Kaohsiung
Kuta Kaohsiung (Hanzi: 高雄市, hanyu pinyin: Gaoxiong Shi) adalah munisipalitas satingkat prupinsi di Taiwan, Ripublik Cina. Kuta Kaohsiung nang wahini adalah hasil bagabung antara matan Kuta Kaohsung wan Kabupatin Kaohsungsung tumatan 25 Disimbir 2010.
Kuta Kaohsiung didirikan wayah abad ka-17, nang pamulaanya adalah kampung pardagangan nang halus nang bangaran Tancoia, asal-usul ngaran nitu kadada nang tahunya pasti.[lower-alpha 1] Kuta naya imbahtu tangada ha jadi pusat ekonomi Taiwan selatan, lawan industri utamanya adalah manufaktur, industri baja, minyak, transportasi barang, wan industri kapal. Kut naya diklasifikasikan sawagai Kuta global tingkat "Sufficiency" lawan Jaringan Penelitian Kuta Globalisasi wan Dunia,[1] lawan sapalih infrastruktur nang pamantingnya di Taiwan.
Kuta Kaohsiung baisi kapantingan strategis gasan Taiwan marga kuta naya iya kuta bandar utama Taiwan lawan Palabuhan Kaohsiung iya palabuhan pangganalnya wan pahaurnya di Taiwan wan labih pada 67% matan ekspor wan impor malalui Kaohsiung.[2] Salain nitu, Lapangan Tarabang Kaohsiung adalah lapangan tarabang pangganalnya kadua ihwal rikinan panumpang di Taiwan.
Kuta ngini jua tahubung lawan kuta-kuta ganal lainnya lawan karita api ganal wan konvensional, lawan jua lewat jalan bibas hambatan nasional. Kuta naya juwa baisi markas armada Angkatan Laut Ripublik Cina wan akademi angkatan lautnya. Pambangunakan wadah hanyar kaya Pier-2 Art Center, Kaohsiung National Arts Center wan Kaohsiong Music Center diutamakan gasan mangambangakan industri pariwisata wan budaya Kuta.
Tiba ngaran
[babak | babak asal-mulanya]Pandatang Hoklo nang datang ka daerah ngini wayah abad ka-16 wan ka-17 mangarani wilayah ngini lawan Takau (Hanzi: 打狗: Tán-káu). Arti tumatan aksara Cina nang bahubungan adalah "pukul anjing". Ujar sabuting teori, ngaran "Takau" baasal matan basa Austronesia asli Siraya nang diartiakan sabagai "hutan bambu". Ujar teori lain, ngaran ngini bavolusi malalui metatase dari ngaran suku Makatao, nang diam di wilayah nitu wayah pamukiman Eropa wan Hoklo. Makatao dianggap lawan sapalih urang sabagai bagian dari suku Siraya.[3]
Jujuhutan
[babak | babak asal-mulanya]- ↑ "World Cities 2024". Globalization and World Cities (GaWC) Research Network. Diarsipkan dari versi asli tanggal 3 July 2025. Diakses tanggal 7 July 2025.
- ↑ Chen, Cheng-hui (2018-01-08). "Kaohsiung Harbor volume down 1.9 percent last year". Taipei Times. Diarsipkan dari versi asli tanggal 31 December 2020. Diakses tanggal 2021-02-09.
- ↑ "Siraya activists slam ministry over letter - Taipei Times". www.taipeitimes.com. 2009-04-23. Diarsipkan dari versi asli tanggal 12 April 2021. Diakses tanggal 2021-02-09.
- ↑ also spelled Takao, Takau, Takow
<ref> untuk kelompok bernama "lower-alpha", tapi tidak ditemukan tanda <references group="lower-alpha"/> yang berkaitan