Keumamah
Keumamah iyalah ngaran masakan tradisiunal urang Aceh diulah matan iwak tongkol atawa iwak cakalang wan tuna.[1] Keumamah juwa disambat lawan ngaran iwak kayu marga karasnya nangkaya kayu.[2] Iwak ngini diawetakan lawan banyak prosesnya. Mulai matan manyiangi iwak, manjarangnya, mangaringakan wan manyimpaninya. Makanya, keumamah hingkat disimpan gasan batahun-tahun, tagal musti tatap di wadah karing.
Sajarah
[babak | babak asal-mulanya].jpg)
Masakan ngini tapandang banar dalam budaya urang Aceh, lawan juwa baisi nilai sajarah. Bahari, Keumamah dijadiakan sangu wayah bubuhan pajuang Aceh batampur malawan pamarintah Kolonial Walanda.[3] Salain nitu, Keumamah juwa rancak disurung wayah ada aruh atawa basalamatan.[4]
Cara mamasaknya
[babak | babak asal-mulanya]Mamasaki keumamah mamakai rarampah nangkaya asam sunti, daun duhat, lombok rawit wan lombok hijau. Salain nitu, ditambahi jua lawan bumbu nangkaya bawang habang, bawang putih, tipakan, katumbar, sahang, wan uyah, lawan bahan utamanya iya musti iwak tadi.[5]
Cara maulah Keumamah mahirip lawan cara maulah iwak barabuk, iya iwaknya dijarang hanyar dikaringakan saharianan, imbah nitu dipukah atawa diricik-ricik, hanyar diharu lawan bumbu tadi nang hudah digilas sampai hancur. Imbahnya, iwak disanga mamakai sadikit minyak sampai karing, supaya kada babanyu jadi tahan lawas kaina. Amun handak, Keumamah kawa ditapungi lawan kanji sakira talindung wan dijamur lagi sampai karing nangkaya kayu.[5]
Asam sunti ditambahiakan ka iwak ngini, sakira jadi pengawet alami, nang diulah matan balimbing tunjuk nang dikaringakan, diuyahi hanyar dijamur.[5]
Jujuhutan
[babak | babak asal-mulanya]- ↑ "Mengungkap Sejarah Resep Kuliner Khas Aceh Keumamah". Tempo.co. 2016-06-15.
- ↑ Andriani, R. (2016-06-15). "Mengungkap Sejarah Resep Kuliner Khas Aceh Keumamah". Tempo. Diakses tanggal 2026-06-06.
- ↑ Buku Penetapan Warisan Buaya Takbenda Indonesia Tahun 2018 oleh Direktorat Warisan dan Diplomasi Budaya, Direktorat Jenderal Kebudayaan, Kementerian Pendidikan dan Kebudayaan. Hal. 1
- ↑ Hanifah, Muthi Nur. "Eungkot Keumamah, Ikan Kayu Masakan Khas Aceh yang Pedas dan Gurih". detiksumut (dalam bahasa Indonesia). Diarsipkan dari versi asli tanggal 2026-06-08. Diakses tanggal 2026-06-08.
- 1 2 3 Gardjito, Murdiati; Santoso, Umar; Utami, Nurullia (2018). Ragam Kuliner Aceh: Nikmat yang Sulit Dianggap Remeh. Yogyakarta: Gadjah Mada University Press. ISBN 978-602-386-284-9.
