Kambang curik
| Kambang curik
| |
|---|---|
| Allamanda cathartica | |
 Kambang curik | |
| Tumbuhan | |
| Baisi huaran buah |
kapsul (id)  |
| Taksunumi | |
| Divisi | Tracheophytes |
| Subdivisi | Spermatophytes |
| Klad | Angiosperms |
| Klad | mesangiosperms |
| Klad | eudicots |
| Klad | core eudicots |
| Klad | asterids |
| Klad | lamiids |
| Ordo | Gentianales |
| Famili | Apocynaceae |
| Subfamili | Rauvolfioideae |
| Tribus | Plumerieae |
| Subtribus | Allamandinae |
| Genus | Allamanda |
| Spesies | Allamanda cathartica Linnaeus , 1771 |
|
| |
| Endemik (id) | Citakan:Títol cursiva |
 | |
Kambang curik[1] atau Allamanda (Allamanda cathartica)[2] adalah ngaran tanaman hias nang rajin disambat lawan Alamanda atawa kambang terompet emas, kambang lonceng kuning duwa kambang buttercup.[3] Kambang Curik tiba matan Amirika Tangah wan Salatan nang rupanya banyak tahaga di Brasil yang iya buhannya disana mamakai kambang ngini gasan hiasan.[3]
Panciri
[babak | babak asal-mulanya]
Tanaman Kambang Curik tamasuk dalam bubuhan tanaman perdu bakayu nang tingginya kawa sampai 2 m.[4] Tanaman ngini basipat evergreen (tulus hijau sapanjangan tahun). Batangnya nang tuha pacangan babalang habuk marga manjadiakannya kayu, pahadangan nitu tunas anumnya babalang hijau.[5] Daunnya baisi tagas balancip di hujung nang parmukaannya gadugulan nang panjang 6-16 cm. Salaya nitu, daunnya rajin bakumpulan talu atawa ampat lambar. Kambang Curik balangnya kuning wan tagasnya nangkaya tarumpit nang baukuran diameter 5-7.5 cm. Tanaman ngini baisi kambang nang babau harum.[4]
Habitat
[babak | babak asal-mulanya]Kambang Curik kawa tahaga di higa-higa sungai atawa padang nang takana banyak hindau matahari lawan hujan nang cukup wan juwa nang hawanya humap banar sapanjang tahun.[5] Tanaman ngini kada hingkat tumbuh di tanah nang bauyah atawa talalu basa wan tanaman ngini juwa kada tahan suhu randah. Suhu -1 °C hingkat maulah mati tanaman ngini marga kambang ngini parasa banar lawan suhu dingin.[5]
 |
Wikispecies baisi maklumat pasal |
Kambang Curik tumbuh baik wan jadi kambangnya amun kada tahalang duwa intensitas matahari.[5] Amun tahalang maka produksi kambangnya sadikit haja.[5] Tanaman ngini tumbuh baik lawan kondisi tanah nang karasikan, hibak lawan bahan organik, lawan juwa baaerasi nang baik.[4] Sapalih dairah maibaratakan Kambang Curik ialah gulma.[4]
Iklim nang tepat gasan partumbuhan Kambang Curik adalah dairah nang iklim tropis.[6] Di habitat aslinya, Kambang Curik tumbuh di katinggian 0-700 mdpl nang curah hujannya 1000 - 2800 mm par tahun.[4] Marga partumbuhannya nang lakas, Kambang Curik rancak dipakai gasan ornamen, mahias pagar duwa tawing.[3]
Reproduksi
[babak | babak asal-mulanya]
Tanaman Kambang Curik bakambang sapanjangan tahun di banyak habitat.[5] Tanaman ngini kawa bakambangbiak lawan bigi, tagal parbanyakan nang rajin diuna yaitu mamakai stek batang. Parihal ngini marga, sapalih varietas hibrida ngalih mamunculakan kapsul bigi.[5] Kambang curik tamasuk tanaman nang tumbuhnya lakas jadinya musti rancak-rancak dipapas gasan sakira bungas.[5]
Manpaat
[babak | babak asal-mulanya]Kambang Curik dipinandui baisi sajumlah manpaat medis, cuntuhnya iya kawa dipakai gasan laksatif.[7] Gatah tanaman ngini baisi sipat antibakteri. Kambang curik juwa baisi sipat antibiotik lawan bakteri Staphylococcus.[7] Kambang ngini juwa rancak dipakai gasan tatamba mencegah komplikasi matan kura wan limpa bangkak.[7]
Jujuhutan
[babak | babak asal-mulanya]- ↑ (Bahasa Indonesia) Pusat Bahasa Departemen Pendidikan Republik Indonesia "Arti kata alamanda pada Kamus Besar Bahasa Indonesia dalam jaringan". Diakses tanggal 2019-09-27.
- ↑ "Hasil Pencarian - KBBI Daring". kbbi.kemdikbud.go.id. Diarsipkan dari versi asli tanggal 2019-09-27. Diakses tanggal 2019-09-27.
- 1 2 3 (Bahasa Inggris) Simoes AO, Castro MM de, Kinoshita LS. 2006. Calycine colleters of seven species of Apocynaceae (Apocynoideae) from Brazil. Botanic J Linn Soc 152(3):387-98.
- 1 2 3 4 5 (Bahasa Inggris) Thomas V, Dave Y. 1989. Histochemistry and senescence of colleters of Allamanda cathartica (Apocynaceae). Ann Bot 64:201-3.
- 1 2 3 4 5 6 7 8 (Bahasa Inggris) Francis JK. 2002. Allamanda cathartica L. [terhubung berkala]. http://www.fs.fed.us/global/iitf/pdf/shrubs/Allamanda%20cathartica.pdf [23 Agu 2009].
- ↑ (Bahasa Inggris) Austin DF. 2002. Healing plants of peninsular India. Eco Bot 56(3):292.
- 1 2 3 (Bahasa Inggris) Nayak S, Nalabothu P, Sandiford S, Bhogadi V, Adogwa A. 2006. Evaluation of wound healing activity of Allamanda cathartica. L. and Laurus nobilis. L. extracts on rats. BMC Comp Alt Med 6:12.