Tata Surya: Pabidaan ralatan

Tumatan Wikipidia Banjar, kindai pangatahuan
Konten dihapus Konten ditambahkan
VolkovBot (pandir | sumbangan)
s r2.7.2) (bot Ma'ubah: ro:Sistem solar
Vagobot (pandir | sumbangan)
Baris 616: Baris 616:
[[wo:Nosteg jant]]
[[wo:Nosteg jant]]
[[wuu:太阳系]]
[[wuu:太阳系]]
[[xmf:ბჟაშ სისტემა]]
[[yi:זון סיסטעם]]
[[yi:זון סיסטעם]]
[[yo:Sístẹ̀mù Òrùn]]
[[yo:Sístẹ̀mù Òrùn]]

Ralatan matan 29 Disimbir 2011 17.05

Gambaran umum Tata Surya (ukuran digambarakan sasuai sekala, jarak kada): Matahari, Merkurius, Venus, Bumi, Mars, Ceres, Yupiter, Saturnus, Uranus, Neptunus, Pluto, dan Eris.

Tata Surya[a] adalah garumbung banda langit nang tasusun matan sabuting bintang nang disambat Matahari dan samunyaan objék nang ta'ikat lawan gaya gravitasinya. Objék-objék nangitu tamasuk walu planet nang sudah dikatahui ba-orbit babantuk élips, lima planet kihit, 173 satelit alami nang sudah diidéntifikasi, wan jutaan banda langit (météor, astéroid, komét) lainnya.

Tata Surya tabagi jadi Matahari, ampat planet palih dalam, sabuk asteroid, ampat planet palih luar, wan di palih paluarnya adalah Sabuk Kuiper dan pipiringan basapai. Awan Oort disangka ba'andak di da'irah panjauhnya nang bajarak bangsa saribu kali di luar palih nang paluaran.

Bapandal jaraknya tumatan di matahari, kawalu buting planet Tata Surya ialah Merkurius (57,9 juta km), Venus (108 juta km), Bumi (150 juta km), Mars (228 juta km), Yupiter (779 juta km), Saturnus (1.430 juta km), Uranus (2.880 juta km), dan Neptunus (4.500 juta km). Tumatan di panangahan tahun 2008, ada lima objék rakun nang diklasifikasiakan sabagai planet kihit. Orbit planet-planet kihit, kacawali Ceres, andakannya tajauh daripada Neptunus. Kalima buting planet kihit nangitu ialah Ceres (415 juta km. di sabuk astéroid; bahari diklasipikasikan sabagai planet kalima), Pluto (5.906 juta km.; bahari diklasipikasikan sabagai planet kasanga), Haumea (6.450 juta km), Makemake (6.850 juta km), dan Eris (10.100 juta km).

Anam tumatan kawalu buting planet dan talu tumatan kalima buting planet kihit naitu dikulilingi ulih satelit alami, nang rancak disambat "bulan" sasuai lawan Bulan atawa satelit alami Bumi. Masing-masing planet palih luar dikulilingi ulih utas planet nang tasusun ulih dabu wan partikal nang lain.

Talatah

Banyak pang sudah hipotesis tentang talatah Tata Surya dikuya bubuhan ahli, di antaranya :

Pierre-Simon Laplace, pandukung Hipotesis Nebula
Gerard Kuiper, pandukung Hipotesis Kondensasi
Hipotesis Nebula

Hipotesis nebula panambayan dikuya ulih Emanuel Swedenborg (1688-1772)[1] tahun 1734 dan disampurnakan ulih Immanuel Kant (1724-1804) di tahun 1775. Hipotesis sarupa jua dikambangkan ulih Pierre Marquis de Laplace[2] sacara independen di tahun 1796. Hipotesis naini, nang labih dipinandui pakai ngaran Hipotesis Nebula Kant-Laplace, mamadahakan bahua di tahap tatambayan, Tata Surya magun ba'ujud saun raksasa. Saun naini tabantuk ulih dabu, es, dan gas nang disambat nebula, dan unsur gas nang pambanyaknya hidrogen. Gaya grapitasi ampun inya ma'ulah saun naitu mangarusut dan bapusing ampah nang bakurinah, suhu saun bapanas, wan kawarihannya jadi bintang raksasa (matahari). Matahari raksasa batarus bakarucut dan bapusing sasain hancap, dan utas-utas gas dan es takipai ka sakuliling matahari. Marga gaya gravitasi, gas-gas nangitu tadi baracap baraung lawan panurunan suhunya dan mambantuk planet dalam dan planet luar. Laplace bapandapat bahua orbit babantuk babaya balingkar tumatan planet-planet marupakan akibat tumatan pambantukan bubuhannya.[3]

Hipotesis Planetisimal

Hipotesis planetisimal panambaian dikuya ulih Thomas C. Chamberlin wan Forest R. Moulton di tahun 1900. Hipotesis planetisimal mamadahakan bahua Tata Surya kita tabantuk marga adanya bintang lain nang lalu sadang pang paraknya lawan matahari, di wayah tatambayan pambantukan matahari. Paraknya nangitu tadi manyababakan tajadinya dugul di pamukaan matahari, dan ba'imbai paroses internal matahari, manjuhut materi babulang bulik tumatan di matahari. Efek grapitasi bintang ma'akibatkan tabantuknya dua pagalangan spiral nang bapanjang tumatan di matahari. Pahadangan naitu palih tabanyak materi tajuhut pulang, sapalih nang lain pacang tatap di orbit, badingin dan baracap, dan jadi banda-banda ba'ukuran halus nang bubuhannya sambat planetisimal dan babarapa nang ganal sabagai protoplanet. Obyek-objek nangitu tadi barumpakan waktu kawilang waktu dan mambantuk planet dan bulan, pahadangan naitu sisa-sisa materi nang lainnya jadi komet dan asteroid.

Hipotesis Pasang Pandit Bintang

Hipotesis pasang pandit bintang panambayan dikuya ulih James Jeans di tahun 1917. Planet dianggap tabantuk lantaran baparaknya bintang nang lain lawan matahari. Ka'adaan nang babaya barumpakan manyababakan tajuhutnya sajumbelah basar materi tumatan di matahari dan bintang lain nangitu tadi ulih gaya pasang pandit ba'imbai-imbaian bubuhannya, nang limbah itu takondensasi jadi planet.[3] Tagal astronom Harold Jeffreys di tahun 1929 manangkar bahua barumpakam nang sadamia naitu babaya kada mungkin tajadi.[3] Damintu jua astronom Henry Norris Russell manguya kabaratannya lawan hipotesis nangitu tadi.[4]

Hipotesis Kondensasi

Hipotesis kondensasi bamula dikuya ulih astronom Walanda nang bangaran G.P. Kuiper (1905-1973) di tahun 1950. Hipotesis kondensasi mamadahi bahua Tata Surya tabantuk tumatan bal saun raksasa nang bapusing mambantuk cakram raksasa.

Hipotesis Bintang Kambar

Hipotesis bintang kambar bamula dikuya ulih Fred Hoyle (1915-2001) di tahun 1956. Hipotesis naini manguya bahua bahari kala Tata Surya kita ba'ujut dua bintang nang babaya sama ukurannya dan baparakan nang sabutingnya maladum maninggali rapai-rapai halus. Rapaian naitu tajabak ulih gravitasi bintang nang kada maladum dan mulai mangulilinginya.

Sajarah pamahaba'an

Lima planet taparak ka Matahari suwalih Bumi (Merkurius, Venus, Mars, Yupiter dan Saturnus) sudah dikatahui tumatan di jaman bahari kala lantaran bubuhannya nitu kawa dilihat pakai mata tilanjang. Banyak pang bangsa di dunia naini ba'isi ngaran saurang gasan masing-masing planet.

Pakambangan ilmu pangatahuan dan teknologi pangamatan di lima abad bahari mambawa manusia mamahami banda-banda langit tabibas tumatan lingkuh mitologi. Galileo Galilei (1564-1642) lawan teleskop refraktornya kawawa ma'ulah mata manusia "labih itih" dalam ma'itihi banda langit nang kada kawa di'itihi pakai mata tilanjang.

Marga teleskop Galileo kawa ma'itihi talabih itih, inya kawa maniring bamacam parubahan bantuk panampaian Venus, pariannya Venus Sabit atawa Venus Purnama sabagai akibat parubahan ka'andakan Venus kapada Matahari. Panalaran Venus mamusingi Matahari samagin manahapi teori heliosentris, yaitu bahua matahari adalah pusat alam samasta, kadanya Bumi pang, nang sabalumnya dikuya ulih Nicolaus Copernicus (1473-1543). Susunan heliosentris adalah Matahari dikulilingi ulih Merkurius sahingga Saturnus.

Model heliosentris dalam manuskrip Copernicus.

Teleskop Galileo tarus disampurnakan ulih ilmuwan lain nangkaya Christian Huygens (1629-1695) nang mahaba Titan, satelit Saturnus, nang ba'andak babaya 2 kali jarak orbit Bumi-Yupiter.

Pakambangan teleskop gin di'imbangi jua lawan pakambangan pawilangan garak banda-banda langit dan hubungan sabuting lawan nang lain liwat Johannes Kepler (1571-1630) pakai Hukum Kepler. Dan puncaknya, Sir Isaac Newton (1642-1727) pakai hukum gravitasi. Mamakai dua teori pawilangan naini pang nang ma'ulah kawa pancarian dan pawilangan banda-banda langit pandudiannya.

Di tahun 1781, William Herschel (1738-1822) mahaba Uranus. Pawilangan anyak orbit Uranus manyimpulkan bahua planet naini ada nang mahaurnya. Neptunus tahaba di bulan Agustus 1846. Pamahaba'an Neptunus nyatanya kada mayu manjalaskan gangguan orbit Uranus. Pluto badudi tahaba di tahun 1930.

Di wayah Pluto tahaba, inya dikatahui wastu sabubutingannya objek angkasa nang ada limbah Neptunus. Limbah nitu di tahun 1978, Charon, satelit nang mangulilingi Pluto tahaba, sabalumnya sawat disangka sabagai planet nang sabujurnya lantaran ukurannya kada babida jauh lawan Pluto.

Bubuhan astronom limbah itu mahaba bangsa 1.000 objek halus lainnya nang andakannya malimpuai Neptunus (disambat objek trans-Neptunus), nang jua mangulilingi Matahari. Di sana saku ada bangsa 100.000 objek sarupa nang dipinandui sabagai Objek Sabuk Kuiper (Sabuk Kuiper adalah palih tumatan di objek-objek trans-Neptunus). Bawalas-walas banda langit tamasuk dalam Objek Sabuk Kuiper di antaranya Quaoar (1.250 km di bulan Juni 2002), Huya (750 km di bulan Marat 2000), Sedna (1.800 km di bulan Marat 2004), Orcus, Vesta, Pallas, Hygiea, Varuna, dan 2003 EL61 (1.500 km di bulan Mai 2004).

Pamahaba'an 2003 EL61 sadang pang ma'ulah tumbur lantaran Objek Sabuk Kuiper naini gin dikatahui ba'isi satelit di bulan Januari 2005 walau ba'ukuran tahalus daripada Pluto. Dan kaputingannya adalah pamahaba'an UB 313 (2.700 km di bulan uktubir 2003) nang dibari ngaran ulih urang nang mahabanya Xena. Suwalih taganal daripada Pluto, objek naini gin ba'isi satelit jua.

Struktur

Tantingan relatif massa planet. Yupiter adalah 71% daripada total dan Saturnus 21%. Merkurius dan Mars, nang total baraung kurang daripada 0.1% wara kada talihat dalam diagram di atas.
Orbit-orbit Tata Surya pakai sekala nang sabujurnya
Illustrasi sekala

Komponen utama sistem Tata Surya adalah matahari, sabuah bintang deret utama kalas G2 nang batian 99,86 parsin massa tumatan sistem dan mandominasi sabarataan lawan gaya gravitasinya.[5] Yupiter dan Saturnus, dua komponen pangganalnya nang mamusingi matahari, mencakup bangsa 90 parsin massa salabihnya.[c]

Parak samunyaan objek-objek ganal nang ma'orbit matahari ba'andak di bidang pusingan bumi, nang umumnya dingarani ekliptika. Samunyaan planet ba'andak liwar parak lawan ekliptika, pahadangan naitu komet dan objek-objek sabuk Kuiper biasanya ba'isi bida buncu nang liwar ganal dibandingkan ekliptika.

Planet-planet dan objek-objek Tata Surya gin ma'orbit mangulilingi matahari balawanan lawan ampah jarum jam lamun diliat tumatan di kutup utara matahari, kacawali Komet Halley.

Hukum Garakan Planet Kepler manjabarkan bahua orbit tumatan objek-objek Tata Surya sakuliling matahari bagarak ma'umpati bantuk elips mamakai matahari sabagai salah satu titik fokusnya. Objek nang bajarak taparak tumatan di matahari (sumbu semi-mayor-nya tahalus) ba'isi tahun waktu nang tahandap. Di orbit elips, jarak antara objek lawan matahari bavariasi satahunan. Jarak taparaknya antara objek lawan matahari dingarani perihelion, mun jarak panjauhnya tumatan di matahari dingarani aphelion. Samunyaan objek Tata Surya bagarak pahancapnya di titik perihelion dan panggalainya di titik aphelion. Orbit planet-planet kawa disambat babaya babantuk balingkar, tagal komet, asteroid dan objek sabuk Kuiper kabanyakan orbitnya babantuk elips.

Gasan manggampangkan representasi, kabanyakan diagram Tata Surya manampaiakan jarak antara orbit nang sama antara sabuting lawan nang lainnya. Kanyataannya, lawan babarapa pangacawalian, samagin jauh andakan sabuah planet atawa sabuk tumatan di matahari, samagin ganal jarak antara objek naitu lawan jalur pusingan orbit sabalumnya. Sabagai cuntuh, Venus ba'andak bangsa 0,33 satuan astronomi (SA) tumatan di Merkurius[d], mun Saturnus adalah 4,3 SA tumatan di Yupiter, dan Neptunus ba'andak 10,5 SA tumatan di Uranus. Babarapa ukara sudah dicuba gasan manantuakan korelasi jarak antar orbit naini (hukum Titus-Bode), tagal sampai wayahini gin kadada jua sabuting-buting teori nang sudah ditarima.

Parak samunyaan planet-planet di Tata Surya gin ba'isi sistem sekunder. Kabanyakan adalah banda pa'orbit alami nang disambat satelit, atawa bulan. Babarapa banda ini ba'isi ukuran taganal daripada planet. Parak samunyaan satelit alami nang pangganalnya ba'andak di orbit sinkron, lawan asa higa satelitnya bapaling ka ampah planet induknya sacara batatap. Ampat planet pangganalnya gin ba'isi utas nang isinya partikal-partikal halus nang ma'orbit baraungan.

Terminologi

Sacara informal, Tata Surya kawa dibagi jadi talu da'irah. Tata Surya palih dalam mencakup ampat planet kabumian dan sabuk asteroid utama. Di da'irah nang tajauh, Tata Surya palih luar, ta'ulih ampat gas planet raksasa.[6] Tumatan wayah tahaba Sabuk Kuiper, palih luarnya Tata Surya dianggap wilayah babida batunggal nang meliputi samunyaan objek malimpuai Neptunus.[7]

Sacara dinamis dan pisik, objek nang ma'orbit matahari kawa diklasipikasikan dalam talu golongan: planet, planet kihit, dan banda halus Tata Surya. Planet adalah sabuah awak nang mamusingi matahari dan ba'isi massa sadang ganalnya gasan mambantuk bulatan diri dan sudah mambarsihi orbitnya lawan ma-inkorporasikan samunyaan objek-objek halus di pintangannya. Mamakai definisi ngini, Tata Surya ba'isi walu planet: Merkurius, Venus, Bumi, Mars, Yupiter, Saturnus, dan Neptunus. Pluto sudah dipacul status planetnya lantaran kada kawa mambarsihi orbitnya tumatan objek-objek Sabuk Kuiper.[8] Planet kihit adalah banda rakun kada satelit nang mangulilingi matahari, ba'isi massa nang mayu gasan kawa membantuk bulatan diri tagal baluman kawa mambarsihi da'irah pintangannya.[8] Ma'umpati definisi ini, Tata Surya ba'isi lima buah planet kihit: Ceres, Pluto, Haumea, Makemake, dan Eris.[9] Objek lain nang mungkin cagaran diklasifikasikan sabagai planet kihit adalah: Sedna, Orcus, dan Quaoar. Planet kihit nang ba'isi orbit di da'irah trans-Neptunus biasanya disambat "plutoid".[10] Sisa objek-objek lain berikutnya nang mamusingi matahari adalah banda halus Tata Surya.[8]

Ilmuwan ahli planet manggunakan istilah gas, es, dan batu gasan mandeskripsi kalas jat nang ta'ulih di dalam Tata Surya. Batu digunakan gasan mangarani bahan batitik lanah tinggi (taganal daripada 500 K), sabagai cuntuh silikat. Bahan batuan ngini umum bangat ta'ulih di Tata Surya palih dalam, merupakan komponen pambantuk utama parak samunyaan planet kabumian dan asteroid. Gas adalah bahan-bahan batitik lanah randah pariannya atom hidrogen, helium, dan gas mulia, bahan-bahan ini mandominasi wilayah tangah Tata Surya, nang didominasi ulih Yupiter dan Saturnus. Mun es, pariannya banyu, metana, amonia dan karbon dioksida,[11] ba'isi titik lanah bangsa ratusan darajat kelvin. Bahan ngini merupakan komponen utama tumatan palihan taganal satelit planet raksasa. Inya gin merupakan komponen utama Uranus dan Neptunus (nang rancak disambat "es raksasa"), wan jua bamacam banda halus nang ba'andak di parak orbit Neptunus.[12]

Istilah volatiles mencakup samunyaan bahan batitik gurak randah (kurang daripada ratusan kelvin), nang tamasuk gas dan es; tagantung lawan suhunya, 'volatiles' kawa tahaba sabagai es, cairan, atawa gas di bamacam palih Tata Surya.

Zona planet

Zona Tata Surya nang meliputi, planet palih dalam, sabuk asteroid, planet palih luar, wan sabuk Kuiper. (Gambar kada sasuai sekala)

Di zona planet dalam, Matahari adalah pusat Tata Surya dan andakannya pamaraknya lawan planet Merkurius (jarak tumatan di matahari 57,9 × 106 km, atawa 0,39 SA), Venus (108,2 × 106 km, 0,72 SA), Bumi (149,6 × 106 km, 1 SA) dan Mars (227,9 × 106 km, 1,52 SA). Ukuran garis tangahnya antara 4.878 km wan 12.756 km, lawan massa jenis antara 3,95 g/cm3 dan 5,52 g/cm3.

Antara Mars dan Yupiter ta'ulih da'irah nang disambat sabuk asteroid, garumbung babatuan metal dan mineral. Kabanyakan asteroid-asteroid naini bagaris tangah babarapa kilumitir haja(liati: Daptar asteroid), dan babarapa ba'isi garis tangah 100 km atawa labih. Ceres, palih tumatan di garumbung asteroid ngini, ba'ukuran bangsa 960 km dan dikategorikan sabagai planet kihit. Orbit asteroid-asteroid ini liwar eliptis, bahkan babarapa manyimpangi Merkurius (Icarus) dan Uranus (Chiron).

Di zona planet luar, ta'ulih planet gas raksasa Yupiter (778,3 × 106 km, 5,2 SA), Uranus (2,875 × 109 km, 19,2 SA) dan Neptunus (4,504 × 109 km, 30,1 SA) lawan massa jenis antara 0,7 g/cm3 dan 1,66 g/cm3.

Jarak rata-rata antara planet-planet lawan matahari kawa dikikira'akan pakai baris matematis Titus-Bode. Regularitas jarak antara jalur pumusingan orbit-orbit naini kamungkinan merupakan efek resonansi sisa tumatan tatambayan tabantuknya Tata Surya. Anihnya, planet Neptunus kada cungul di baris matematis Titus-Bode, nang ma'ulah bubuhan pangamat baspekulasi bahua Neptunus merupakan hasil rarampakan kosmis.

Matahari

Artikal utama: Matahari
Matahari nang cararauan diliat pakai spektrum sinar-X

Matahari adalah bintang induk Tata Surya dan merupakan komponen utama sistem Tata Surya naini. Bintang naini ba'ukuran 332.830 massa bumi. Massa nang ganal naini manyababakan racapan hinti nang sadang ganalnya gasan kawa mandukung kasinambungan fusi nuklir dan manyamburakan sajumbelah energi nang dahsyat. Kabanyakan energi naini dipancarakan ka luar rakun dalam bantuk radiasi eletromagnetik, tamasuk spektrum optik.

Matahari dikategorikan ka dalam bintang kihit kuning (tipe G V) nang ba'ukuran panangahan, tagal ngaran naini kawa manyababakan kasalahpahaman (tapahuya), lantaran ditanding lawan bintang-bintang nang ada di dalam galaksi Bima Sakti, matahari tamasuk sadang ganalnya dan mancilang. Bintang diklasipikasikan pakai diagram Hertzsprung-Russell, yaitu sabuah grafik nang manggambarakan hubungan nilai luminositas sabuah bintang kapada suhu pamukaannya. Sacara umum, bintang nang tapanas pacang labih mancilang. Bintang-bintang nang ma'umpati pola ini disambat ba'andak di lirit utama, dan matahari andakannya parcis di tangah lirit ini. Tagal ha, bintang-bintang nang talabih mancilang dan tapanas daripada matahari adalah langka, mun bintang-bintang nang takurup dan dingin adalah umum.[13]

Diparcayai bahua kadudukan matahari di lirit utama sacara umum merupakan "puncak hidup" tumatan sabuah bintang, lantaran baluman habisnya hidrogen nang tasimpan gasan fusi nuklir. Wayahini Matahari tumbuh samagin mancilang. Di tatambayan kahidupannya, tingkat kacilangannya adalah bangsa 70 parsin daripada kacilangan damini.[14]

Matahari sacara metalisitas dikategorikan sabagai bintang "populasi I". Bintang kategori naini tabantuk tadudi di tingkat evolusi alam samasta, sahingga batian tabanyak unsur nang tabarat daripada hidrogen dan helium ("metal" dalam sambatan astronomi) ditanding lawan bintang "populasi II".[15] Unsur-unsur nang tabarat daripada hidrogen dan helium tabantuk di dalam hinti bintang purba nang limbah nitu maladum. Bintang-bintang generasi panambayan parlu punah badahulu sabalum alam samasta kawa dihibaki ulih unsur-unsur nang tabarat naini. Bintang-bintang panuhanya batian sadikit bangat metal, mun bintang puga ba'isi tianan metal nang tatinggi. Tingkat metalitas nang tinggi naini dikira-kira'akan bapangaruh panting di pambantukan sistem Tata Surya, lantaran tabantuknya planet adalah hasil panggumpalan metal.[16]

Medium antarplanet

Lambar aliran heliosfer, lantaran garak rotasi magnetis matahari kapada medium antarplanet.

Salain hindaunya, matahari gin batatarusan mamancarakan samburan partikal bamuatan (plasma) nang dipinandui sabagai angin matahari. Samburan partikal ini basapai takaluar kira-kira di hancapan 1,5 juta kilumitir par jam,[17] manciptakan atmosfer nipis (heliosfer) nang malayapi Tata Surya paling kada sajauh 100 SA (liat jua heliopause). Kasamunyaannya ini disambat medium antarplanet. Badai geomagnetis di pamukaan matahari, pariannya samburan matahari (solar flares) dan pangaluaran massa korona (coronal mass ejection) manyababkan gangguan di heliosfer, manciptakan cuaca ruang rakun.[18] Struktur pangganalnya tumatan heliosfer dingarani lambar aliran heliosfer (heliospheric current sheet), sabuah spiral nang tajadi lantaran garak rotasi magnetis matahari kapada medium antarplanet.[19][20] Medan magnet bumi mantagah atmosfer bumi ba'interaksi lawan angin matahari. Venus dan Mars nang kada ba'isi medan magnet, atmosfernya habis takikis ka luar rakun.[21] Interaksi antara angin matahari dan medan magnet bumi manyababakan tajadinya aurora, nang kawa diliat parak kutup magnetik bumi.

Heliosfer gin baperan malindungi Tata Surya tumat sinar kosmik nang ba'asal tumatan di luar Tata Surya. Medan magnet planet-planet manambah peran palindungan satarusnya. Densitas sinar kosmik di medium antarbintang dan kakuatan medan magnet matahari manamuni parubahan di sekala waktu nang liwar panjang, makanya darajat radiasi kosmis di dalam Tata Surya saurang adalah bavariasi, walau kada dikatahui sa'apa ganalnya.[22]

Medium antarplanet gin merupakan tampat adanya paling kada dua da'irah mahirip pipiringan nang isinya dabu kosmis. Da'irah nang panambayan, awan dabu zodiak, ba'andak di Tata Surya palih dalam dan merupakan panyabab cahaya zodiak. Ini kamungkinan tabantuk tumatan di rumpakan dalam sabuk asteroid nang disababkan ulih interaksi lawan planet-planet.[23] Da'irah nang kadua bantangannya antara 10 SA sampai bangsa 40 SA, wan saku disababakan ulih rumpakan nang mahirip tagal tajadi di dalam Sabuk Kuiper.[24][25]

Tata Surya palih dalam

Tata Surya palih dalam adalah ngaran umum nang mencakup planet kabumian dan asteroid. Ta'utama ta'ulah tumatan silikat dan logam, objek tumatan Tata Surya palih dalam melingkup parak lawan matahari, radius tumatan sabarataan da'irah ini tahandap daripada jarak antara Yupiter wan Saturnus.

Planet-planet palih dalam

Artikal utama: Planet kabumian
Planet-planet palih dalam. Tumatan di kiwa ka kanan: Merkurius, Venus, Bumi, dan Mars (ukuran ma'umpati sekala)

Ampat planet palih dalam atawa planet kabumian (terrestrial planet) ba'isi komposisi babatuan nang racap, babaya kada ba'isi atawa kadada ba'isi bulan dan kada ba'isi sistem utas. Komposisi Planet-planet ini ta'utama adalah mineral batitik lanah tinggi, pariannya silikat nang mambantuk karak dan lingkuh, dan logam pariannya wasi dan nikel nang mambantuk hintinya. Talu tumatan ampat planet ini (Venus, Bumi dan Mars) ba'isi atmosfer, samunyaannya ba'isi kawah meteor dan sipat-sipat pamukaan tektonis nangkaya gunung ba'api dan lembah pacahan. Planet nang andakannya di antara matahari dan bumi (Merkurius dan Venus) disambat jua planet inferior.

Merkurius
Merkurius (0,4 SA tumatan di matahari) adalah planet pamaraknya tumatan di matahari lawan jua pahalusnya (0,055 massa bumi). Merkurius kada ba'isi satelit alami dan ciri geologisnya suwalih kawah meteorid nang dikatahui adalah lobed ridges atawa rupes, kamungkinan tajadi lantaran pangarusutan di perioda tatambayan sajarahnya.[26] Atmosfer Merkurius nang babaya kawa kada diharungi tasusun tumatan atom-atom nang tapacul matan pamukaannya lantaran samburan angin matahari.[27] Ganalnya hinti wasi dan nipisnya karak Merkurius magun ai baluman kawa dijalasakan. Ma'umpati sangkaan hipotesa lapisan luar planet ini tapacul limbah tajadi rumpakan raksasa, dan pakambangan ("akresi") hibaknya tasandat ulih energi tatambaian matahari.[28][29]
Venus
Venus (0,7 SA tumatan di matahari) ba'ukuran mahirip bumi (0,815 massa bumi). Dan nangkaya bumi, planet ini ba'isi salimput kulimbit silikat nang kandal dan bahinti wasi, atmosfernya gin kandal dan ba'isi aktivitas geologi. Tagal ha planet ini takaring daripada bumi dan atmosfernya sanga kali taracap daripada bumi. Venus kada ba'isi satelit. Venus adalah planet pamanasnya lawan suhu pamukaan mandapati 400 °C, kamungkinan basar disababakan jumbelah gas rumah kaca nang takandung di dalam atmosfer.[30] Sajauh ini aktivitas geologis Venus baluman dideteksi, tagal lantaran planet ini kada ba'isi medan magnet nang kawa mantagah habisnya atmosfer, disangka sumbar atmosfer Venus ba'asal tumatan di gunung ba'api.[31]
Bumi
Bumi (1 SA tumatan di matahari) adalah planet palih dalam nang pangganalnya dan paracapnya, wastu sabubutingannya nang dikatahui ba'isi aktivitas geologi dan sabubutingannya planet nang dikatahui ba'isi mahluk hidup. Hidrosfer-nya nang cair adalah has di antara planet-planet kabumian dan jua merupakan sabubutingannya planet nang diobservasi ba'isi lempeng tektonik. Atmosfer bumi babida bangat ditanding planet-planet nang lainnya, lantaran dipangaruhi ulih adanya mahluk hidup nang mahasilakan 21% oksigen.[32] Bumi ba'isi sabuting satelit, bulan, wastu sabubutingannya satelit ganal tumatan planet kabumian di dalam Tata Surya.
Mars
Mars (1,5 SA tumatan di matahari) ba'ukuran tahalus daripada bumi dan Venus (0,107 massa bumi). Planet ini ba'isi atmosfer nipis nang tianan utamanya adalah karbon dioksida. Pamukaan Mars nang dihibaki gunung ba'api raksasa pariannya Olympus Mons dan lembah bancar pariannya Valles marineris, manampaikan aktivitas geologis nang tarus tajadi sampai hanyar dudi ini. Kalir habangnya ba'asal tumatan warna tagar tanahnya nang sugih wasi.[33] Mars ba'isi dua satelit alami halus (Deimos dan Phobos) nang disangka merupakan asteroid nang tajabak gravitasi Mars.[34]

Sabuk asteroid

Artikal utama: Sabuk asteroid
Sabuk asteroid utama dan asteroid Troya

Asteroid sacara umum adalah obyek Tata Surya nang tasusun tumatan babatuan dan mineral logam baku.[35]

Sabuk asteroid utama ba'andak di antara orbit Mars dan Yupiter, bajarak antara 2,3 dan 3,3 SA tumatan di matahari, disangka merupakan sisa tumatan bahan formasi Tata Surya nang walang manggumpal lantaran pangaruh gravitasi Yupiter.[36]

Gradasi ukuran asteroid adalah ratusan kilometer sampai mikroskopis. Samunyaan asteroid, kacawali Ceres nang pangganalnya, diklasifikasikan sabagai banda halus Tata Surya. Babarapa asteroid pariannya Vesta dan Hygiea mungkin cagaran diklasifikasi sabagai planet kihit lamun kaina tabukti sudah mandapati kasatimbangan hidrostatik.[37]

Sabuk asteroid tasusun tumatan baribu-ribu, mungkin jutaan objek nang bagaris tangah asa kilometer.[38] Walau damia, massa total tumatan di sabuk utama ini kada pang labih daripada saparsaribu massa bumi.[39] Sabuk utama kada pang racap, kapal ruang rakun sacara rutin ma'ambah da'irah ini tanpa manamuni kacilaka'an. Asteroid nang bagaris tangah antara 10 dan 10−4 m disambat meteorid.[40]

Ceres
Ceres

Ceres (2,77 SA) adalah banda pangganalnya di sabuk asteroid dan diklasipikasikan sabagai planet kihit. Garis tangahnya adalah sadikit kurang daripada 1000 km, mayu gasan ba'isi gravitasi saurang gasan manggumpal mambantuk bundaran. Ceres dianggap sebagai planet sawayah tahaba di abad ka 19, tagal di-reklasifikasi jadi asteroid di tahun 1850an limbah observasi tadudi mahaba babarapa asteroid pulang.[41] Ceres direklasifikasi dudinya ditahun 2006 sabagai planet kihit.

Galambang asteroid

Asteroid di sabuk utama dibagi jadi kelompok dan kulawarga asteroid bapandal sipat-sipat orbitnya. Bulan asteroid adalah asteroid nang mamusingi asteroid nang taganal. Bubuhannya kada gampang dibidakan lawan bulan-bulan planet, bahanu parak ai saganal gampirannya. Sabuk asteroid gin ba'isi komet sabuk utama nang mungkin merupakan sumbar banyu bumi.[42]

Asteroid-asteroid Trojan ba'andak di titik L4 atawa L5 Yupiter (da'irah gravitasi stabil nang ada di hadapan dan balakang sabuah orbit planet), sambatan "trojan" rancak digunakan gasan objek-objek halus di Titik Langrange tumatan sabuah planet atawa satelit. Galambang Asteroid Hilda ba'andak di orbit resonansi 2:3 tumatan Yupiter, nang artinya galambang ini mamusingi matahari talu kali gasan saban dua pusingan Yupiter.

Palih dalam Tata Surya gin dihibakii ulih asteroid liar, nang banyak manatak orbit-orbit planet planet palih dalam.

Tata Surya palih luar

Di palih luar tumatan di Tata Surya ta'ulih gas-gas raksasa lawan satelit-satelitnya nang ba'ukuran planet. Banyak komet baperioda handap tamasuk babarapa Centaur, ba'orbit jua di da'irah ini. Awak-awak racap di da'irah ini batian jumbelah volatil (cuntuh: banyu, amonia, metan, nang rancak disambat "es" dalam pa'istilahan ilmu kaplanetan) nang tatinggi ditanding planet batuan di palih dalam Tata Surya.

Planet-planet luar

Artikal utama: Raksasa gas
Raksasa-raksasa gas dalam Tata Surya dan Matahari, bapandal sekala

Ka'ampat planet luar, nang disambat jua planet raksasa gas (gas giant), atawa planet jovian, sacara kasaluruhan mencakup 99 parsin massa nang ma'orbit matahari. Yupiter dan Saturnus palihan taganalnya batian hidrogen dan helium; Uranus dan Neptunus ba'isi proporsi es nang taganal. Bubuhan astronom ma'usulkan bahua kaduanya dikategorikan batunggal sabagai raksasa es.[43] Ka'ampat raksasa gas ini samunyaannya ba'isi utas, walau sistem utas Saturnus haja nang kawa diliat sacara gampang tumatan di bumi.

Yupiter
Yupiter (5,2 SA), lawan 318 kali massa bumi, adalah 2,5 kali massa daripada gabungan sabarataan planet lainnya. Tianan utamanya adalah hidrogen dan helium. Sumbar panas di dalam Yupiter manyababakan cungulnya babarapa ciri semi-permanen di atmosfernya, sabagai cuntuh pita pita awan dan Bintik Habang Raksasa. Sajauh nang dikatahui Yupiter ba'isi 63 satelit. Ampat nang pangganalnya, Ganymede, Callisto, Io, dan Europa manampaikan kamahiripan lawan planet kabumian, pariannya gunung ba'api dan hinti nang panas.[44] Ganymede, nang merupakan satelit pangganalnya di Tata Surya, ba'ukuran taganal daripada Merkurius.
Saturnus
Saturnus (9,5 SA) nang dipinandui lawan sistem utasnya, ba'isi babarapa kasamaan lawan Yupiter, sabagai cuntuh komposisi atmosfernya. Walau Saturnus saganal 60% haja volume Yupiter, planet ini babaya baratnya kurang daripada sapartiga Yupiter atawa 95 kali massa bumi, ma'ulah planet ini sabuah planet nang paling kada racap di Tata Surya. Saturnus ba'isi 60 satelit nang dikatahui sajauh ini (wan 3 nang balum dipastikan) dua di antaranya Titan dan Enceladus, manampaikan activitas geologis, walau babaya tasusun tumatan es wara.[45] Titan ba'ukuran taganal daripada Merkurius dan merupakan wastu sabubutingannya satelit di Tata Surya nang ba'isi atmosfer nang cukup ba'arti.
Uranus
Uranus (19,6 SA) nang ba'isi 14 kali massa bumi, adalah planet nang pahampulnya di antara planet-planet luar. Planet ini ba'isi kalainan ciri orbit. Uranus mamusingi matahari lawan kabujuran poros 90 darajat di ekliptika. Planet ini ba'isi hinti nang liwar dingin ditanding gas raksasa nang lainnya dan sadikit haja mamancarkan energi panas.[46] Uranus ba'isi 27 satelit nang dikatahui, nang pangganalnya adalah Titania, Oberon, Umbriel, Ariel dan Miranda.
Neptunus
Neptunus (30 SA) walau sadikit tahalus daripada Uranus, ba'isi 17 kali massa bumi, makalaham ma'ulahnya taracap. Planet ini mamancarkan panas tumatan di dalam tagal kada sabanyak Yupiter atawa Saturnus.[47] Neptunus ba'isi 13 satelit nang dikatahui. Nang pangganalnya, Triton, geologinya aktip, dan ba'isi geyser nitrogen cair.[48] Triton adalah wastu sabubutingannya satelit ganal nang orbitnya tatumbalik ampah (retrogade). Neptunus gin dipangapiti babarapa planet minor di orbitnya, nang disambat Trojan Neptunus. Banda-banda ini ba'isi resonansi 1:1 lawan Neptunus.

Komet

Artikal utama: Komet
Komet Hale-Bopp

Komet adalah awak Tata Surya halus, biasanya ba'ukuran babarapa kilometer haja, dan ta'ulah tumatan es volatil. Awak-awak ngini ba'isi eksentrisitas orbit tinggi, sacara umum perihelion-nya ba'andak di planet-planet palih dalam dan andakan aphelion-nya tajauh daripada Pluto. Wayah sabuah komet mamasuki Tata Surya palih dalam, paraknya jarak tumatan di matahari manyababkan pamukaan esnya ba-sumblimasi dan ba-ionisasi, nang mahasilkan koma, buntut gas dan dabu panjang, nang rancak kawa dilihat pakai mata tilanjang.

Komet baperioda handap ba'isi kalangsungan orbit kurang daripada dua ratus tahun. Lamun komet baperioda panjang ba'isi orbit nang balangsung ribuan tahun. Komet baperioda handap diparcaya ba'asal tumatan di Sabuk Kuiper, sedangkan komet baperioda panjang, pariannya Hale-bopp, ba'asal tumatan di Awan Oort. Banyak galambang komet, pariannya Kreutz Sungrazers, tabantuk tumatan pacahan sabuting induk tunggal.[49] Sapalih komet ba'orbit hiperbolik mungkin ai ba'asal tumatan di luar Tata Surya, tagal manantukan jalur orbitnya sacara pasti ai ngalih banar.[50] Komet tuha nang bahan volatilesnya sudah habis lantaran panas matahari rancak dikategorikan sabagai asteroid.[51]

Centaur

Centaur adalah banda-banda es mahirip komet nang poros semi-majornya taganal daripada Yupiter (5,5 SA) dan tahalus daripada Neptunus (30 SA). Centaur pangganalnya nang dikatahui adalah, 10199 Chariklo, badiameter 250 km.[52] Centaur haba'an panaimbaian, 2060 Chiron, diklasipikasikan jua sabagai komet (95P) lantaran ba'isi koma sama nangkaya komet lamun mamaraki matahari.[53] Babarapa ikung astronom mangklasipikasikan Centaurs sabagai objek sabuk Kuiper sasapaian-ka-dalam (inward-scattered Kuiper belt objects), ba'imbaian lawan sasapaian kaluar nang ba'andakan di pipiringan basapai (outward-scattered residents of the scattered disc).[54]

Da'irah trans-Neptunus

Plot sabarataan obyek sabuk Kuiper
Diagram nang manampaikan pambagian sabuk Kuiper

Da'irah nang ba'andak jauh malimpuai Neptunus, atawa da'irah trans-Neptunus, palihan taganal baluman dieksplorasi. Ma'umpati sangka'an urang da'irah ini palihan taganalnya tasusun tumatan dunia-dunia halus (nang pangganalnya ba'isi garis tangah saparlima bumi dan ba-massa jauh tahalus daripada bulan) dan ta'utama batian batu dan es. Da'irah ini dipinandui jua sabagai da'irah luar Tata Surya, walau bamacam urang manggunakan istilah ini gasan da'irah nang ba'andak malabihi sabuk asteroid.

Sabuk Kuiper

Artikal utama: Sabuk Kuiper

Sabuk Kuiper adalah sabuting utas raksasa mahirip lawan sabuk asteroid, tagal komposisi utamanya adalah es. Sabuk ini ba'andak antara 30 dan 50 SA, dan tasusun tumatan banda halus Tata Surya. Walau damintu, babarapa objek Kuiper nang pangganalnya, pariannya Quaoar, Varuna, dan Orcus, mungkin cagar dikalasipikasikan sabagai planet kihit. Bubuhan ilmuwan mangira-ngira ta'ulih bangsa 100.000 objek Sabuk Kuiper nang bagaris tangah labih daripada 50 km, tagal kikira'an massa total Sabuk Kuiper saparsapuluh haja massa bumi.[55] Banyak objek Kuiper ba'isi satelit ganda dan kabanyakan ba'isi orbit di luar bidang eliptika.

Sabuk Kuiper sacara kasar kawa dibagi jadi "sabuk klasik" dan resonansi. Resonansi adalah orbit nang tarait lawan Neptunus (cuntuh: dua orbit gasan saban talu orbit Neptunus atawa satu gasan saban dua). Resonansi nang panambayan batumat di Neptunus saurang. Sabuk klasik tasusun tumatan objek nang kada ba'isi resonansi lawan Neptunus, dan ba'andak bangsa 39,4 SA sampai 47,7 SA.[56] Angguta tumatan sabuk klasik dikalasipikasikan sabagai cubewanos, sawayah angguta janis panambaiannya sudah tahaba (15760) 1992QB1 [57]

Pluto dan Charon
Pluto dan katalu buting bulannya

Pluto (rata-rata 39 SA), sabuting planet kihit, adalah objek pangganalnya sajauh ini di Sabuk Kuiper. Sawayah tahaba di tahun 1930, banda ini dianggap sabagai planet nang kasanga, definisi ini diganti di tahun 2006 lawan diangkatnya definisi formal planet. Pluto ba'isi kamiringan orbit sadang eksentriknya (17 darajat tumatan di bidang ekliptika) dan bajarak 29,7 SA tumatan di matahari di titik prihelion (sajarak orbit Neptunus) sampai 49,5 SA di titik aphelion.

Kada pang jalas apa Charon naitu, bulan Pluto nang pangganalnya, cagar tatap dikalasipikasikan sabagai satelit atawa jadi sabuting planet kihit jua. Pluto dan Charon, kaduduanya mamusingi titik barycenter gravitasi di atas pamukaannya, nang ma'ulah Pluto-Charon sabuah sistem ganda. Dua bulan nang jauh tahalus Nix dan Hydra gin mamusingi Pluto dan Charon. Pluto ba'andak di sabuk resonan dan ba'isi 3:2 resonansi lawan Neptunus, nang artinya Pluto mamusingi matahari dua kali gasan saban talu pusingan Neptunus. Objek sabuk Kuiper nang orbitnya ba'isi resonansi nang sama disambat plutino.[58]

Haumea dan Makemake

Haumea (rata-rata 43,34 SA) dan Makemake (rata-rata 45,79 SA) adalah dua objek pangganalnya sajauh ini di dalam sabuk Kuiper klasik. Haumea adalah sabuting objek babantuk hintalu dan ba'isi dua bulan. Makemake adalah objek paling mancilang di sabuk Kuiper limbah Pluto. Tatambayannya dingarani 2003 EL61 dan 2005 FY9, di tahun 2008 dibari ngaran dan status sabagai planet kihit. Orbit kaduanya ba-inklinasi jauh labih mambujur daripada Pluto (28° dan 29°) [59] dan lain nangkaya Pluto, kaduanya kada dipangaruhi ulih Neptunus, sabagai palih tumatan galambang Objek Sabuk Kuiper klasik.

Pipiringan basapai

Artikal utama: Pipiringan basapai
Hirang: basapai; biru: klasik; hijau: resonan
Eris wan satelitnya Dysnomia

Pipiringan basapai (scattered disc) bapotongan lawan sabuk Kuiper wan basapai bakaluaran jauh labih baluas. Da'irah ini disangka merupakan sumbar komet baperioda handap. Objek pipiringan basapai disangka takipai ka orbit nang kada manantu lantaran pangaruh gravitasi tumatan garakan migrasi tatambayan Neptunus. Kabanyakan objek pipiringan basapai (scattered disc objects, atawa SDO) ba'isi perihelion di dalam sabuk Kuiper dan apehelion parak sajauh 150 SA tumatan di matahari. Orbit OPT gin ba'isi inklinasi tinggi di bidang ekliptika dan rancak babaya babuncu siku-siku. Babarapa ikung astronom manggolongkan pipiringan basapai sabagai palih tumatan sabuk Kuiper wara dan manggalari pipiringan basapai sabagai "objek sabuk Kuiper basapai" (scattered Kuiper belt objects).[60]

Eris

Eris (rata-rata 68 SA) adalah objek pipiringan basapai pangganalnya sajauh ini wan manyababakan mulainya dabat tentang definisi planet, lantaran Eris 5% haja taganal daripada Pluto wan ba'isi kikira'an garis tangah bangsa 2.400 km. Eris adalah planet kihit pangganalnya nang dikatahui dan ba'isi sabuting bulan Dysnomia.[61] Nangkaya Pluto jua, orbitnya ba'isi eksentrisitas tinggi, lawan titik perihelion 38,2 SA (mahirip jarak Pluto ka matahari) wan titik aphelion 97,6 SA lawan bidang ekliptika liwar mambujur.

Da'irah panjauhnya

Titik ka'andakan Tata Surya ba'ahir dan ruang antar bintang bamula kada parcis pang ta-definisi. Batasan-batasan luar ini tabantuk tumatan dua gaya tikin nang tapisah: angin matahari dan gravitasi matahari. Batasan panjauhnya pangaruh angin matahari bajarak bangsa ampat kali jarak Pluto wan matahari. Heliopause ini disambat sabagai titik pamula'an medium antar bintang. Tagal ha Bola Roche Matahari, jarak efektif pangaruh gravitasi matahari, kikira'an mencakup bangsa saribu kali labih jauh.

Heliopause

Voyager memasuki heliosheath

Heliopause dibagi jadi dua palih tapisah. Awan angin nang bagarak di hancapan 400 km/datik sampai marumpak plasma tumatan di medium ruang antarbintang. Rumpakan ini tajadi di rujukan terminasi nang kira-kira ba'andak di 80-100 SA tumatan di matahari di da'irah lalawanan angin dan bangsa 200 SA tumatan di matahari di da'irah sa'ampah jurusan angin. Limbah nitu angin bagalai dramatis, memampat dan ba'ubah jadi gancang, mambantuk struktur oval nang dipinandui sabagai heliosheath, lawan kalakuan mahirip nangkaya buntut komet, bajuluran kaluar sajauh 40 SA di palih ampah lalawanan angin dan bakali-kali lipat tajauh daripada sabelah lainnya. Voyager 1 dan Voyager 2 dilaporkan sudah manambus rujukan terminasi ini dan mamasuki heliosheath, di jarak 94 dan 84 SA tumatan di matahari. Batasan luar tumatan di heliosfer, heliopause, adalah titik ka'andakan angin matahari bamandak dan ruang antar bintang bamula.

Bantuk tumatan di hujung luar heliosfer saku dipangaruhi tumatan dinamika fluida tumatan interaksi medium antar bintang dan jua medan magnet matahari nang ba'ampah di sabelah salatan (maka mambari bantuk tumpul lawan hemisfer utara bajarak 9 SA, dan tajauh daripada hemisfer salatan. Salabih tumatan di heliopause, di jarak bangsa 230 SA, ta'ulih rarujukan busur, jaluran umbak plasma nang ditinggalakan matahari ba'imbaian pusingannya bakuliling di Bima Sakti.

Sajauh ini baluman ada kapal luar rakun nang maliwati heliopause, maka kada mungkin pang mangatahui kondisi ruang antar bintang lokal sacara pasti. Bahara'an satelit NASA voyager cagaran manambus heliopause di pintangan dekade nang pacang datang dan mangirim bulik data tingkat radiasi dan angin matahari. Dalam pada itu, sabuah tim nang dibiayai NASA sudah mangambangkan konsep "Vision Mission" nang bakal husus mangirim satelit panjajak ka heliosfer.

Awan Oort

Artikal utama: Awan Oort
Gambaran sa'ikung artis tentang Awan Oort

Sacara hipotesa, Awan Oort adalah sabuah massa ba'ukuran raksasa nang tasusun tumatan ba-trilyun-trilyun objek es, diparcaya merupakan sumbar komet baperioda panjang. Awan ini mangalumbuni matahari di jarak bangsa 50.000 SA (bangsa 1 tahun cahaya) sampai sajauh 100.000 SA (1,87 tahun cahaya). Da'irah ini diparcaya batian komet nang takipai tumatan di dalam Tata Surya lantaran interaksi lawan planet-planet palih luar. Objek Awan Oort bagarak liwar galai dan kawa dikuncangkan ulih situasi-situasi langka pariannya rarumpakan, effek gravitasi tumatan kalaluan bintang, atawa gaya pasang galaksi, gaya pasang nang ditunjul Bima Sakti.[62][63]

Sedna

Foto teleskop Sedna

90377 Sedna (rata-rata 525,86 SA) adalah sabuting banda kahabang-habangan mahirip Pluto lawan orbit raksasa nang liwar eliptis, bangsa 76 SA di perihelion dan 928 SA di aphelion dan bajangka orbit 12.050 tahun. Mike Brown, urang nang mahaba objek ini di tahun 2003, batamam-tamam mamadahakan bahua Sedna kada merupakan palih tumatan pipiringan basapai atawa jua sabuk Kuiper lantaran perihelionnya kajauhan tumatan pangaruh migrasi Neptunus. Sidin dan babarapa ikung astronom lainnya bapandapat bahua Sedna adalah objek panambayan tumatan sabuah galambang hanyar, nang mungkin ai jua mencakup 2000 CR105. Sabuah banda batitik perihelion di 45 SA, aphelion di 415 SA, dan bajangka orbit 3.420 tahun. Brown manggalari galambang ini "Awan Oort palih dalam", lantaran mungkin tabantuk liwat proses nang mahirip, walau jauh talabih parak ka matahari. Kamungkinan basar Sedna adalah sabuah planet kihit, walau bantuk kabulatannya magun harus ditantukan sacara pasti.

Batasan-batasan

Banyak hal tumatan Tata Surya kita nang baluman dikatahui. Medan gravitasi matahari kikira'an mandominasi gaya gravitasi bintang-bintang sakuliling sajauh dua tahun cahaya (125.000 SA). Kikira'an bawah radius Awan Oort, di sisi lain, kada labih ganal daripada 50.000 SA.[64] Walau Sedna sudah tahaba, da'irah antara Sabuk Kuiper dan Awan Oort, sabuah da'irah nang ba-radius puluhan ribu SA, kawa dikuya baluman dipetakan. Suwalih itu, ada jua studi nang rahatan bajalan, nang mampalajari da'irah antara Merkurius dan matahari.[65] Objek-objek hanyar mungkin pagun haja bakal tahaba di da'irah nang baluman dipetakan.

Dimensi

Parbandingan babarapa ukuran panting planet-planet:

Karakteristik Merkurius Venus Bumi Mars Yupiter Saturnus Uranus Neptunus
Jarak orbit (juta km) (SA) 57,91 (0,39) 108,21 (0,72) 149,60 (1,00) 227,94 (1,52) 778,41 (5,20) 1.426,72 (9,54) 2.870,97 (19,19) 4.498,25 (30,07)
Waktu pusingan (tahun) 0,24 (88 hari) 0,62 (224 hari) 1,00 1,88 11,86 29,45 84,02 164,79
Jangka rotasi 58,65 hari 243,02 hari 23 jam 56 menit 24 jam 37 menit 9 jam 55 menit 10 jam 47 menit 17 jam 14 menit 16 jam 7 menit
Eksentrisitas pusingan 0,206 0,007 0,017 0,093 0,048 0,054 0,047 0,009
Buncu inklinasi orbit (°) 7,00 3,39 0,00 1,85 1,31 2,48 0,77 1,77
Buncu inklinasi ekuator kapada orbit (°) 0,00 177,36 23,45 25,19 3,12 26,73 97,86 29,58
Garis tangah ekuator (km) 4.879 12.104 12.756 6.805 142.984 120.536 51.118 49.528
Massa (ditanding Bumi) 0,06 0,81 1,00 0,15 317,8 95,2 14,5 17,1
Racapan panangahan (g/cm³) 5,43 5,24 5,52 3,93 1,33 0,69 1,27 1,64
Suhu pamukaan
min.
panangahan
maks.

-173 °C
+167 °C
+427 °C

+437 °C
+464 °C
+497 °C

-89 °C
+15 °C
+58 °C

-133 °C
-55 °C
+27 °C


-108 °C


-139 °C


-197 °C


-201 °C

Konteks galaksi

Ka'andakan Tata Surya di dalam galaksi Bima Sakti
Lukisan artis tumatan Galambung Lokal

Tata Surya ba'andak di galaksi Bima Sakti, sabuah galaksi spiral nang bagaris tangah bangsa 100.000 tahun cahaya dan ba'isi bangsa 200 milyar bintang.[66] Matahari balokasi di salah satu pagalangan spiral galaksi nang disambat Pagalangan Orion.[67] Andakan Matahari bajarak antara 25.000 dan 28.000 tahun cahaya tumatan di pusat galaksi, lawan hancapan orbit mangulilingi pusat galaksi bangsa 2.200 kilumitir par datik. Saban revolusinya bajangka 225-250 juta tahun. Waktu revolusi ini dipinandui sabagai tahun galaksi Tata Surya.[68] Apex matahari, ampah jalur matahari di ruang samasta, parak andakannya lawan konstelasi Herkules ta'ampah di posisi uncit bintang Vega.[69]

Ka'andakan Tata Surya di dalam galaksi baparan panting dalam evolusi kahidupan di Bumi. Bantuk orbit bumi adalah mahirip lingkaran lawan hancapan babaya sama lawan pagalangan spiral galaksi, karananya bumi jarang bangat ma'ambah jalur pagalangan. Pagalangan spiral galaksi ba'isi konsentrasi supernova tinggi nang bapotensi babahaya'an liwar ganal kapada kahidupan di Bumi. Situasi ini mambari Bumi jangka stabilitas nang panjang nang mamungkinkan evolusi kahidupan.[70] Tata Surya gin ba'andak jauh tumatan da'irah racap bintang di pusat galaksi. Di da'irah pusat, tatarikan gravitasi bintang-bintang nang baparakan kawa mangguyang banda-banda di Awan Oort dan manimbakan komet-komet ka palih dalam Tata Surya. Ini kawa mahasilkan potensi barumpakan nang marusak kahidupan di Bumi. Intensitas radiasi tumatan di pusat galaksi gin mampangaruhi pakambangan bantuk hidup tingkat tinggi. Walau damintu, bubuhan ilmuwan ba-hipotesa bahua di ka'andakan Tata Surya wayahini supernova sudah mampangaruhi kahidupan di Bumi di 35.000 tahun pa'uncitan lawan cara manimbai pacahan-pacahan hinti bintang ka ampah matahari dalam bantuk dabu radiasi atawa bahan nang taganal lainnya, pariannya bamacam banda mahirip komet.[71]

Da'irah lingkungan pintangannya

Lingkungan galaksi pamaraknya matan Tata Surya adalah sasuatu nang dingarani Awan Antarbintang Lokal (Local Interstellar Cloud, atawa Local Fluff), yaitu wilayah ba'awan kandal nang dipinandui pakai ngaran Galambung Lokal (Local Bubble), nang ba'andak di tangah-tangah wilayah nang jarang. Galambung Lokal ini babantuk garunggang mahirip jam pasir nang ta'ulih di medium antarbintang, dan ba'ukuran bangsa 300 tahun cahaya. Galambung ini hibak dibarubuyi plasma basuhu tinggi nang mungkin ba'asal tumatan babarapa supernova nang baluman lawas tajadi.[72]

Di dalam jarak sapuluh tahun cahaya (95 triliun km) tumatan di matahari, jumbelah bintang relatif sadikit haja. Bintang nang pamaraknya adalah sistem kambar talu Alpha Centauri, nang bajarak 4,4 tahun cahaya. Alpha Centauri A dan B merupakan bintang ganda mahirip lawan matahari, mun Centauri C adalah kihit habang (disambat jua Proxima Centauri) nang mamusingi kambaran ganda panambayan di jarak 0,2 tahun cahaya. Bintang-bintang pamaraknya nang lainnya adalah sabuah kihit habang nang dingarani Bintang Barnard (5,9 tahun cahaya), Wolf 359 (7,8 tahun cahaya) dan Lalande 21185 (8,3 tahun cahaya). Bintang pangganalnya dalam jarak sapuluh tahun cahaya adalah Sirius, sabuah bintang mancilang dikategori 'urutan utama' kira-kira ba-massa dua kali massa matahari, dan dikulilingi ulih sabuah kihit putih bangaran Sirius B. Kaduduanya bajarak 8,6 tahun cahaya. Sisa sistem salabihnya nang ba'andak di dalam jarak 10 tahun cahaya adalah sistem bintang ganda kihit habang Luyten 726-8 (8,7 tahun cahaya) dan sabuah kihit habang bangaran Ross 154 (9,7 tahun cahaya).[73] Bintang tunggal pamaraknya nang mahirip matahari adalah Tau Ceti, nang ba'andak 11,9 tahun cahaya. Bintang ini kira-kira ba'ukuran 80% barat matahari, tagal kacilangannya (luminositas) 60% haja.[74] Planet luar Tata Surya pamaraknya tumatan di matahari, nang dikatahui sajauh ini adalah di bintang Epsilon Eridani, sabuah bintang nang sadikit takudup dan tahabang ditanding matahari. Andakannya bangsa 10,5 tahun cahaya. Planet bintang ini nang sudah dipastikan, bangaran Epsilon Eridani b, kurang labih ba'ukuran 1,5 kali massa Yupiter dan mangulilingi induk bintangnya bajarak 6,9 tahun cahaya.[75]

Catatan

  1. ^ Kapitalisasi istilah ini beragam. Persatuan Astronomi Internasional, badan nang ma'urusi masalah pangaranan astronomis, mamadahakan bahua sabarataan obyek astronomi dikapitalisasi ngarannya (Tata Surya). Tagal, istilah ini gin rancak tahaba dalam bantuk hurup kacil (tata surya)
  2. ^ Lihat Daptar bulan gasan samunyaan satelit alami tumatan walu buting planet dan lima planet kihit.
  3. ^ Massa Tata Surya kada tamasuk Matahari, Yupiter, dan Saturnus, kawa dihitung lawan cara manambahkan samunyaan massa obyek pangganalnya nang dihitung dan manggunakan pahitungan kasar gasan massa awan Oort (bangsa 3 kali massa Bumi),,[76] sabuk Kuiper (bangsa 0,1 kali massa Bumi)[55] dan sabuk asteroid (bangsa 0,0005 kali massa Bumi)[39] lawan total massa ~37 kali massa Bumi, atawa 8,1 parsin massa di orbit di pintangan Matahari. Lamun dikurangi lawan massa Uranus dan Neptunus (kaduduanya ~31 kali massa Bumi), sisanya ~6 kali massa Bumi merupakan 1,3 parsin tumatan massa kasaluruhan.
  4. ^ Astronom ma'ukur jarak di dalam Tata Surya lawan satuan astronomi (SA). Satu SA jaraknya bangsa jarak rata-rata Matahari dan Bumi, atawa 149.598.000 km. Pluto bajarak bangsa 38 SA tumatan di Matahari, Yupiter 5,2 SA. Asa tahun cahaya adalah 63.240 SA..

Jujuhutan

  1. ^ Swedenborg, Emanuel. 1734, (Principia) Latin: Opera Philosophica et Mineralia (English: Philosophical and Mineralogical Works), (Principia, Volume 1)
  2. ^ See, T. J. J. (1909). "The Past History of the Earth as Inferred from the Mode of Formation of the Solar System". Proceedings of the American Philosophical Society. 48: 119. Diakses tanggal 2006-07-23. 
  3. ^ a b c M. M. Woolfson (1993). "The Solar System: Its Origin and Evolution". Journal of the Royal Astronomical Society. 34: 1–20. Diakses tanggal 2008-04-16. 
  4. ^ Benjamin Crowell (1998–2006). "5". Conservation Laws. lightandmatter.com. 
  5. ^ M Woolfson (2000). "The origin and evolution of the solar system". Astronomy & Geophysics. 41: 1.12. doi:10.1046/j.1468-4004.2000.00012.x. 
  6. ^ nineplanets.org. "An Overview of the Solar System". Diakses tanggal 2007-02-15. 
  7. ^ Amir Alexander (2006). "New Horizons Set to Launch on 9-Year Voyage to Pluto and the Kuiper Belt". The Planetary Society. Diakses tanggal 2006-11-08. 
  8. ^ a b c "The Final IAU Resolution on the definition of "planet" ready for voting". IAU. 2006-08-24. Diakses tanggal 2007-03-02. 
  9. ^ "Dwarf Planets and their Systems". Working Group for Planetary System Nomenclature (WGPSN). U.S. Geological Survey. 2008-11-07. Diakses tanggal 2008-07-13. 
  10. ^ "Plutoid chosen as name for Solar System objects like Pluto". International Astronomical Union (News Release - IAU0804). June 11, 2008, Paris. Diakses tanggal 2008-06-11. 
  11. ^ Feaga, L (2007). "Asymmetries in the distribution of H2O and CO2 in the inner coma of Comet 9P/Tempel 1 as observed by Deep Impact". Icarus. 190: 345. Bibcode:2007Icar..190..345F. doi:10.1016/j.icarus.2007.04.009. 
  12. ^ Michael Zellik (2002). Astronomy: The Evolving Universe (edisi ke-9th). Cambridge University Press. hlm. 240. ISBN 0521800900. OCLC 223304585 46685453 Periksa nilai |oclc= (bantuan). 
  13. ^ Smart, R. L.; Carollo, D.; Lattanzi, M. G.; McLean, B.; Spagna, A. (2001). "The Second Guide Star Catalogue and Cool Stars". Perkins Observatory. Diakses tanggal 2006-12-26. 
  14. ^ Nir J. Shaviv (2003). "Towards a Solution to the Early Faint Sun Paradox: A Lower Cosmic Ray Flux from a Stronger Solar Wind". Journal of Geophysical Research. 108: 1437. doi:10.1029/2003JA009997. Diakses tanggal 20090126. 
  15. ^ T. S. van Albada, Norman Baker (1973). "On the Two Oosterhoff Groups of Globular Clusters". Astrophysical Journal. 185: 477–498. doi:10.1086/152434. 
  16. ^ Charles H. Lineweaver (2001-03-09). "An Estimate of the Age Distribution of Terrestrial Planets in the Universe: Quantifying Metallicity as a Selection Effect". University of New South Wales. Diakses tanggal 2006-07-23. 
  17. ^ "Solar Physics: The Solar Wind". Marshall Space Flight Center. 2006-07-16. Diakses tanggal 2006-10-03. 
  18. ^ Phillips, Tony (2001-02-15). "The Sun Does a Flip". Science@NASA. Diakses tanggal 2007-02-04. 
  19. ^ A Star with two North Poles, April 22, 2003, Science @ NASA
  20. ^ Riley, Pete; Linker, J. A.; Mikić, Z., "Modeling the heliospheric current sheet: Solar cycle variations", (2002) Journal of Geophysical Research (Space Physics), Volume 107, Issue A7, pp. SSH 8-1, CiteID 1136, DOI 10.1029/2001JA000299. (Full text)
  21. ^ Lundin, Richard(2001-03-09). "Erosion by the Solar Wind". Science291(5510): 1909. DOI:10.1126/science.1059763  abstract  full text.
  22. ^ Langner, U. W. (2005). "Effects of the position of the solar wind termination shock and the heliopause on the heliospheric modulation of cosmic rays". Advances in Space Research. 35 (12): 2084–2090. doi:10.1016/j.asr.2004.12.005. Diakses tanggal 2007-02-11. 
  23. ^ "Long-term Evolution of the Zodiacal Cloud". 1998. Diakses tanggal 2007-02-03. 
  24. ^ "ESA scientist discovers a way to shortlist stars that might have planets". ESA Science and Technology. 2003. Diakses tanggal 2007-02-03. 
  25. ^ Landgraf, M. (2002). "Origins of Solar System Dust beyond Jupiter". The Astronomical Journal. 123 (5): 2857–2861. doi:10.1086/339704. Diakses tanggal 2007-02-09. 
  26. ^ Schenk P., Melosh H.J. (1994), Lobate Thrust Scarps and the Thickness of Mercury's Lithosphere, Abstracts of the 25th Lunar and Planetary Science Conference, 1994LPI....25.1203S
  27. ^ Bill Arnett (2006). "Mercury". The Nine Planets. Diakses tanggal 2006-09-14. 
  28. ^ Benz, W., Slattery, W. L., Cameron, A. G. W. (1988), Collisional stripping of Mercury's mantle, Icarus, v. 74, p. 516–528.
  29. ^ Cameron, A. G. W. (1985), The partial volatilization of Mercury, Icarus, v. 64, p. 285–294.
  30. ^ Mark Alan Bullock."The Stability of Climate on Venus"(PDF). Southwest Research Institute.Diakses pada 26 Disimbir 2006.
  31. ^ Paul Rincon (1999). "Climate Change as a Regulator of Tectonics on Venus" (PDF). Johnson Space Center Houston, TX, Institute of Meteoritics, University of New Mexico, Albuquerque, NM. Diakses tanggal 2006-11-19. 
  32. ^ Anne E. Egger, M.A./M.S. "Earth's Atmosphere: Composition and Structure". VisionLearning.com. Diakses tanggal 2006-12-26. 
  33. ^ David Noever (2004). "Modern Martian Marvels: Volcanoes?". NASA Astrobiology Magazine. Diakses tanggal 2006-07-23. 
  34. ^ Scott S. Sheppard, David Jewitt, and Jan Kleyna (2004). "A Survey for Outer Satellites of Mars: Limits to Completeness". The Astronomical Journal. Diakses tanggal 2006-12-26. 
  35. ^ "Are Kuiper Belt Objects asteroids? Are large Kuiper Belt Objects planets?". Cornell University. Diakses tanggal 2009-03-01. 
  36. ^ Petit, J.-M.; Morbidelli, A.; Chambers, J. (2001). "The Primordial Excitation and Clearing of the Asteroid Belt" (PDF). Icarus. 153: 338–347. doi:10.1006/icar.2001.6702. Diakses tanggal 2007-03-22. 
  37. ^ "IAU Planet Definition Committee". International Astronomical Union. 2006. Diakses tanggal 2009-03-01. 
  38. ^ "New study reveals twice as many asteroids as previously believed". ESA. 2002. Diakses tanggal 2006-06-23. 
  39. ^ a b Krasinsky, G. A. (2002). "Hidden Mass in the Asteroid Belt". Icarus. 158 (1): 98–105. doi:10.1006/icar.2002.6837. 
  40. ^ Beech, M. (1995). "On the Definition of the Term Meteoroid". Quarterly Journal of the Royal Astronomical Society. 36 (3): 281–284. Diakses tanggal 2006-08-31. 
  41. ^ "History and Discovery of Asteroids" (DOC). NASA. Diakses tanggal 2006-08-29. 
  42. ^ Phil Berardelli (2006). "Main-Belt Comets May Have Been Source Of Earths Water". SpaceDaily. Diakses tanggal 2006-06-23. 
  43. ^ Jack J. Lissauer, David J. Stevenson (2006). "Formation of Giant Planets" (PDF). NASA Ames Research Center; California Institute of Technology. Diakses tanggal 2006-01-16. 
  44. ^ Pappalardo, R T (1999). "Geology of the Icy Galilean Satellites: A Framework for Compositional Studies". Brown University. Diakses tanggal 2006-01-16. 
  45. ^ J. S. Kargel (1994). "Cryovolcanism on the icy satellites". U.S. Geological Survey. Diakses tanggal 2006-01-16. 
  46. ^ Hawksett, David; Longstaff, Alan; Cooper, Keith; Clark, Stuart (2005). "10 Mysteries of the Solar System". Astronomy Now. Diakses tanggal 2006-01-16. 
  47. ^ Podolak, M.; Reynolds, R. T.; Young, R. (1990). "Post Voyager comparisons of the interiors of Uranus and Neptune". NASA, Ames Research Center. Diakses tanggal 2006-01-16. 
  48. ^ Duxbury, N.S., Brown, R.H. (1995). "The Plausibility of Boiling Geysers on Triton". Beacon eSpace. Diakses tanggal 2006-01-16. 
  49. ^ Sekanina, Zdenek (2001). "Kreutz sungrazers: the ultimate case of cometary fragmentation and disintegration?". Publications of the Astronomical Institute of the Academy of Sciences of the Czech Republic. 89 p.78–93. 
  50. ^ Królikowska, M. (2001). "A study of the original orbits of hyperbolic comets". Astronomy & Astrophysics. 376 (1): 316–324. doi:10.1051/0004-6361:20010945. Diakses tanggal 2007-01-02. 
  51. ^ Fred L. Whipple (1992-04). "The activities of comets related to their aging and origin". Diakses tanggal 2006-12-26. 
  52. ^ John Stansberry, Will Grundy, Mike Brown, Dale Cruikshank, John Spencer, David Trilling, Jean-Luc Margot (2007). "Physical Properties of Kuiper Belt and Centaur Objects: Constraints from Spitzer Space Telescope". Diakses tanggal 2008-09-21. 
  53. ^ Patrick Vanouplines (1995). "Chiron biography". Vrije Universitiet Brussel. Diakses tanggal 2006-06-23. 
  54. ^ "List Of Centaurs and Scattered-Disk Objects". IAU: Minor Planet Center. Diakses tanggal 2007-04-02. 
  55. ^ a b Audrey Delsanti and David Jewitt (2006). "The Solar System Beyond The Planets" (PDF). Institute for Astronomy, University of Hawaii. Diakses tanggal 2007-01-03. 
  56. ^ M. W. Buie, R. L. Millis, L. H. Wasserman, J. L. Elliot, S. D. Kern, K. B. Clancy, E. I. Chiang, A. B. Jordan, K. J. Meech, R. M. Wagner, D. E. Trilling (2005). "Procedures, Resources and Selected Results of the Deep Ecliptic Survey". Lowell Observatory, University of Pennsylvania, Large Binocular Telescope Observatory, Massachusetts Institute of Technology, University of Hawaii, University of California at Berkeley. Diakses tanggal 2006-09-07. 
  57. ^ E. Dotto1, M.A. Barucci2, and M. Fulchignoni (2006-08-24). "Beyond Neptune, the new frontier of the Solar System" (PDF). Diakses tanggal 2006-12-26. 
  58. ^ Fajans, J., L. Frièdland(October 2001). "Autoresonant (nonstationary) excitation of pendulums, Plutinos, plasmas, and other nonlinear oscillators". American Journal of Physics69(10): 1096–1102. DOI:10.1119/1.1389278  abstract  full text.
  59. ^ Marc W. Buie (2008-04-05). "Orbit Fit and Astrometric record for 136472". SwRI (Space Science Department). Diakses tanggal 2008-07-13. 
  60. ^ David Jewitt (2005). "The 1000 km Scale KBOs". University of Hawaii. Diakses tanggal 2006-07-16. 
  61. ^ Mike Brown (2005). "The discovery of 2003 UB313 Eris, the 10th planet largest known dwarf planet". CalTech. Diakses tanggal 2006-09-15. 
  62. ^ Stern SA, Weissman PR. (2001). "Rapid collisional evolution of comets during the formation of the Oort cloud". Space Studies Department, Southwest Research Institute, Boulder, Colorado. Diakses tanggal 2006-11-19. 
  63. ^ Bill Arnett (2006). "The Kuiper Belt and the Oort Cloud". nineplanets.org. Diakses tanggal 2006-06-23. 
  64. ^ T. Encrenaz, JP. Bibring, M. Blanc, MA. Barucci, F. Roques, PH. Zarka (2004). The Solar System: Third edition. Springer. hlm. 1. 
  65. ^ Durda D.D.; Stern S.A.; Colwell W.B.; Parker J.W.; Levison H.F.; Hassler D.M. (2004). "A New Observational Search for Vulcanoids in SOHO/LASCO Coronagraph Images". Diakses tanggal 2006-07-23. 
  66. ^ A.D. Dolgov (2003). "Magnetic fields in cosmology". Diakses tanggal 2006-07-23. 
  67. ^ R. Drimmel, D. N. Spergel (2001). "Three Dimensional Structure of the Milky Way Disk". Diakses tanggal 2006-07-23. 
  68. ^ Leong, Stacy (2002). "Period of the Sun's Orbit around the Galaxy (Cosmic Year". The Physics Factbook. Diakses tanggal 2007-04-02. 
  69. ^ C. Barbieri (2003). "Elementi di Astronomia e Astrofisica per il Corso di Ingegneria Aerospaziale V settimana". IdealStars.com. Diakses tanggal 2007-02-12. 
  70. ^ Leslie Mullen (2001). "Galactic Habitable Zones". Astrobiology Magazine. Diakses tanggal 2006-06-23. 
  71. ^ "Supernova Explosion May Have Caused Mammoth Extinction". Physorg.com. 2005. Diakses tanggal 2007-02-02. 
  72. ^ "Near-Earth Supernovas". NASA. Diakses tanggal 2006-07-23. 
  73. ^ "Stars within 10 light years". SolStation. Diakses tanggal 2007-04-02. 
  74. ^ "Tau Ceti". SolStation. Diakses tanggal 2007-04-02. 
  75. ^ "HUBBLE ZEROES IN ON NEAREST KNOWN EXOPLANET". Hubblesite. 2006.  Teks "accessdate-2008-01-13" akan diabaikan (bantuan)
  76. ^ Alessandro Morbidelli (2006). "Origin and dynamical evolution of comets and their reservoirs". CNRS, Observatoire de la Côte d’Azur. Diakses tanggal 2007-08-03. 

Lihati jua

Raraitan luar