Capil ka isi

Kabupatin Pulang Pisau

Tumatan Wikipidia Banjar, kindai pangatahuan

Kabupatin Pulang Pisau adalah ngaran sabuting Kabupatin di Prupinsi Kalimantan Tengah, Indunisia. Indung banuanya ada di Pulang Pisau, tepatnya di wilayah Kacamatan Kahayan Hilir. Kabupatin Pulang Pisau baisi luas wilayah 8.997 km2 wan panduduknya tarikin ada 120,062 ikung (hasil Cacah jiwa Indunisia 2010), wan 144,663 ikung wayah pauncitan tahun 2024.[1] 

Semboyan Kabupatin ngini adalah "Handep Hapakat", nang dalam basa Dayak Ngaju artinya "Gotong Royong".[2]

Manurut Staatsblad van Nederlandisch Indië tahun 1849, wilayah Dayak Besar ngini tamasuk dalam zuid-ooster-afdeeling bardasarkan Bêsluit van den Minister van Staat, Gouverneur-Generaal van Nederlandsch-Indie, wayah 27 Agustus 1849, No. 8.[3]

Luas wilayah

[babak | babak asal-mulanya]

Kabupatin Pulang Pisau baisi luas 9.650,26 km2 atawa 965.026 ha.[4] Wilayah Pulang Pisau baisi padang kadap nang luasnya 5.095 km. Padang kadap ngini tabagi jadi dairah hutan lindung, dairah hutan gambut, dairah bakau), lawan dairah banyu hirang. Ada juwa dairah budidaya nang luasnya 3.902 km, diantaranya hutan produksi, hutan produksi tetap, pahumaan, parkabunan lawan peternakan, pamukiman urang kuta, pamukiman urang transmigrasi, pambanyuan lawan sungai, lawan juwa kartak.

Kabupatin Pulang Pisau baisi pahalatan:

Kaadaan Topografi wilayah Kabupatin Pulang Pisau, tadiri matan bagian utara marupakan daerah pagunungan lawan tinggi antara 50-100 m matan permukaan laut nang baisi elevasi 8-150 wan baisi daerah pagunungan wan tingkat kemiringan 15-25 derajat. Salain itu bagian selatan tadiri matan pantai/pasisir, rawa-rawa lawan tinggi antara 0-5 meter matan permukaan laut nang baisi elevasi 0-80 wan dipangaruhi ulih pasang surut wan marupakan daerah nang baisi intensitas banjir nang cukup ganal.

Daerah ngini baisi perairan nang maliputi tasik, rawa-rawa wan dilintasi jalur sungai nang termasuk wilayah Kabupatin Pulang Pisau, yaitu:

  • Sungai Kahayan panjangnya 600 km. 
  • Sungai Sebangau panjangnya 200 km. 
  • Anjir Kalampan nang panjangnya labih pada 14,5 km nang manyambungakan Mandomai di Kabupatin Kapuas wan Pulang Pisau, ampah ka Palangka Raya. Nang masuk wilayah Kabupatin Pulang Pisau panjangnya ada 6,5 km.  
  • Anjir Basarang nang panjangnya labih pada 24 km nang manyambungakan Kuala Kapuas lawan Kabupatin Pulang Pisau. Nang masuk ka wilayah Kabupatin Pulang Pisau ada labih pada 7 km.  
  • Anjir/Terusan Raya nang panjangnya labih matan 18 km nang jadi laluan urang di sungai matan Kuala Kapuas ka Bahaur, Kecamatan Kahayan Kuala malalui Terusan Batu. Terusan nang masuk wilayah Kabupatin Pulang Pisau ada labih pada 6 km.  
  • Daerah pantai/pasisir laut lawan panjang panambangan labih dari 153,4 km. 

Panduduk Pulang Pisau tacatat baagama nang dijajarakan bardasarkan angka pambanyaknya, agama pambanyaknya nang diimani kabupatin ngini iyalah Islam sajumlah 77,56%. Imbahnya Kristen 20,64%, Protestan adalah 19,43% wan Katolik adalah 1,21%. Panduduk nang baagama Hindu bajumlah 1,79%, wan nang lain tamasuk Buda, lamun Konghucu bajumlah 0,01%.[5] Tagal amun marikin rumah ibadah, dalam data Badan Pusat Statistik Pulang Pisau tahun 2023 mancatat jumlah rumah ibadah nang ada di Kabupatin ini yaitu masigit ada 140, langgar 251, garija Protestan ada 138, garija Katolik ada 6, lawan Balai Basarah/Pura ada 31.[6]

Kabupatin Pulang Pisau baisi parkumpulan pamain bal nang dianggap mawakili Kabupatin, yaitu Pulang Pisau United, sabuting parkumpulan nang wahini umpat main di paturaian Liga 4 Indonesia.[7]

  1. ↑ "Kabupaten Pulang Pisau Dalam Angka 2023" (pdf=). www.pulpiskab.bps.go.id. hlm. 9, 51, 142–143. Diarsipkan dari versi asli tanggal 2023-07-25. Diakses tanggal 25 Juli 2023.
  2. ↑ "Festival Budaya Isen Mulang Tampilkan Tari Kreasi Daerah - haikalteng.id". Diakses tanggal 2022.
  3. ↑ "(Belanda) Staatsblad van Nederlandisch Indië, s.n., 1849". Diarsipkan dari versi asli tanggal 2023-01-24. Diakses tanggal 2011-04-02.
  4. ↑ Penggunaan lahan berdasarkan Rencana Tata Ruang Wilayah Kabupaten Pulang Pisau (Undang–undang Nomor 5 Tahun 2002)
  5. ↑ "Visualisasi Data Kependudukan - Kementerian Dalam Negeri 2024". www.dukcapil.kemendagri.go.id. Diarsipkan dari versi asli (Visual) tanggal 5 August 2021. Diakses tanggal 15 April 2025.
  6. ↑ "Kabupaten Pulang Pisau Dalam Angka 2023" (pdf=). www.pulpiskab.bps.go.id. hlm. 9, 51, 142–143. Diarsipkan dari versi asli tanggal 2023-07-25. Diakses tanggal 25 Juli 2023.
  7. ↑ Agus Pramono, "Liga 4 Kalteng, Sylva FC Menang Telak dengan Klub yang Logonya Mirip Man United", kaltengpos.jawapos.com (dalam bahasa Indonesia), diakses tanggal 2025-04-08
Dijumput matan "https://bjn.wikipedia.org/w/index.php?title=Kabupatin_Pulang_Pisau&oldid=107179"