Kampung Pejabat Banjarbaru
Kampung Pejabat Banjarbaru ialah sabuting kampung bangaran pejabat alias kehendepan matan "Penjual Jamu Loktabat" nang beandak di Kalurahan Loktabat Salatan, Kacamatan Banjarbaru Salatan, Kota Banjarbaru.[1] Kampung Jamu wan Ubat Tradisiunal ngini yatu kampung tematik nang dirasmiakan matan tahun 2017, dimana panggunaan konsep café jamu gasan wadah manginum jamu tradisiunal. Jamu nang dijual dapat dikinum sacara langsung (langsung dikinum ditampat) atawa dalam bantuk bakamasan, sarta produk lainnya, dimana bahan baku dari jamu ngitu dapat wan mudah ditamukan disakitar Kawasan Kalimantan Selatan, wan didukung pangolahan sacara tradisiunal.[2]
Usaha jamu disini manjadi mayoritas usaha warga di Kampung Pejabat. Wayah ini ada sakitar 60 urang nang mamproduksi saurangan wan manjual jamu tradisional pada tiga rukun tatangga (RT) di Kampung Pejabat. Bahkan 15 urang di antaranya masih rami bajualan wan cara dihambin bajalan batis atawa nang biasa dikanal wan jamu hambin. Sadangkan, sisanya ada nang bajualan kuliling wan basapida sarta sapida mutur. Imbah nitu dalam pangambangannya, wahini ada ampat urang nang mambuka kafe jamu di palataran rumah alias hanya bagana tanpa bakaliling "jamput bula" ka konsumen.[3]
Parlu kita katahui Jamu manurut Undang-Undang Kasihatan Numur 17 Tahun 2023 yaitu Ubat Bahan Alam barupa bahan atawa ramuan nang bersumber dari pengetahuan tradisional atawa warisan budaya Indonesia nang digunakan gasan pamaliharaan Kasihatan, paningkatan Kasihatan, pancegahan panyakit, pangobatan, atawa pamulihan Kasihatan. Alam tumbuhan Indonesia sangat sugih lawan sumber daya plasma nutfah (keanekaragaman hayati). Kaadaan ngini sangat baguna dalam mangatasi bakambangnya barbagai janis peanyakit nang mangancam kahidupan manusia. Majunya zaman kada mambuat tanaman ubat nang diulah manjadi jamu manjadi ditinggalakan. Back to Nature sabuah papadah gasan kita babulik mamanfa’atakan wan jua dapat malastariakan alam ibu pertiwi.[4]
Kampung Pejabat ngini yaitu salah satu tujuan bawisata nang unggulan di Banjarbaru nang maangangkat potensi lokal badasar kaarifan tradisiunal, khususnya dalam maulah jamu wan ubat tradisiunal. Kolaborasi sudah banyak digawi ulih Kampung Pejabat ngini misalnya antara akadamisi, pamarintah, wan masyarakat agar dapat samakin mamparkuat ekonomi lokal nang bakalanjutan wan badasar ekologis. [5]
Jujuhutan
[babak | babak asal-mulanya]- ↑ Helmi, Muhammad. "Mengulik Sejarah Kampung 'Pejabat' di Loktabat Selatan - Radar Banjarmasin". Mengulik Sejarah Kampung 'Pejabat' di Loktabat Selatan - Radar Banjarmasin (dalam bahasa Indonesia). Diakses tanggal 2025-11-09.
- ↑ "SITUS KAMPUNG JAMU DAN OBAT TRADISIONAL – Meratus Geopark". meratusgeopark.org. Diakses tanggal 2025-11-09.
- ↑ Agency, ANTARA News. "Sentuhan jamu jadikan Kampung Pejabat situs Geopark Meratus". ANTARA News Kalimantan Selatan. Diakses tanggal 2025-11-09.
- ↑ Faisal, Herman (2023-12-31). "Kemandirian Pembangunan Kesehatan Melalui Gema Herbal di Wilayah Kerja UPTD Puskesmas Simpang Empat 1". Indonesian Red Crescent Humanitarian Journal (dalam bahasa Inggris). 2 (2): 49–57. doi:10.56744/irchum.v2i2.34. ISSN 2829-8500.
- ↑ Rizwanna, Muhammad Fajar (2025-10-24). "Peserta Konferensi PKM-CSR 2025 Kunjungi Kampung Pejabat Banjarbaru, Pelajari Inovasi Jamu Lokal Berbasis Ekologis". Media Center Banjarbaru (dalam bahasa Inggris). Diakses tanggal 2025-11-09.