Husin Naparin

Husin Naparin adalah ulama Banjar, sidin lahir di desa Kalahiang, Balangan 10 November 1947. Abahnya bengaran H. Muhammad Arsyad lawan mamanya bengaran Hj. Rusiah. sidin mengawini Dra. Hj. Unaizah Hanafie jadi sasurungan hidupnya nang satia.

Riwayat pendidikan

Husin, demikian panggilan sidin, adalah alumni Islamic University, Islamabad, Pakistan (1987), Punjab University, Lahore, Pakistan (1984), Al-Azhar University, Kairo, Mesir (1973), lawan UIN Antasari Banjarmasin (1969). Sidin jua pernah sekolah di Normal Islam Putra Rakha Amuntai (1962-1966), PGA Al-Hasaniyah Layap, Paringin (1959-1962), wan SRN Kalahiang (1959). Pendidikan non-formal nang kawa sidin ikuti di antaranya adalah Kursus Bahasa Inggris tingkat pamula di The American University, Kairo (1976-1977), tingkat kadua di The House of Knowledge Islamabad, Pakistan (1984), Penataran P4 (1981), lawan Sertifikat Dewan Pengawas Perbankan Syariah angkatan II (2009).

Aktivitas sidin di bidang organisasi di antaranya jadi Wakil pamimpin Parakumpulan Palajar Nahdatul Ulama Muta’allimin (1965-1966), Bendahara Pasatuan Palajar Indonesia (PPI) di Kairo (1974-1975), Pembantu wakil tatap Palajar Indonesia di Badan Solidaritas Perhimpunan Palajar Asia Tenggara Kairo (1973-1975), pamimpin Majelis Pembacaan Al-quran (MPA) Pasatuan Palajar Indonesia (PPI) Kairo (1976-1977), wan jadi Panasihat Palajar Indonesia di Pakistan (1985-1986).

Gawian

Gawian yang sidin jalani di antaranya jadi Guru normal Islam (1968-1972), pagawai musim haji di KBRI Jeddah (1975, 1977, dan 1978), pagawai loka di KBRI Jeddah (1978-1983). Sidin jua pernah jadi Dosen di STAI Al-Jami Banjarmasin (1989), lalu diangkat jadi pamimpin sampai wayah ini. Salain itu, sidin jua jadi Dosen luar biasa di UIN Antasari pada Fakultas Dakwah, Program Khusus, dan Pasca Sarjana, lawan Ulumul Qur'an di Fakultas Ushuluddin, tarjamah di Fakultas Tarbiyah. Sidin jua mangajar di Fakultas Syariah Al-Falah Banjarbaru, wan di Sekolah Tinggi Ilmu Tarbiyah Rakha Amuntai, lalu diangkat jadi Wakil Dekan (1998).

Pamimpin STAI Al-Jami Banjarmasin ini sudah manyusun 39 buting buku yang sudah ditayangkan, 70 makalah ilmiah, lawan ribuan artikel yang diulah sidin di media cetak, koran, dan majalah tajak tahun 1974.

Barakat kapamimpinan sidin, sakitar tahun 2016 Kementrian Agama RI maganugrahi Masjid Jami Banjarmasin sabagai Percontohan Nasional. Ada 12 buting masjid nang masuk nominasi dari 741.991 masjid sa-Indonesia, nah Masjid Jami baisi di urutan katiga.