Istana Golestan
Istana Golestan (basa Parsia: کاخ گلستان; Kākh-e-Golestān, sacara harfiah: "Istana Taman Mawar") iyalah bakas kadiaman rasmi Dinasti Qajar wan kompleks istana nang andakannya di Teheran, Iran.[1] Istana ngini iyalah sabuting monumen tuha di Teheran lawan bagian dalam istananya nang tarinci bastatus sawagai warisan dunia.[2][3] Istana ngini pamulaan ampun Kubu Kuta Teheran (Arg-e Saltanti) nang dibangun lawan Dinasti Safawi. Wayah 1785, Dinasti Qajar nang bakuasa mamilih Teheran sawagai indung banuanya wan maulah bangunan Istana Golestan sawagai kadiaman rasmi kaluarga karajaan.[1]
Kaandakan
[babak | babak asal-mulanya]Kompleks bangunan ngini andakannya di Distrik 12, Teheran. Bahalatan lawan bangunan Kamantrian Kauangan Iran wan Kamantrian Kahakiman Iran di utara, Stasiun Naser Khosrow di timur, Satrat Davar di barat, wan Satrat ganal Panzdah-e Khordad di salatan. Kompleks ngini andakannya pas di jantung kuta lawas Teheran, nang bahalat lawan Taman Shahr di barat laut, Satrat Pamenar di timur, wan Pakan Teheran di tanggara.[4]
Kompleks ngini tardiri matan dua taman nang tarait, yaitu taman barat nang halus wan taman timur nang taganal. Bangunan nangkaya Istana Golestan iya tamasuk juwa di taman ngini.[5] Taman barat dibangun lawan sumbu utara-sulat wan disambat juwa Taman Tahta Marmer. Ada taman timur nang taganal lagi, disambat Taman Golestan. Taman timur dibangun lawan sumbu barat-barat, tagal sabujurannya ukurannya handak tagas babuncu ampat lawan sumbu Barat-barat nang tapanjang sadikit.[5] Jalur masuk utama ka istana ngini iya matan Panzdah-e Khordad di salatan. Tumatan sini, urang datang pacangan masuka ka aman Tahta Marmer di salatan wan matan sana kawa masuk ka bangunan Tahta Marmar.[5]
Sajarah
[babak | babak asal-mulanya]Golestan baisi sajarah panjang. Tacatat ada ampat dinasti Parsia (Dinasti Safawi">Safawi, Zand, Qajar, wan Pahlavi) nang mambangun wan mambaiki kompleks ngini.[6] Dinasti Safawi manyatuakan Kubu Kuta Teheran rahatan kakuasaan Tahmasp I (1524-1576).[6] Kubu Kuta nitu imbahtu dibabak lawan Karim Khan matan Dinasti Zand, sabalum ayungannya dikuasai wan jadi kadiaman rasmi Dinasti Qajar wayah 1794. Wayah 1865, bangunan utama nang dipinandui urang banyak wayahini dibangun lawan Haji Ab ol Hasan Mimar Navai.
Wayah 1925, Reza Shah manyambat runtuhnya Dinasti Qajar di Tekyeh Dowlat wan sacara rasmi Kompleks Istana Golestan dikuasai lawan Dinasti Pahlavi. Dinasti ngini mamakai Istana Golestan gasan panarimaan rasmi karajaan, tamasuk nang panting, panjatuan Reza Shah sawagai kapala nagara wayah 1925 wan Mohammad Reza Pahlavi wayah 1941. Antara 1925-1945, sapalih bangunan di kompleks ngini dihancurakan atas parintah Shah, nang diduga sakira mahapus ingatan wan bakas dinasti yang tadahulu.[7] Pamarintah Parsia wayah itu baalasan pambangunan gasan maulah Kuta Teheran magin modern.[7] Di wadah bangunan nang sudah hancur nitu imbahnya dibangun pulang bangunan nang tamodern, iya gedung bank nang diulah di bakas Tekyeh Dowlat.[8]
Bangunan
[babak | babak asal-mulanya]Kompleks Istana Golestan baisi 17 bangunan, tardiri matan istana atawa kadiaman, musium, wan aula. Handak sabarataan bangunan ngitu diulah salawasan 131 tahun kakuasaan Dinasti Qajar.[9] Bangunan istana bahari dipakai gasan bamamacam kagiatan kaya maangkat raja wan aruh ganal. Di kompleks ini juwa ada talu bangunan gasan manyimpan arsip fotografi, manuskrip, wan dokumen.[10]
Album
[babak | babak asal-mulanya]
Hiasan bagian dalam bangunan di Kompleks Golestan.
Sabuting bangunan di Kompleks Golestan, wayah 2016.
Lukisan Istana Badgir, Mahmoud Khan Malek-ol-Shoara
Pangumuman ampihnya Dinasti Qajar lawan Shah Reza di Tekyeh Dowlat
Hiasan marmer di Istana Golestan
Tahta Matahari
.JPG)
Jujuhutan
[babak | babak asal-mulanya]- 1 2 "Golestan Palace". Iran Review. Diarsipkan dari versi asli tanggal 2020-02-21. Diakses tanggal 2020-05-20.
- ↑ "Golestan Palace - UNESCO World Heritage Centre". Whc.unesco.org. 2013-06-23. Diakses tanggal 2020-05-20.
- ↑ "In pictures: Iran's sites of cultural importance". BBC.
- ↑ "Golestan Palace". Iran Review. Diarsipkan dari versi asli tanggal 2020-02-21. Diakses tanggal 2020-05-20.
- 1 2 3 "Golestan Palace". Iran Review. Diarsipkan dari versi asli tanggal 2020-02-21. Diakses tanggal 2020-05-20.
- 1 2 "Golestan Palace". Iran Review. Diarsipkan dari versi asli tanggal 2020-02-21. Diakses tanggal 2020-05-20.
- 1 2 Nejad, Reza Masoudi (2018). The Rite of Urban Passage: The Spatial Ritualization of Iranian Urban Transformation. Berghahn, New York. hlm. 43-44. ISBN 9781785339776.
- ↑ The world encyclopedia of contemporary theatre, Volume 3 edited by Don Rubin, p. 215.
- ↑ "کاخ گلستان". Golestanpalace.ir. Diarsipkan dari versi asli tanggal 2017-12-31. Diakses tanggal 2020-05-20.
- ↑ "The Golestan Palace Library and Archive in Tehran". Dissertation Reviews. Diakses tanggal 2017-01-02.