Kumpusir

Kumpusir (basa Inggris: composer) adalah urang nang manulis musik. Panggubah atawa kumpusir marujuk lawan urang nang manulis notasi musik; yaitu sistim nang mawakili aura musik malalui panggunaan simbul-simbul tatantu, nang mamungkinakan musisi mamainakan nota ngitu sabagai musik tasusun. Hal ngini mambidaakan saurang komposer matan saurang musisi nang ma'improvisasi atawa ma'umpati alat musik.

Istilah "panggubah" atau "kumpusir" rancak dipakai gasan marujuk ka musik tradisi barat yaitu musik klasik. Gasan lagu-lagu biasa kaya musik populer, lagu-lagu rakyat wan nang lainnya, istilah nang biasa disambat adalah panulis lagu karana rancaknya musik populer maambil bantuk sabagai sabuting lagu wan jua karana skala panulisan catatan musik nang halus, dibandingakan lawan panulis lagu atawa kumpusir musik klasik nang biasanya bahubungan lawan lagu-lagu ganal kaya simfoni orkestra.

Tingkatan parbidaan antara komposer wan musisi jua bamacam-macam. Misalnya, dalam pambangunan musik klasik atawa opera di Irupa, fungsi pancipta musik pada mulanya kada dianggap penting dibandingakan lawan fungsi panampilan musik.