Isra Mikraj

Isra Mikraj adalah parjalanan mulia nang digawi ulih Nabi Muhammad dalam waktu satu malam. Paristiwa ngini marupakan paristiwa nang panting gasan umat islam, karana Nabi Muhammad Saw mandapat parintah dari Allah SWT gasan manggawi sambahyang lima waktu dalam sahari samalam. Kajadian Isra Mikraj ngini tadapat dalam Al-Qur'an dalam surah Al-Isra' wan suran An-Najm, salain nitu tadapat jua dalam babarapa buting hadis shahih. Salah sabuting ayat atawa dalil Al-Qur'an nang baisi kisah paristiwa Isra Mikraj yato surah Al-Isra' ayat 1.

Dalam salaras taradisi Islam, paristiwa ngini sacara sajarahnya dikaitakan lawan Lailat al- mi'raj nang manampati kadudukan sabagai salah sabuting masa wayahnya di almanak Islam. Tanggal paringatan nang dihurmati banar dalam agama Islam.

Kajadian Isra Mikraj

Isra' dan Mi'raj adalah paristiwa luar biasa nang dirasai ulih Nabi Muhammad sabalum sidin hijrah dari Makkah imbah tu ke Madinah. Paristiwa ngini tajadi pada malam 27bulan Rajab, sakitar tahun 621 masehi.

Isra' marupakan pajalanan Nabi Muhammad dari Masjidil Haram di Makkah manuju ka Masigit Al-Aqsa atawa Baitul Maqdis nang ada di Yerussalem. Pajalanan nitu jauhnya sakitar 1.239 kilumitir wan ditampuh lawan kandaraan surgawi bangaran Buraq. Amun dibandingakan pajalanan lawan unta atawa kuda pada masa nitu biasanya kawa sampai sakitar satu bulan tapi pas ditampuh Nabi baya setumat haja. Mi'raj adalah sambungan pajalanan dari Nabi dari Masigit Al-Aqsa manuju langit katujuh sampai mancapai Sidratul Muntaha. Salama pajalanan Nabi Muhammad. Nabi Muhammad batamu lawan para nabi tadahulu di bamacam lapisan langit. Sidin juga manarima parintah sumbahyang lima waktu dari Allah SWT. Sabarataan rangkaian paristiwa Isra' wan Mi'raj balangsung satumat dalam waktu kurang dari samalam. Karana Nabi Muhammad tulak imbah manggawi sambahyang malam habistu bulik ka Makkah sabalum matahari timbul.

Paristiwa ngini bisi makna nang panting banar dalam Islam. Salain manampaiakan kakuasaan Allah SWT nang kada tabatas ulih ruang lawan waktu. Isra' wan Mi'raj jua managasakan kadudukan istimiwa dari Nabi Muhammad SAW sabagai kakasih Allah wan pamimpin dari para nabi.

Parbidaan Isra' wan Mi'raj

Paristiwa Isra' Mi'raj ngitu tabagi dalam dua paristiwa nang balain. Jadi, Isra' wan Mi'raj baisi parbidaan nang jalas. Dalam Isra', Nabi Muhammad Saw ditulakakan ulih Allah SWT dari Masjidil Haram sampai Masjidil Aqsa. Imbah ngitu dalam Mi'raj Nabi Muhammad SAW dinaikakan ka langit sampai ka Sidratul Muntaha nang marupakan tampat nang paling tinggi. Pas di sini Nabi mandapat parintah Allah SWT gasan manunaikan sambahyang lima waktu.

Hadis tantang Isra Mikraj

Ada sabuah riwayat nang manjalasakan tantang pajalanan malam Nabi Muhammad wan diangkatnya sidin ka langit gasan batamu langsung lawan Allah SWT. wan manarima parintah tantang kawajiban sambahyang lima waktu nang tadapat dalam Kitab Hadis Shahih ampun Imam Muslim.

Yaitu sakaur binatang yang awaknya kaya kuda wan bawarna putih, inya maandak sayap wan maandak buntut burung merak. Di tiap langit Nabi Muhammad batamu Nabi. Di langit partama Nabi Muhammad batamu Nabi Adam, Di langit kadua Rasulullah batamu lawan Nabi Isa wan Nabi Yahya, Di langit katiga Rasulullah batamu lawan Nabi Yusuf, Dilangit kaampat Rasulullah batamu lawan Nabi Idris, di langit kalima Rasulullah batamu lawan Nabi Harun, Di langit kaanam Rasulullah batamu lawan Nabi Musa, Di langit kapitujuh Rasulullah batamu lawan Nabi Ibrahim, sidin lagi baada dalam kaadaan manyandar di Baitul Makmur. Kaluasannya satiap hari kawa mamasukakan tujuh puluh ribu malaikat. Sahabis kaluar, bubuhannya kada babulik lagi kapadanya (Baitul Makmur). Imbah tu aku dibawa ka Sidratul Muntaha. Daun-daunnya ganal kaya talinga gajah wan tanyata buahnya saganal tajau." Sidin basabda: "Waktu sidin manaikinya lawan parintah Allah, maka sidratul muntaha baubah. Kadada saurang pun matan makhluk Allah nang kawa manggambarakan kaindahannya sabab talalu indahnya. Lalu, Allah mambariakan wahyu kapada sidin dengan mawajibakan sambahyang lima puluh waktu sahari samalam. Lalu aku turun wan batamu Nabi Musa alaihi salam, sidin batakun, 'Apakah nang sudah difardukan ulih Tuhan ikam kapada umat ikam?' Sidin basabda: "Sambahyang lima puluh waktu'. Nabi Musa baucap, 'Babulik kawadah Tuhan ikam, minta karinganan sabab umat ikam kada akan mampu manggawinya. Aku pernah mancuba Bani Israil wan mauji bubuhannya'. Sidin basabda: "Aku babulik kawadah Tuhan sambil baucap, 'Ya Tuhanku, bari karinganan kawadah umatku'. Imbah tu Allah subhanahu wata'ala. mangurangi lima waktu sambahyang matan sidin'. Imbahtu aku babulik kawadah Nabi Musa wan baucap, 'Allah sudah mangurangi lima waktu sambahyang matan aku'. Nabi Musa baucap, 'Umat ikam kada akan mampu manggawinya. Babulik kawadah Tuhan ikam, minta karinganan lagi'. Sidin basabda: "Aku masih haja bulang-balik antara Tuhanku wan Nabi Musa, hingga Allah bafirman: 'Ya Muhammad! Sabujurnya aku fardukan lima waktu sahari samalam. Satiap sambahyang fardu dilipat gandakan lawan sapuluh kali lipat. Maka nangitu lima puluh sambahyang fardu. Kaitu jua barangsiapa nang baniat, gasan manggawi kabaikan tatapi kada manggawinya, tantu akan dicatat gasan inya sabuting kabaikan. Amun inya malakuninya, maka dicatat sapuluh kabaikan buatnya. Sabaliknya, barangsiapa nang baniat handak manggawi kajahatan, tatapi manggawinya, tantu kada dicatat gasan inya apa-apa. Imbah tu, amun inya manggarakannya, maka dicatat sabagai satu kajahatan gasan inya'. Aku turun sampai kawadah Nabi Musa, Imbah itu aku mamadahi sidin. Sidin masih haja baucap, 'Babulik kawadah Tuhan ikam, minta karinganan'. Aku manyahuti, 'Aku talalu banyak baulang-ulang babulik kawadah Tuhanku, sampai manyababakan aku supan kawadah sidin'."

-Shahih Muslim, Kitab Iman, Bab Isra' Rasulullah ka langit, hadits numur 162a.