Ismail
.png)
Ismail (Isma'il) ialah saurang tukuh dalam Al-Qur'an, Alkitab, wan Tanakh. Dalam Islam, inya dipandang sawagai Nabi wan Rasul.[1] Ismail jua diraitakan lawan Makkah wan pambangunan Kakbah.[2] Ismail marupakan anak panambaian matan Ibrahim as. wan juriat ka Nabi Muhammad saw. Juriatnya disambat lawan 'Arab Al-Musta'ribah (Arab nang di-Arab-akan), karana bubuhannya kada asli Arab wan mampalajari basa Arab matan panduduk asli satampat. Dalam agama Yahudi wan Karistin, tukuh ngini disambat Ismael.
Ismail baasal matan dua kuya, yaitu isma' "dengarakan!" wan il "Tuhan" nang baarti "Dangarakan (du'a kami) uy, Tuhan". Du'a Nabi Ibrahim lawan Tuhan tadapat dalam Al-Qur'an nang baarti, "Uy Tuhan ulun, anugarahkan lawan ulun (saurang anak lalakian) nang tamasuk urang-urang nang salih." Ujar Tuhan manjawapakan, "Maka Kami barii habar himung lawan inya diranakakan saurang anak nang sabar banar (Ismail). Hal ngini tadapat QS. As-Saffat ayat 100-101.[3]
Jujuhutan
[babak | babak asal-mulanya]- ↑ Maryam/19: 54
- ↑ "Pembangunan Ka'bah | Almanhaj" (dalam bahasa Inggris). 2009-11-23. Diakses tanggal 2026-03-15.
- ↑ Hashem, Omar. "Muhammad Sang Nabi" - Penelusuran Sejarah Nabi Muhammad Secara Detail, Bab 1. Kondisi Geografis - Kafilah Nabi Ibrahim. hlm. 10.