Ilyas

Ilyas ialah saurang tukuh jadi Nabi wan Rasul dalam Al-Qur'an, Alkitab, wan Tanakh. Inya ialah juriat Bani Israil nang dikanal manantang panyambahan barhala bangaran Ba'al. Tukuh ngini disambat Elia dalam Yahudi wan Karistin.

Ilyas dalam basa Ibrani disambat Eliyahu (אליהו) nang baarti El ialah Tuhan wan Yahu nang marupakan kahandapan matan YHWH, maka Eliyahu kawa diartiakan sawagai "Tuhan (ialah) YHWH" atawa Eliyahu baasal matan kuya Eli nang baarti Tuhan ulun wan Yahu, yaitu YHWH sampai artinya jadi "Tuhan ulun YHWH".

Eliyah jadi Ilyas dalam basa Arab karana panyasuaian linguistik, jaka dibaca Ilyah akan sadikit kada nyaman didangar maka ditukar lawan huruf Ha jadi hurus Sin, jua huruf Wau jadi Alif jua babulik pusisinya nang tadi tarahir jadi imbah huruf Ya. Alasan lain karana karancakan ahiran Ha dalam basa Arab dipakai gasan bibinian, biar banyak ngaran lalakian dalam basa Arab nang diahiri huruf Ha atawa Ta marbutah. Hal nang sama jua tajadi lawan ngaran Yonah jadi Yunus.

Ngaran Ilyas disambatakan dalam Al-Qur'an sabanyak tiga kali^[1] wan kisahnya disambatakan dalam surah Ash-Shaffat/37: 123-132. Dalam Tanakh wan Alkitab, Ilyas disambat Elia dalam Yahudi wan Karistin disambatakan dalam Raja-Raja (M'lakhim).

Daptar Buku

Ibnu Katsir (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. ISBN 978-602-6247-11-7.

Jujuhutan

↑ Ngaran Ilyas disambatakan sabanyak tiga kali dalam surah-surah Al-Qur'an, yaitu: Al-An'am/6: 85; wan Ash-Shaffat/37: 123, 130

[1] Ngaran Ilyas disambatakan sabanyak tiga kali dalam surah-surah Al-Qur'an, yaitu: Al-An'am/6: 85; wan Ash-Shaffat/37: 123, 130

[1]