Kelayangan dandang

Kalayangan Dandang yatu termasuk permainan ulih Urang Banjar, kabiasaan dimainkan oleh kakanak-an sampay urang tuha. 'Dandang' baarti 'ganal' dalam bahasa Banjar Lawas. dandang nang dimaksud bukan berarti wadah. Tapi nang dimaksud yatu kalayangan dandang artinya kalayangan besar.

Ada kisah rakyat dari Urang Meratus tentang kalayangan dandang itu, mulanya matan tukuh "Ning Sualir” matan Sungai Raya memakai alat bunyi matan cangkirik ke layang-layang (klayangan), ditarusakan oleh “Ning Samarang” matan Sarang Halang. Habis itu asal muasal ngaran 'dandang' diambil matan ngaran burung yatu 'burung dandang' ujar Kiai Amir Hasan Bondan, menyambat wayah Puteri Junjung Buih duduk di padudusan, diangkat jadi Ratu Nagara Dipa diadakan Tari Jambangan Kaca nang menggambarkan tari peperangan tujuh ikung burung sakti yaitu, Pangeran Tuha, Pangeran Kacil, Raden Kertas Melayang, Mas Pangantin, Burung Kalialang, Burung Dandang dan Burung Simbangan. Tujuh burung ngitu jadi gelaran matan kerajaan Islam.

Imbah dikenalnya kain wan kertas, layangan biasa wan layangan (klayangan) dandang magin dikenal wan diketujui sabagai permainan selain bagasing, balugu, badaku, basimban, bamain tali. Bentuk fisik layang-layang wan elemennya mengalami pengembangan wan penambahan alat bunyi (dangung, kukumbangan), juga segi ukurannya sangat ganal.