisa labih pada 10 meter (33 batis). Tagelmust dipakai lakian Tuareg Berber, Hausa matan wilayah Sahel Utara, wan Songhai. Wayah ini, ada warna lain nang dipakai, sementara kain warna indigo biasanya disimpan sagan acara khusus.[5]
Tagelmust manutupi kepala wan menhindari pamakainya dari mahirup pasir nang tarbang maraga angin di wilayah Gurun Sahara.[6] Banyak pamakainya percaya kalo pewarna indigo bisi manfaat kesehatan wan estetika. Zat warna indigo nang menyarap ke dalam kulit dianggap melindungi awak wan jadi tanda kemakmuran.[7]Maraga banyu kada tapi ada, kain tagemust rancak diwarnai pakai cara dihantam mamakai bubuk indigo karing, kada dirandam ke dalam cairan pewarna. Akibatnya, warna biru dari pewarna ngitu rancak merikit permanin di kulit pemakainya sehingga suku Tuareg rancak disambat "urang biru matan gurun".[8]
Lakian suku Tuareg nang mamakai tagelmust disambat "Kel Tagelmust" atawa "urang betudung". Tagelmust cuma dipakai lakian ganal wan dilapas pas di hadapan kulawarga parak. Lakian Tuareg supan kalo harus melihatakan muntung atawa hidungnya. Selain gasan perlindungan, cara membungkus wan melipat tagelmust jua menunjukakan asal usul klan wan daerah pemakaianya. Semakin kadap warna kainnya, semakin sugih nang mamakainya.[9]
Bahan acuan
[babak | babak asal-mulanya]- 1 2 Björkman, W. "Lit̲h̲ām". Encyclopaedia of Islam New Edition Online (EI-2 English) (dalam bahasa Inggris). Brill.
- ↑ Esposito, John L. (2009). Murābiṭūn. Oxford University Press. ISBN 978-0-19-530513-5.
- 1 2 Fromherz, Allen Fromherz (01-01-2008). Twareg. Oxford University Press. ISBN 978-0-19-517632-2.
- ↑ Porch, Douglas (22-06-2005). The Conquest of the Sahara. Macmillan. ISBN 978-0-374-12879-1.
- ↑ "Head wrap (tagelmust)". collections.rom.on.ca (dalam bahasa Inggris). Diakses tanggal 2025-03-29.
- ↑ "The Sahara: Dry but never boring - CNN.com". edition.cnn.com. Diarsipkan dari versi asli tanggal 2025-03-29. Diakses tanggal 2025-03-29.
- ↑ Balfour-Paul, Jenny (1997). Indigo in the Arab World. Psychology Press. ISBN 978-0-7007-0373-9.
- ↑ "Tuareg presented in Culture section". web.archive.org. 2014-02-03. Diarsipkan dari versi asli tanggal 2014-02-03. Diakses tanggal 2025-03-29.
- ↑ "Indigenous Peoples of the World - The Tuareg". web.archive.org. 2007-07-19. Diarsipkan dari versi asli tanggal 2007-07-19. Diakses tanggal 2025-03-29.