Tahun puga Cina

Tahun Puga Cina atawa Tahun Puga Imlék adalah perayaan nang paling penting gasan orang Cina. Perayaan tahun baru ini dimulai di hari panambayan bulan panambayan (Bahasa Cina: 正月; pinyin: zhēng yuè) di penanggalan Cina, tuntungnya limbah Cap Go Meh 十五冥 元宵节 di tanggal kelima belas (wayah bulan purnama). Malam tahun baru Cina dipinandui sawagay Chúxī nang artinya "malam bagantinya tahun". Di Cina, adat wan tradisi wilayah nang baraitan lawan perayaan Tahun Baru Cina banyak macamnya. Tagal banyak jua nang sama dari semunyaan kebiasaan nang banyak itu, nang kaya jamuan makan wayah malam tahun barunya lawan melikit kembang api.

Dirayakan di banua-banua nang banyak panduduk suku Cinanya, Tahun Baru Cina dianggap sawagay hari libur ganal gasan urang Cina wan ganal pengaruhnya ka nagari-nagari nang parak andakannya lawan Cina nang kaya Koréa, Mongolia, Népal, Bhutan, Viétnam, wan Jepang (sabalum 1873). Di Cina Daratan, Hong Kong, Makau, Taiwan, Singapura, Indonésia, Malaysia, Filipina, Thailand, wan nagari-nagari lain atawa daérah jumlah panduduk suku Cina Han nang signifikan, Tahun Baru Cina diraya'akan jua, wan pada derajat-derajat tertentu, sudah jadi bagian budaya tradisional setempat.