Capil ka isi

James Peace

Tumatan Wikipidia Banjar, kindai pangatahuan
James Peace


Kenneth James Peace diparanakakan di Paisley, 28 Siptimbir 1963. Sidin ngitu kumpusir, tukang main pianu di kunsir, wan saniman pisual matan Skotlandia.

Kesah Hidup

[babak | babak asal-mulanya]

James Peace diparanakakan di Paisley, Skotlandia, tanggal 28 Siptimbir 1963.  Pas masih kakanakan, sidin bagana di Helensburgh, di rumah mudil risur di higa laut di Skotlandia barat.[1][2][3] Dingsanak sidin banyak nang jua saniman (cuntuhnya John McGhie), sidin gin badingsanak jua lawan Felix Burns, kumpusir takanal maulah musik dansa pamulaan abad ka-20.[1][4] Sidin sudah balatih main pianu pas umur walu tahun, lalu tampil di hadapan urang banyak pas umur ampat walas tahun, membawaakan musik ampun Scott Joplin.[3] Pas umur anam walas tahun, sidin ditarima sakulah di Royal Scottish Academy of Music and Drama (wahini ngarannya: Royal Conservatoire of Scotland) jadi mahasiswa purnawaktu paanumnya.[1][2][4][5] Pas tahun 1983, sidin lulus sakulah di Universitas Glasgow nang bagalar Sarjana Seni (BA) di bagian maajarakan pianu. Tahun imbahnya, sidin dapat pulang galar dipluma di bidang partunjukan musik imbah mamainakan Konserto Piano No.1 ampunnya Mendelssohn dikawani bubuhan urkis RSAMD.[4][5] Imbah tuntung sakulah purmal, sidin bagawi jadi tukang main pianu, lalu bagana di Edinburgh bamula tahun 1988 hampai 1991.[1][6]

Tango Milonga op. 26 no. 3
Tango XVIII - James Peace (James Peace, piano)

James Peace bagana di Bad Nauheim, Jerman bamula tahun 1991 hampai 2009.[7][8] Bamula tahun 1998, sidin balajar tango, nang mahasilakan karya CD Tango escoces (Tango Skotlandia), isinya ngitu kumpusisi pianunya ampun sidin saurang nang ilhamnya dikoleh sidin matan tango.[9][10][11] Imbah ngitu pas tahun 2002 sidin jadi angguta kahurmatan Victoria College of Music.[4][9][10][11][12] Pas di tahun ngitu jua, sidin maadaakan tur kunsir sorangan di Jerman utara pas bulan Siptimbir/Uktubir wan ka Timur Jauh pas bulan Nupimbir, maungkaiakan panampilan tatambaian Tango XVII sidin di Hong Kong.[9][10][11][12][13][14]

James Peace - Idylls Op.4b

Pas di tahun imbahnya lagi, sidin kabanyakannya tampil di Irupa haja.  Sidin maungkaiakan karya tango di kuta-kuta ngini: Amsterdam, Atheni,[15] Berlin,[16] Brusili, Helsinki,[17] Lisboa,[3][18] London, Madrid,[3][19] Uslu,[20] Reikiapik[21] wan Wina.[22]

Tahun 2008 sidin jadi angguta kahurmatan London College of Music gasan maakui jasa sidin di bagian tango.[23][24][25]

Imbah bagana satumat di Edinburgh, sidin babulik ka Jerman pas Pibruari 2010, lalu bagana di Wiesbaden.[1][2] Maraga pindah ngini jadinya mambangunakan pamikiran-pamikiran nang kriatip, wan sidin jua maulah pelem handap nang tainspirasi matan karya-karya kumpusisi ampun sidin sorang.  Pelem dokuméntir bajudul James Peace in Wiesbaden (James Peace di Wiesbaden) jadi sabuting karya sidin di katiguri ngini.[23][24][25]

Hadiah wan Panghargaan

[babak | babak asal-mulanya]
Eternal Song Op. 32 - James Peace

●     Hadiah Numur Asa, Agnes Millar Prize. Glasgow, 1983[5]

●      Hadiah Numur Asa, Dunbartonshire EIS Prize. Glasgow, 1984[5]

●      Hadiah Numur Asa, Sibelius Essay Prize. Glasgow, 1985[5]

●     Dipluma Kahurmatan, TIM Premio. Roma, 2000[1][2][6]

●      Dipluma Kahurmatan, IBLA Foundation. New York, 2000[1][2][6]

●     Midali Paringatan (Kalas Satu), International Piano Duo Association. Tokyo, 2002[26]

●      Midali Amas, Académie Internationale de Lutèce. Paris, 2008[1][2]

Karya Utama

[babak | babak asal-mulanya]

●     The Waterfall (Banyu Tajun)[27]

●     Idylls (Bengkeng banar)

●     Lento Lacrimoso (Banyu Mata Sunyi)

●     Forgotten Leaves (Daun nang Kada Diingatakan)

●     Sonata for Oboe and Piano (Sunata gasan Oboe wan Piano)

●     Ballade (Balada)

●     Ceremonial March no.1 (Mars Sirimunial No. 1)

●      Ceremonial March no.2 (Mars Sirimunial No. 2)

●     Autumn Gold (Warna Amas Musim Gugur)[28]

●     Eternal Song (Lagu Kaabadian)[1][29]

●      ​​"Gasan Jorjiya" (basa Jorjiya: საქართველოსთვის)

          (lirik:  Tamar Chikvaidze, Zurab Chikvaidze, wan James Peace)

24 Tangos for solo piano (24 Tango gasan pianu)[1][9][10][11][23][24][25][30][31][32]

Raitan Luar

[babak | babak asal-mulanya]

Souvenir de Buenos Aires - youtube

Lento Lacrimoso - youtube

Autumn Gold - youtube

Jujuhutan

[babak | babak asal-mulanya]
  1. 1 2 3 4 5 6 7 8 9 10 Birgitta Lamparth. "Keine ‘stacheligen’ Klänge", Wiesbadener Tagblatt (Koran Jerman), 10 Pibrurari 2011
  2. 1 2 3 4 5 6 Julia Anderton. "Tango wie eine süß-saure Geschichte". Wiesbadener Kurier  (Koran Jerman), 24 Marit 2012
  3. 1 2 3 4 Soledad Carrizo-Araya. "Una entrevista al compositor James Peace". Hoja de Ruta Digital. Disimbir 2022[permanent dead link]
  4. 1 2 3 4 Sabine Klein. "Meine Musik ist wie ich - sehr romantisch". Frankfurter Rundschau (Koran Jerman), 1992, angka 254, halaman 2
  5. 1 2 3 4 5 G. Müller. "Die Seele des Klaviers tanzt Tango". Kulturspiegel Wetterau (Majalah Jerman). 17 Marit 2001, halaman 5
  6. 1 2 3 "James Peace". FRIZZ (Majala Jerman). Januari 2001, halaman 5
  7. ↑ Manfred Merz. "Virtuose, gefühlsbetonte Welt der Romantik", Wetterauer Zeitung (Koran Jerman), 12 Disimbir, 1992, halaman 19
  8. ↑ "James Peace". The Tango Times (Majalah New York). Edision 2002/2003 (39). Halaman 1 - 5
  9. 1 2 3 4 National Library of Scotland. Tango escocés
  10. 1 2 3 4 Philharmonie de Paris. Tango escocés
  11. 1 2 3 4 de bibliotheek. Tango escocés
  12. 1 2 "James Peace". La Cadena (Majalah Belanda). Siptimbir 2002, halaman 26
  13. ↑ TangoTang, Hong Kong (香港). Surat habar, 8 Uktubir 2002
  14. ↑ "James Peace". 南華早報 (Koran Hong Kong). 9 Uktubir 2002
  15. ↑ Brosur konsér {Για σένα Αγγελική}. Ateni, 27 April 2016
  16. ↑ Tangodanza (Aleman a Magasina). Edisi numur 1/2002 - 9
  17. ↑ Pamplet kunsir (tur konsir, Finlandia, 2014)
  18. ↑ Pamplet kunsir (tur konsir, Portugal, 2016)
  19. ↑ Pamplet kunsir (tur konsir, Spaniul ¡Feliz Cincuenta Cumpleaños - 2013!)
  20. ↑ "Listen.no. James Peace (flygel). Munch Museet. Uslu, 16 Uktubir, 2004". Diarsipkan dari versi asli tanggal 2020-06-08. Diakses tanggal 2025-11-18.
  21. ↑ Ríkarður Ö. Pálsson. "Skozkir Slaghörputangoár". Morgunblaðið (Koran Islandia). 14 Uktubir 2004
  22. ↑ Brosur kunsir (Wina). 23 Januari 2005
  23. 1 2 3 National Library of Scotland. K. James Peace in Wiesbaden
  24. 1 2 3 Deutsche Nationalbibliothek. K. James Peace in Wiesbaden
  25. 1 2 3 Whittaker Live. "Wiesbadener Highlander K. James Peace - New DVD"
  26. ↑ International Piano Duo Association (東京), Tukiu. Daptar bubuhan nang manang, 2002
  27. ↑ Hessisches Staatstheater. Brosur kunsir 12/19 Siptimbir 2021
  28. ↑ "Violine schwebt über das Orchester". Schwäbische Post (Koran Jerman). 4 Juni, 1994
  29. ↑ National Library of Scotland. Eternal Song Op.32, Peace, K. James
  30. ↑ British Viola Society Newsletter, Agustus 2023
  31. ↑ Hoja de Ruta Digital, México. "Una corta historia del tango", 22 Marit 2024
  32. ↑ National Library of Scotland. Tangos op.33, Peace, K. James
Dijumput matan "https://bjn.wikipedia.org/w/index.php?title=James_Peace&oldid=109861"