Rumah Betang

Tampak Rumah Betang, Rumah adat Suku Dayak

Rumah Betang adalah salah satu janis struktur rumah adat urang Dayak nang rumahnya diangkat tumatan tanah nang mana batujuan hamah manjuahkan matan hiwan-hiwan nang buas wan jua banjir. Rumah Betang surang diulah matan batang nang kualitasnya baik banar wan jua kada kawa dimakan wan rayap, nang kayak batang ulin nang kuat wan kawa batahan inggan ratusan tahun.

Sabarataan Suku Dayak, biasanya badas di Rumah Betang. Babarapa suku Dayak, peulahan Rumah Betang haruslah mamparhatikan syarat-syarat nang ada : posisi hulu nang harus searah wan arah matahari terbit lawan jua sabalah hilirnya harus jua searah matahari tanggalam.

Halaman depan Rumah Betang biasanya tadapat balai nang dimana dipakai hagan menyambut urang badatang wan jua pertemuan adat. Ada jua nang ngarannya Sapundu nang merupakan paung babantuk manusia wan jua mamiliki ukuran nang khas. Sapundu ni surang biasanya digunakan hagan maikat binatang-binatang hagan upacara adat.

Di padudian Rumah Betang biasanya ada balai halus bengaran Tukau nang dugunakan hagan manyimpani alat-alat bahuma nang kayak lisung atawa halu. Di padudian juwa ada jua wadah hagan manyimpan senjata nang ngaran tampatnya tuh bangaran bawong. Di bagian depan wan jua padudian Rumah Betang ada jua nang ngarannya Sanding, Sanding adalah wadah hagan manyimpan tulang belulang matan para kaluarga nang sudah jangak wan jua bahabis Upacara Tiwah.

Makna wan nilai

Rumah Betang hagan masyarakat Dayak bukan hanya carita legendaris kehidupan nini muyang, tagal juga sabuah parnyataan tentang tata pamong desa, organisasi sosial wan jua sistem kemasyarakatan wan jua titik sentral kahidupan urangnya. Rumah Betang nih adalah pusat kebudayaan karena sabarataan proses kehidupan balangsung disana.

Di balik kesederhanaan Rumah Batang, tasimpan nilai-nilai kehidupan nang unggul. nang kada kawa buhan itah pungkiri adalah rumah Betang telah menjadi simbol nang kokoh matan kehidupan komunal masyarakat Dayak.

Dengan mandiamakan Rumah Betang wan jua manjalani sabarataan proses kehidupan disana, manunjukaakan bahwa mereka mencintai banar kedamaian dalam komunitas nang harmonis. Rumah Betang manjadi wadah wan jua sarana nang efektif hagan masyarakat Dayak hagan membina satu wan lain karena berada dibawah sabiji atap.