Klenteng Po An Kiong

Kelenteng Po An Kiong yatu sabuah tampat baibadahnya urang Tionghoa/Cina nang berlokasi di Jalan Niaga Utara, Kertak Baru Ilir, Banjarmasin Tangah. Kelenteng ini barada di tangah pasar biasanya disambat masyarakat sakitar "Tempekong Pasar", sambatan tempekong muncul lain dari catatan resmi, ini sambatan lokal ulih orang sakitar. Sabab dari kabiasaan bunyi lonceng nang dicatuk pada saat sambahyang, bunyi itu kadangaran saparti tempekong di talinga masyarakat.

Ada jua ngaran lain dari kelenteng ini yatu Kelenteng Karta Raharja. Kelenteng ini diparkirakan dibangun pada 1898 ulih saurang Jenderal dari China nang bangaran The Sin Yoe wan Ang Lin Thay. Kadatangan mereka awalnya hanya untuk bajualan di Indonesia habis nitu badiam di Banjarmasin, langsung membuat dua kelenteng yatu Kelenteng Po An Kiong dan Kelenteng Suci Nurani. Bangunan nang dipakai kelenteng yatu campuran antara Budaya Banjar dan Budaya Cina. Ini bisa diitihi bentuk atapnya dan sairing parkembangan zaman, maka atapnya sudah mangalami parubahan sehingga berbeda dengan bentuk asalnya.