Buddha

Agama Buddha tu pemulaannya muncul di India, lebih tepatnya lagi wayah naya adanya di daérah Nepal. Agama nang ini muncul sebagai tindak balas terhadap agama Brahmanisme. Sejarah agama Buddha matan abad ke-6 SM sampai wayah naya dimulai sejak lahirnya Buddha Siddharta Gautama. Makanya, agama nang ini ni merupakan salah sabuting agama nang paling tuha nang masih dianut di dunia. Agama Buddha berkembang lawan unsur kebudayaan India, ditambah lawan unsur-unsur kebudayaan Helenistik (Yunani), Asia Tengah, Asia Timur dan Asia Tenggara. Dalam proses perkembangannya, agama ini praktis sudah mencapai parak semunyaan benua Asia dan sudah jadi agama mayoritas di beberapa negara Asia nang kaya Muangthai, Singapura, Kamboja, Myanmar, Taiwan, dan sebagainya. Pencetusnya yaitu Siddhartha Gautama nang dikenal sebagai Gautama Buddha oleh buhan pengikut sidin.

Semunyaan aliran Buddha berpegangan lawan Tripitaka nang jadi rujukan utama soalnya di dalamnya tercatat sabda dan ajaran sang hyang Buddha Gautama. Buhan pengikut sidin imbah itu mencatat dan mengklasifikasiakan ajaran sidin dalam talu butingan buku yaitu Sutta Piṭaka (kotbah-kotbah Sang Buddha), Vinaya Piṭaka (peraturan atawa tata-tertib buhan bhikkhu) dan Abhidhamma Piṭaka (ajaran hukum métafisika dan psikologi).

Konsép Ketuhanan

Artikal utama: Tuhan dalam Agama Buddha

Perlu ditekanakan bahwa Buddha tu lain Tuhan. Konsép ketuhanan dalam Agama Buddha tu béda lawan konsep dalam agama Samawi di mana alam semesta diciptaakan oleh Tuhan dan tujuan pahabisan hidup manusia tu yaitu babulik pulang ke surga ciptaan Tuhan nang kekal.

Ketahuilah buhan Bhikkhu ai bahwa ada sesuatu Nang Kada Dilahirakan, Nang Kada Menjelma, Nang Kada Tercipta, Nang Mutlak. Uma ai lah buhan Bhikkhu, mun kadada Nang Kada Dilahirakan, Nang Kada Menjelma, Nang Kada Diciptaakan, Nang Mutlak, maka kada akan mungkin kita kawa bébas dari kelahiran, penjelmaan, pembentukan, pemunculan dari sebab nang lalu. Tetapi buhan Bhikkhu ai, karena ada Nang Kada Dilahirakan, Nang Kada Menjelma, Nang Kada Tercipta, Nang Mutlak, maka ada kemungkinan gasan bébas dari kelahiran, penjelmaan, pembentukan, pemunculan dari sebab nang lalu.

Ungkapan nang di atas tu yaitu pernyataan dari Sang Buddha nang terdapat dalam Sutta Pitaka, Udana VIII : 3, nang merupakan konsép Ketuhanan Nang Maha Ésa dalam Agama Buddha. Ketuhanan Nang Maha Ésa dalam bahasa Pali adalah Atthi Ajatang Abhutang Akatang Asamkhatang nang artinya "Suatu Nang Kada Dilahirakan, Kada Dijelmaakan, Kada Diciptaakan dan Nang Mutlak". Dalam hal ini, Ketuhanan Nang Maha Ésa adalah suatu nang kada ba-aku (anatta), nang kada kawa dipersonifikasiakan dan nang kada kawa digambarakan dalam bentuk apa pun. Tetapi dengan adanya Nang Mutlak, nang kada bersyarat (asamkhata) maka manusia nang bersyarat (samkhata) kawa mencapai kebébasan dari lingkaran kehidupan (samsara) dengan cara berméditasi.

Dengan membaca konsép Ketuhanan Yang Maha Ésa ini, kita kawa melihat bahwa konsép Ketuhanan dalam Agama Buddha tu lain lawan konsép Ketuhanan nang diyakini oleh agama-agama lain. Perbédaan konsép tentang Ketuhanan ini perlu ditekanakan di sini, soalnya masih banyak lagi umat Buddha nang mencampur-adukakan konsép Ketuhanan menurut Agama Buddha lawan konsép Ketuhanan menurut agama-agama lain, makanya banyak umat Buddha nang maanggap bahwa konsép Ketuhanan dalam Agama Buddha tu sama aja lawan konsep Ketuhanan dalam agama-agama lain.

Amunnya kita mempelajari ajaran Agama Buddha nang kaya nang ada dalam kitab suci Tripitaka, maka kada konsép Ketuhanan aja nang lain lawan konsep ketuhanan dalam agama lain, tetapi banyak jua konsép lain nang kada sama jua. Konsép-konsép Agama Buddha nang berlainan lawan konsép-konsép dari agama lain antara lain soal konsép-konsép alam semesta, terbentuknya Bumi dan manusia, kehidupan manusia di alam semesta, kiamat dan Keselamatan atau Kebébasan.

Di dalam agama Buddha tu tujuan pahabisan hidup manusia adalah gasan mencapai kebuddhaan (anuttara samyak sambodhi) atawa pencerahan sejati di mana roh manusia kada perlu lagi mengalami prosés tumimbal lahir. Supaya mencapai itu pertolongan dan bantuan pihak lain kada ada pengaruhnya. Kadada déwa - déwi nang kawa membantui, cuma dengan usaha sendiri aja tu pang kebuddhaan kawa dicapai. Buddha hanya contoh aja, juru pandu, dan guru gasan makhluk nang perlu melalui jalan buhannya sorangan, mencapai pencerahan rohani, dan melihat kebenaran & kenyataan nang sebujur-bujurnya.

Moral Buddha

Nang kaya agama Islam lawan Kerestén jua, ajaran Buddha gén menjunjung tinggi nilai-nilai kemoralan jua. Nilai-nilai kemoralan nang diharusakan gasan umat awam umat Buddha biasanya dikenal dengan ngaran Pancasila. Kelima nilai-nilai kemoralan gasan umat awam yaitu:

• Panatipata Veramani Sikkhapadam Samadiyami
• Adinnadana Veramani Sikkhapadam Samadiyami
• Kamesu Micchacara Veramani Sikhapadam
• Musavada Veramani Sikkhapadam Samadiyami
• Surameraya Majjapamadatthana Veramani Sikkhapadam Samadiyami

nang artinya tu:

• aku bertékad akan melatih diri menghindari pembunuhan makhluk hidup.
• aku bertékad akan melatih diri menghindari mencuntan/maambil barang nang kada dibariakan.
• aku bertékad akan melatih diri menghindari melakukan perbuatan asusila.
• aku bertékad akan melatih diri menghidari melakukan perkataan nang bekeramput.
• aku bertékad akan melatih diri menghindari makanan atawa minuman nang kawa menyebabakan lemahnya kesadaran.

Selain nilai-nilai moral nang di atas tu, Agama Buddha gén menjunjung tinggi banar jua karma sebagai sesuatu nang berpegang lawan prinsip sebab-akibat. Kamma (bahasa Pali) atawa Karma (bahasa Sanskerta) tu artinya perbuatan atawa aksi. Guru Buddha dalam Nibbedhika Sutta; Anguttara Nikaya 6.63 menjelasakan secara jelas arti kamma:

”Ui buhan bhikkhu, cetana (kehendak)lah nang kunyataakan sebagai kamma. Imbah berkehendak, orang melakukan suatu tindakan lewat awak, pandéran atawa pikiran.”

Jadi, kamma tu artinya semunyaan jenis kehendak (cetana), perbuatan nang baik maupun nang buruk/jahat, nang dilakukan oleh jasmani (kaya), pandéran (vaci) dan pikiran (mano), nang baik (kusala) maupun nang jahat (akusala).

Kamma atawa rancak jua disambat sebagai Hukum Kamma merupakan salah sebuting hukum alam nang bekerja berdasarkan prinsip sebab-akibat. Selama suatu makhluk berkehendak, melakukan kamma (perbuatan) sebagai sebab maka akan menimbulakan akibat atawa hasil. Akibat atawa hasil nang ditimbulakan dari kamma disambat sebagai Kamma Vipaka.

Aliran Buddha

Ada beberapa buting aliran dalam Agama Buddha:

1. Buddha Theravada
2. Buddha Mahayana: Zen
3. Buddha Vajrayana

Buddha Théravada

Artikal utama: Buddha Théravada

Aliran Théravada tu aliran nang baisian mazhab Buddha nang panuhanya nang masih ada sampai wayah naya, dan untuk beberapa abad mendominasi Sri Langka dan wilayah Asia Tenggara (sebagian dari Cina bagian barat daya, Kamboja, Laos, Myanmar, Malaysia, Indonésia dan Muangthai) dan juga sebagian Viétnam. Selain itu terkenal jua di Singapura dan Australia.

Sudut Bahasa

Istilah Théravada tu asalnya dari Bahasa Pali nang terdiri atas dua kata yaitu théra dan vada. Théra artinya sesepuh khususnya sesepuh nang bahari-bahari, dan vada artinya perkataan atau ajaran. Jadi Theravada artinya tu Ajaran Buhan Sesepuh.

Istilah Théravada muncul sebagai salah satu aliran Agama Buddha dalam Dipavamsa, catatan awal sejarah Sri Langka pada abad ke-4 Masehi. Istilah ini tercatat jua dalam Mahavamsa, sebuah catatan sejarah penting nang berasal dari abad ke-5. Diyakini Théravada tu merupakan wujud lain dari salah satu aliran Agama Buddha terdahulu yaitu Sthaviravada (Bahasa Sanskerta: Ajaran Buhan Sesepuh), sebuah aliran Agama Buddha awal nang terbentuk pada Sidang Agung Sangha ke-2 (443 SM), dan juga merupakan wujud dari aliran Vibhajjavada nang artinya Ajaran Analisis (Doctrine of Analysis) atawa Agama Akal Budi (Religion of Reason).

Sejarah

Sejarah Théravada kada kawa lepas dari sejarah Buddha Gotama sebagai pendiri Agama Buddha. Setelah Sang Buddha parinibbana (543 SM), tiga bulan imbah itu diadaakan Sidang Agung Sangha (Sangha Samaya).

Diadaakan pada tahun 543 SM (3 bulan imbah bulan Mei), berlangsung selama 2 bulan. Dipimpin oleh Y.A. Maha Kassapa dan dihadiri oleh 500 orang Bhikkhu nang semunyaan Arahat. Sidang diadakan di Guha Satapani di kota Rajagaha. Sponsor sidang agung ini ni adalah Raja Ajatasatu. Tujuan Sidang yaitu mahimpun Ajaran Sang Buddha nang diajarakan kapada orang nang berlainan, di wadah nang berlainan dan dalam waktu nang berlainan jua. Maulangi Dhamma dan Vinaya supaya Ajaran Sang Buddha tetap murni, kuat, melebihi ajaran-ajaran lainnya. Y.A. Upali maulangiVinaya dan Y.A. Ananda maulangi Dhamma.

Sidang Agung Sangha ke-2, tahun 443 SM , di mana pamulaan Buddhisme mulai terbagi menjadi 2. Di satu sisi kelompok nang handak ada perubahan beberapa peraturan kecil dalam Vinaya, di sisi lain kelompok nang handak mempertahanakan Vinaya supaya tetap kaitu-kaitu aja. Kelompok nang handak perubahan Vinaya memisahakan diri dan dikenal dengan ngaran Mahasanghika nang merupakan cikal-bakal Mahayana. Sedangkan nang mempertahaankan Vinaya disebut Sthaviravada.

Sidang Agung Sangha ke-3 (313 SM), diumpati oleh kelompok Sthaviravada aja. Sidang ini memutusakan untuk kada merubah Vinaya, dan Moggaliputta Tissa sebagai pimpinan sidang menuntungakan buku Kathavatthu nang berisi penyimpangan-penyimpangan dari aliran lain. Saat itu pula Abhidhamma dimasukakan. Imbah itu ajaran-ajaran ini ditulis dan disahkan oléh sidang. Imbah itu Y.M. Mahinda (anak lakian Raja Asoka) membawa Tipitaka ini ke Sri Langka tanpa ada nang hilang sampai wayah ini dan menyebarakan Buddha Dhamma di sana. Di sana ajaran ini dikenal sebagai Théravada.

Kitab Suci

Kitab Suci nang dipergunaakan dalam agama Buddha Théravada adalah Kitab Suci Tipitaka nang dikenal sebagai Kanon Pali (Pali Canon). Kitab suci Agama Buddha nang panuhanya, nang diketahui sampai wayah naya, ditulis dalam Bahasa Pali, nang terbagi dalam 3 kelompok ganal (nang disebut sebagai "pitaka" atau "keranjang") yaitu: Vinaya Pitaka, Sutta Pitaka, dan Abhidhamma Pitaka. Karena terdiri dari 3 kelompok tersebut, maka Kitab Suci Agama Buddha dingarani Tipitaka (Pali).

Ajaran

Ajaran dasar dikenal sebagai Empat Kebenaran Mulia:

• Dukkha Ariya Sacca (Kebenaran Arya soal Dukkha),
• Dukkha Samudaya Ariya Sacca (Kebenaran Ariya soal Asal Mula Dukkha),
• Dukkha Nirodha Ariya Sacca (Kebenaran Ariya soal Terhentinya Dukkha),
• Dukkha Nirodha Ariya Sacca (Kebenaran Ariya soal Jalan nang Menuju Terhentinya Dukkha).

Secara umum sama lawan aliran Agama Buddha nang lain, Théravada mengajarakan soal pembébasan akan dukkha (penderitaan) nang ditempuh dengan menjalanakan sila (kemoralan), samadhi (konsentrasi) dan panna (kebijaksanaan).

Agama Buddha Théravada hanya maakui Buddha Gotama sebagai Buddha sejarah nang hidup pada masa nang wahini. Biarpun kaitu Théravada maakui pernah ada dan akan muncul jua Buddha-Buddha lainnya.

Dalam Théravada terdapat 2 jalan nang kawa ditempuh untuk mencapai Pencerahan Sempurna yaitu Jalan Arahat (Arahatship) dan Jalan Kebuddhaan (Buddhahood).

Buddha Mahayana

Artikal utama: Buddha Mahayana

Patung Buddha Tian Tan. Vihara Po Lin, pulau Lantau, Hong Kong

Sutra Teratai merupakan rujukan sampingan penganut Buddha aliran Mahayana. Tokoh Kwan Im nang artinya "maha mendengar" atawa ngaran Sansekertanya "Avalokiteśvara" merupakan tokoh Mahayana dan dipercayai telah menitis beberapa kali dalam alam manusia untuk memimpin umat manusia ke jalan kebenaran. Sidin dibariakan sifat-sifat keibuan nang kaya penyanang dan lemah limambut. Menurut sejarahnya Avalokitesvara tu orang lakian murid Buddha, tapi imbah pengaruh Buddha masuk ke Cina, tokoh ini lambat-laun berubah jadi sosok feminin dan dihubungakan lawan legenda nang ada di Cina sebagai seorang dewi.

Penyembahan kapada Amitabha Buddha (Amitayus) merupakan salah satu aliran utama Buddha Mahayana. Sorga Barat merupakan tempat tujuan umat Buddha aliran Sukhavati imbah buhannya tu meninggal dunia dengan berkat kebaktian buhannya terhadap Buddha Amitabha di mana buhannya kada usah lagi mengalami proses reinkarnasi dan dari sana menolong semunyaan makhluk hidup nang masih menderita di bumi.

Buhannya tu mempercayai bahwasanya buhannya tu akan lahir semula di Sorga Barat gasan mehadangi saat Buddha Amitabha membariakan khotbah Dhamma dan Buddha Amitabha akan memimpin buhannya tu ke tahap mencapai 'Buddhi' (tahap kesempurnaan di mana kejahilan, kebencian dan ketamakan kadada lagi). Ini ni merupakan pemahaman Buddha nang paling dikatujui oleh orang Cina.

Seorang Buddha tu lain déwa atawa makhluk suci nang meunjuki manusia kesejahteraan. Semunyaan Buddha adalah pemimpin segala kehidupan ke arah mencapai kebébasan dari kesengsaraan. Hasil amalan ajaran Buddha inilah nang akan membawa kesejahteraan gasan nang meamalakannya.

Ujar Buddha Gautama, kenikmatan Kesadaran Nirwana nang dicapai sidin di bawah pohon Bodhi, tersedia gasan semunyaan makhluk lamunnya buhannya tu dilahirakan jadi manusia. Menekanakan konsép ini, aliran Buddha Mahayana khususnya merujuk kapada banyak Buddha dan juga bodhisattva (makhluk nang baisi tékad gasan Kesadaran tetapi menangguhkan Nirvana buhannya supaya kawa membantui orang lain di jalan itu). Dalam Tipitaka suci - intipati naskah suci Buddha - kada terhitung jumlah Buddha nang bahari-bahari dan hidup buhannya sudah disebut, termasuk Buddha nang akan datang, Buddha Maitréya .

Hari Raya

Ada empat hari raya besar dalam Agama Buddha. Namun suma ada sabutingannya nang dikenal luas masyarakat Indonésia yaitu Hari Raya Trisuci Waisak, sekaligus sabutingannya hari raya umat Buddha nang dijadiakan hari libur nasional Indonésia setiap tahunnya.

Waisak

Penganut Buddha merayaakan Hari Waisak nang merupakan peringatan 3 peristiwa, yaitu: hari kelahiran Pangéran Siddharta (ngaran sebelum sidin jadi Buddha), hari pencapaian Penerangan Sempurna Pertapa Gautama, dan hari Sang Buddha wafat atawa mencapai Nibbana/Nirwana. Hari Waisak dikenal jua dengan ngaran lain kaya Visakah Puja atawa Buddha Purnima di India, Vésak di Sri Langka, Malaysia dan Singapura, Visakha Bucha di Muangthai. Nama ini diambil dari bahasa Pali "Wésakha", nang terkait jua lawan "Waishakha" dari bahasa Sanskerta.

Kathina

Hari raya Kathina tu merupakan upacara persembahan jubah gasan Sangha imbah menjalani Vassa. Jadi imbah masa Vassa tuntung, umat Buddha memasuki Masa Kathina atawa Bulan Kathina. Dalam kesempatan ini, selain membariakan persembahan jubah Kathina, umat Buddha gén berdana jua gasan keperluan pokok buhan Bhikkhu, perlengkapan vihara, dan berdana gasan perkembangan dan kemajuan Agama Buddha.

Asadha

Kebaktian gasan memperingati hari besar Asadha disebut Asadha Puja / Asalha Puja. Hari Raya Asadha, diperingati 2 (dua) bulan imbah Hari Raya Waisak, gasan memperingati kejadian nang menyangkut kehidupan Sang Buddha dan ajaran sidin, yaitu untuk pertama kalinya Sang Buddha membabarakan Dharma sidin gasan 5 pertapa (Panca Vagiya). Kelima pertapa tersebut yaitu Kondanna, Bhadiya, Vappa, Mahanama dan Asajji, dan imbah mendangarakan khotbah Dharma, buhannya mencapai arahat, dan terbentuklah Arya Sangha (Persaudaraan Para Bhikkhu Suci).

Magha Puja

Hari Besar Magha Puja memperingati disabdaakannya Ovadha Patimokha, Inti Agama Buddha dan Étika Pokok buhan Bhikkhu. Sabda Sang Buddha di muka 1.250 Arahat nang semunyaan arahat tersebut ditasbihakan sorangan oleh Sang Buddha (Ehi Bhikkhu), nang kehadirannya itu tanpa diundang dan tanpa ada perjanjian satu dengan nang lain terlebih dahulu, Sabda Sang Buddha bertempat di Vihara Veluvana, Rajagaha.

Tempat Ibadah

Tempat ibadah Agama Buddha disebut Vihara.

Agama Buddha di Kalimantan Selatan

Bahari tu ada Kerajaan Tanjungpuri di Tanjung, Tabalong. Kerajaan ini bercorak Buddha, jar karena didirikan oleh buhan pendatang bersuku Melayu dari Kedatuan Sriwijaya. Peninggalan bercorak Buddha di Kalimantan Selatan nang paling nyata yaitu Candi Laras di Kecamatan Candi Laras Selatan, Tapin. Di parak situ, di daérah aliran Sungai Amas, ditamuakan jua sebutingan arca Buddha Dipangkara nang ada tulisan baaksara Pallawa, batulisan "siddha" (mun lengkap seharusnya "jaya siddha yatra" nang artinya "perjalanan ziarah nang mendapatakan barakah"). Bahari kala daérah itu kekuasaan Kerajaan Negara Daha nang diperkiraakan beragama Syiwa-Buddha.

Tapi imbah Pangeran Samudera masuk Islam, agama-agama lawas (Hindu, Buddhisme) mulai ditinggalakan orang. Wayah naya di Kalimantan Selatan, kebanyakan umat Buddha tu nang keturunan Cina. Ada jua sepalih Orang Dayak Dusun Balangan di Kecamatan Halong, Kabupaten Balangan nang baagama ini.