Basa Japang

Bahasa Japang dangarakan (日本語; romaji: Nihongo) marupakan bahasa rasmi di Jepang dan jumlah pamandir 127 juta jiwa.

Bahasa Japang jua digunakan ulih sajumlah penduduk nagara nang suah ditaklukkannya kaya Korea dan Republik Cina. Inya jua hingkat didangarakan di Amiika Sarikat (California dan Hawaii) dan Brasil akibat emigrasi urang Japang ka situ. Namun katurunan mereka nang disebut nisei (二世, generasi kadua), kada lagi fasih dalam bahasa itu.

Bahasa Japang tabagi kapada dua bantuk yaitu Hyoujungo (標準語), patuturan standar, dan Kyoutsugo (共通語), patuturan umum. Hyoujungo adalah bantuk nang diajarakan di sakulah dan digunakan di televisi wan sagala pahubungan rasmi.

Tulisan bahasa Japang

Tulisan bahasa Jepang barasal matan tulisan bahasa Cina nang dipinanduakan pada abad kaampat Masehi. Sabalum ini, urang Japang kada baisi sistim panulisan saurangan.

Tulisan Jepang tabagi kapada talu:

• aksara Kanji (漢字) nang berasal matan China
• aksara Hiragana (ひらがな) dan
• aksara Katakana (カタカナ); kaduanya ba'unsur daripada tulisan kanji dan dikembangkan pada abad kadalapan Masehi ulih rohaniawan Buddha hagan manulung melafazkan karakter-karakter China.

Kadua aksara padudian ini biasa disambat kana dan keduanya tapangaruhi fonetik bahasa Sansekerta. Hal ini magun kawa ditiring dalam urutan aksara Kana. Salain itu, ada pula sistim alihaksara nang disamvat romaji.

Bahasa Japang nang kita patuh wayahini ini, ditulis lawan manggunakan kombinasi aksara Kanji, Hiragana, dan Katakana. Kanji dipakai hagan manyatakan arti dasar matan kata ( baik berupa kata benda, kata gawi, kata sifat, atawa kata sandang). Hiragana ditulis limbah kanji hagan ma'ubah arti dasar matan kata itu, dan marasukkannya lawan paraturan tata bahasa Jepang.