Palanit: Pabidaan ralatan

Tumatan Wikipidia Banjar, kindai pangatahuan
Konten dihapus Konten ditambahkan
Riemogerz (pandir | sumbangan)
s Robot: Perubahan kosmetika
Idioma-bot (pandir | sumbangan)
s r2.7.3) (bot Manambah: gn:Mbyjajere
Baris 80: Baris 80:
[[gd:Planaid]]
[[gd:Planaid]]
[[gl:Planeta]]
[[gl:Planeta]]
[[gn:Mbyjajere]]
[[gu:ગ્રહ]]
[[gu:ગ્રહ]]
[[gv:Planaid]]
[[gv:Planaid]]

Ralatan matan 13 Juli 2012 18.22

Palanit adalah banda langit nang baisi ciri-ciri kaya ninih :

  • mangurbit mangalilingi bintang atawa sisa-sisa bintang.
  • baisi massa nang cukup gasan baisi grapitasi saurang supaya kawa maatasi takanan rigid body sahingga banda angkasa ninih baisi bantuk kasatimbangan hidrostatik (bantuk parak bulat)
  • kada talalu ganal sahingga kawa manyababakan dusi termonuklir tarhadap deuterium di intinya wan sudah “mambarasihakan lingkungan’ (clearing the neighborhood, mangusungakan [urbit]] supaya kada ditampati banda-banda angkasa barukuran ganal lainnya salain satelitnya saurang) di dairah sakitar urbitnya.
  • badiamitir labih 800 kilumitir.

Bardasarkan dipinisi di atas, maka dalam sistim Tata Surya tardapat dalapan palanit. Hingga 24 Agustus 2006, sabalum Parsatuan Astrunumi Intarnasiunal (International Astronomical Union = IAU) mangumumakan parubahan pada dipinisi "palanit" sahingga nang kaya disabutakan di atas, tardapat sambilan palanit tarmasuk Plutu, bahkan banda lait nang balakangan jua ditamuakan sampat dianggap palanit hanyar, nang kaya : Ciris, Sidna, Urcus, Ksina, Kuauar, UB 313. Plutu, Ciris wan UB 313 wahini baubah satatusnya jadi “palanit halus”. Palanit nang diambil dari kata dalam bahasa Yunani Asteres Planetai nang baarti Bintang Pangalana. Dingarani kaya ini supaya balain lawan bintang biasa. Palanit dari waktu ka waktu tarlihat bakalana (bapindah-pindah) mulai rasi bintang nang sabuting ka rasi bintang nang lainnya. Parpindahan nangini (wayahini) kawa dipahami karna palanit baridar mangalilingi Matahari. Tapi pas zaman Yunani kunu nang balum manganal kunsip hiliusintris, palanit dianggap sabagai riprisintasi diwa di langit. Wayahitu nang dimaksud palanit adalah tujuh banda langit: Matahari, Bulan, Mirkurius, Pinus, Mars, Jupitir wan Saturnus. [[Astrunumi mudirin mahapus Matahari wan Bulan intang daptar karna kada sasuai lawan dipinisi nang barlaku wayahini. Sabalumnya, palanit-palanit angguta tata surya ada 9, yaitu Mirkurius, Pinus, Bumi, Mars, Jupitir, Saturnus, Uranus, Niptunus wan Plutu. Tapi, tanggal 26 Agustus 2006, buhan ilmuan sapakat mangaluarakan Plutu intang daptar palanit sahingga jumlah palanit di tata surya 8 bbutingannya.

Palanit dalam tata surya

Manurut IAU (Parsatuan Astrunumi Intarnasiunal) sasuai lawan dipinisi nang hanyar, maka baulihi dalapan palanit dalam sisiti Tata Surya:

  1. Mirkurius
  2. Pinus
  3. Bumi
  4. Mars
  5. Jupitir
  6. Saturnus
  7. Uranus
  8. Niptunus

Sajarah

Sajalan lawan barkambangnya ilmu pangatahuan, pangartian istilah "Palanit" baubah dari "sasuatu" nang bagarak malintasi langit (rilatip tarhadap latar balakang bintang-bintang nang 'tatap'), manjadi banda nang bagarak mangalilingi Matahari. Pas mudil hiliusintrik mulai manduminasi pas abat ka 16, palanit mulai ditarima sabagai "sasuatu" nang mangurbit Matahari wan Bumi nitu adalah palanit jua. Inggat partangahan abat ka 19, sabarataan ubjik apapun nang ditamuakan mangitari Matahari didaptarakan sabagai palanit, wan jumlah “palanit” jadi batambah banyak di hujung abat nitu. Pas tahun 1800-an, astrunum mulai manyadari bahwa banyak panamuan tarhanyar nang mirip lawan palanit-palanit taradisiunal. Ubjik-ubjik kaya Ciris, Pallas wan Pista, nang diklasipikasiakan sabagai palanit sampai parak satangah abat, imbahnya diklasipikasiakan lawan ngaran hanyar "Asteruid". Intaang titik ninih, kaadaan dipinisi purmal maulah “palanit” dipahami sabagai banda ganal nang mangurbit Matahari. Kada ada kaparluan gasan manatapakan batas-batas dipinisi karna ukuran antara asteroid wan palanit jauh bangat balainnya, wan banjir panamuan hanyar kayanya sudah imbah. Tapi pas abad ka 20 Plutu ditamuakan. Imbah pangamatan-pangamatan awal mangarahakan pada dugaan bahwa Plutu baukuran taganal daripada Bumi, LAU (nang hanyar haja diulah) manarima ubjik nitu sabagai palanit. Pamantauan ta jauh manamuakan bahwa ubjik nitu tarnyata jauh tahalus dari dugaan awal, tapi karna hanyar taganal daripada sabarataan asteroid nang dikatahui, wan tampaknya kada iksis dalam pupulasi nang ganal, LAU tatap mampartahanakan satatusnyaa salawas kikira 70 tahun. Pas tahun 1990-an wan awal 2000-an, tarjadi panamuan ubjik-ubjik sajanis Plutu di dairah nang rilatip sama. Nang kaya Ciris wan asteroid-asteruid pas masa sabalumnya, Plutu ditamuakan hanya sabagai banda halus di intang sabuah pupulasi nang barjumlah ribuan. Samakin banyak astrunum nang mainta supaya Putu didipinisiakan ulang dari sabuah palanit sairing batambahnya panamuan ubjik-ubjik sajanis. Panamuasn Iris, sabuah ubjik nang ta masip daripada Plutu, dipublikasiakan sacara luas sabagai palanit kasapuluh, maulah hal nini samakin mangamuka. Akhrnya pas tanggal 24 Agustus 2006, bardasarakan pamungutan suara, LAU maulah dipinisi palanit nang hanyar. Jumlah palanit dalam Tata Surya bakurang jadi 8 banda ganal nang barhasil "mambarasihakan lingkungannya" (Mirkurius, Pinus, Bumi, Mars, Jupitir, Saturnus, Uranus wan Niptunus), wan sabuah kalas hanyar diciptaakan, yaitu palanit Katai, nang pada awalnya tardiri dari tigu ubjik, Ciris, Plutu wan Iris.

Sajarah ngaran-ngaran palanit

Lima palanit paling parak ka Matahari salain Bumi (Mirkurius, Pinus, Mars, Jupitir wan Saturnus) sudah tahuan urang pas jaman dahulu karna marika sabarataan kawa malihat lawan mata tilanjang. Banyak bangsa di dunia nini baisi ngaran saurang gasan masing-masing palanit. Pas abat ka 6 SM, bangsa Yunani mambarii ngaran Stilbon(Camarlang) gasan Palanit Mirkurius, Pyoroeis (baapi) gasan Mars, Phaeton (Mancilang) gasan Jupitir, Phainon (Basinar) gasan Saturnnus. Khusus palanit Pinus baisi dua ngaran yaitu Hesperos (bintang kamarian) wan Phosphoros (pambawa cahaya). Hal nini tarjadi karna dahulu palanit Pinus nang mancungul pas subuh baisukan wan kamarian dianggap sabagai dua ubjik nang balain. Pas abat ka 4 SM, Aristoteles mamparkanalakan ngaran-ngaran diwa dalam mitulugi gasan palanit-palanit ninih. Hermes jadi ngaran Mirkurius, Ares gasan Mars, Zeus gasan Jupitir, Kronos gasan Saturnus wan Aphrodite gasan Pinus. Pas masa salanjunya dimana kabudayaan Rumawi manjadi labih barjaya disbanding Yunani, sabarataan palanit dialihakan jadi ngaran-ngaran diwa buhannya. Kabatulan diwa-diwa dalam mitulugi Yunani baisi padanan dalam mitulugi Rumawi sahingga palanit-palanit tarsabut dingarani lawan ngaran nang kita katahui wayahini. Hingga masa wayahini, tradisi pangaranan palanit menggunaakan ngaran diwa dalam mitulugi Rumawi masih balanjut. Tapi damikian pas palanit ka 7 ditamuakan, palanit ninih dingarani Uranus nang marupaakan diwa Yunani. Dingarani Uranus karna Uranus adalah abahnya Krunus (Saturnus). Mitulugi Rumawi saurang kada baisi padanan gasan dewa Uranus. Palanit ka 8 dingarani Niptunus, diwa laut dalam mitulugi Rumawi.

Citakan:Link FA