Manga

Tumatan Wikipidia Banjar, kindai pangatahuan
Manga
Hurup kanji gasan "manga" matan Seasonal Passersby (Shiki no Yukikai), 1798, karya Santō Kyōden wan Kitao Shigemasa.
Penerbit
Terbitan
Seri
BahasaJepang
Artikel terkait

Citakan:Anime and manga

Manga (Japang: 漫画) adalah kumik atawa nupil grapik nang diulah di Japang atawa mamakai basa Japang, sasuai lawan gaya nang dikambangakan di sana wayah warih abat ka-19.[1] Manga baisi sajarah panambaian nang panjang wan rumit dalam sani Japang tadahulu.[2]

Istilah manga (kanji: 漫画; hiragana: まんが; katakana: マンガ; Pasal suara ini dengarkan; English /ˈmæŋɡə/ atawa /ˈmɑːŋɡə/) di Japang adalah kata nang dipakai gasan marujuk ka kumik wan kimus. Di luar Japang, kata "manga" dipakai gasan marujuk lawan kumik nang aslinya dicungulakan di Japang.[3]

Di Japang, urang-urang matan sagala kalumpuk umur mawaca manga. Manga mancakup karya-karya dalam bamamacam janis: di antaranya laga, patualangan, bisnis wan padagangan, kumidi, detektif, drama, sajarah, horor, misteri, romantis, piksi ilmiah, wan fantasi, erotika, ulahraga, wan pamainan, wan kisah rami.[4][5] Sudah banyak manga nang ditarjamahakan ka basa lainnya.[6] Matan tahun 1950-an, manga sudah jadi palihan tatambaian matan industri pancungulan Japang.[7] Wayah tahun 1995, pasar manga di Japang banilai Citakan:JPY (US$6Citakan:Ndash7 miliar),[8] lawan panjualan tahunan kikira 1,9 miliar gasan manga wan majalah manga di Japang (satara lawan 15 edisi par urang).[9] Manga baisi jua halayak panikmat nang liwar banyak di sabarataan dunia.[10] Wayah tahun 2008, pasar manga banilai $175 juta di AS wan Kanada. Manga meacapai angka 38% dalam pasar kumik Parancis, nang satara lawan kikira sapuluh kali lipat matan angka gasan Amirika Sarikat.[11] Di Parancis, pasar manga diharagai kikira Citakan:€ ($Citakan:To USD juta)bwayah tahun 2005.[12] Di Irupa wan Timur Tangah, pasar manga banilai kikira $250 juta wayah tahun 2012.[13]

Kisah dalam sabuah manga rancaknya dicitak dalam kalir hirang wan putih,[14] walau ada sapalih manga nang sabarataannya bakalir (kaya Colorful). Di Japang, manga rancaknya dimuat basiri dalam majalah manga suhur—rancak baisi banyak kisah, wan masing-masing manga dimuat dalam satu bab wan basambung ka edisi imbahnya. Bab-bab nang dibundel rancaknya dicungulakan baasa dalam bantuk volume tankōbon, wan bahanu dalam bantuk buku basampul tipis.[15] Saikung ilustratur manga (mangaka dalam basa Japang) rancaknya bagawi ditulungi babarapa asistin di sabuah studio halus wan bahubungan lawan editor kreatif matan pausahaan pancungul kumirsial.[16] Lamun sabuah siri manga cukup suhur, manga ngitu kawa dijadiakan anime imbah kisahnya tamat atawa salawas masih basambung.[17] Bahanu, sabuting manga diulah badasarakan matan pilim laga hidup (live–action) atawa pilim animasi lain.[18]

Kumik nang diujaki ulih manga jua ada di nagara lainnya, tamasuk di Aljakair ("manga DZ"), Tiongkok, Hong Kong, Taiwan ("manhua"), wan Korea Salatan ("manhwa").[19][20]


Jujuhutan[babak | babak asal-mulanya]

  1. ^ Lent 2001, hal. 3–4, Gravett 2004, hal. 8
  2. ^ Kern 2006, Ito 2005, Schodt 1986
  3. ^ Merriam-Webster 2009
  4. ^ "Manga/Anime topics". MIT. Diakses tanggal 22 Juni 2017. 
  5. ^ Brenner, Robin E. (30 Juni 2007). Understanding Manga and Anime (dalam bahasa Inggris). Greenwood Publishing Group. ISBN 9780313094484. 
  6. ^ Gravett 2004, hal. 8
  7. ^ Kinsella 2000, Schodt 1996
  8. ^ Schodt, Frederik (1996). Dreamland Japan: Writings on Modern Manga. Berkeley, CA: Stone Bridge Press. hlm. 19–20. ISBN 978-1-880656-23-5. 
  9. ^ "Manga, anime rooted in Japanese history". The Indianapolis Star (dalam bahasa Inggris). 2 Agustus 1997. 
  10. ^ Wong 2006, Patten 2004
  11. ^ Bouissou, Jean-Marie (2006). "JAPAN'S GROWING CULTURAL POWER: THE EXAMPLE OF MANGA IN FRANCE". Diakses tanggal 24 Mei 2019. 
  12. ^ "The Manga Market : Eurasiam – Japanese art & communication School". Eurasiam (dalam bahasa Inggris). Diakses tanggal 22 Juni 2017. 
  13. ^ Davidson, Danica (26 Januari 2012). "Manga grows in the heart of Europe". CNN. Turner Broadcasting System, Inc. Diarsipkan dari versi asli tanggal 2021-10-24. Diakses tanggal 29 Januari 2012. 
  14. ^ Katzenstein & Shiraishi 1997
  15. ^ Gravett 2004, hal. 8, Schodt 1986
  16. ^ Kinsella 2000
  17. ^ Kittelson 1998
  18. ^ Johnston-O'Neill 2007
  19. ^ Webb 2006
  20. ^ Wong 2002