Hijap

Hijap diambil tumatan bahasa Arab “ح -ج -ب” nang artinya panutup. Hijap baarti panutup atawa manunjukakan parihal nang ditutup. Tagal nang ngaran hijap ini kada musti manunjuk bibinian muslimah nang manutup aurat, bisa jua banda nang nang manjulur sampai ka diafragma (antara dada awan parut).^[1]

Pangartian Hijap

Hijap kada musti banda nang manutupi muha bibinian (cadar) sakira kada kawa ditiring, lantaran hijap nang dipakai bibinian muslimah nitu cuma sabatas karudung haja. Nang ngaran hijap baarti kain nang baukuran talibar daripada karudung, tagal lain jua awan salindang nang dipakai bibinian gasan manutupi kupala wan dada buhannya.

Dalam Al-Qur'an ditulisakan bahuwa: ‘’Bila ikam maminta sasuatu awan buhannya (bini-bini Nabi Muhammad SAW), maka mintalah tumatan balakang hijap, cara ngini labih manyucikan hati ikam wan hati buhannya.’’ (Al-Ahzab ayat 53). Hijap dalam ayat ngini manjalasakan arti panutup nang ada di rumah Nabi SAW, nang bapungsi gasan panghalang atawa pamisah antara lalakian wan bibinian, sakira buhannya kada saling maniring (batitiringan).^[2]

Ada sapalih ulama nang manyambat pangartian hijap, nang pada intinya basumbar tumatan al-Qur’an surat Al-Ahzab: 59, tagal masing-masing baisi panarjamahan nang balain, misalnya Mulhandy Ibn manyambat bahuwa: “hijap adalah pakaian nang lapang wan manutupi aurat bibinian, kacuali muha wan talapak tangan, wan pargalangan tangan haja nang bulih dinampakakan, samantara Ibnu Faris dalam bukunya Misbakhul Munir manulisakan bahuwa: "Hijap adalah banda nang kawa manutupi, bisa dalam bantuk kain atawa banda lainnya."^[2]

Maka dari itu, hijap bisa jua banda nang manutupi, tamasuk rumah nang kawa manutupi pandangan urang luar. Lawas-kalawasan, hijap jadi tabatas pada kain nang dipakai di kupala bibinian. Bahari hijap dipakai gasan manjaga rambut bibinian sakira kada takana pasir nang rigat wan ngalih dibarasihi. Kupala nang bapasir bisa badampak ka kasuburan kulit kupala, bisa jua maulah rambut runtuk, atawa maulah infiksi. Dalam agam islam, hijap kada musti gasan malindungi dari pasir rigat haja, bisa jua malindungi bibinian dari ihwal rigat-rigat nang kada nyata, malindungi dari parbuatan dusa, manjaga kalakuan di lingkungannya.^[2]

Pamakaian Hijap

Hijab bahari dipinandui atawa disambat karudung, tagal di awal tahun 1980-an karancakannya disambat jilbab, wan wahini mulai rancak disambat hijap.

Hijap pamaraannya dianggap banda gasan manutupi aurat bibinian, sakira mahalangi pandangan lawan janis (lalakian), hususnya malindungi pandangan ka bagian awak nang bisa maulah hasrat siksual.^[1] Hijap dianggap sarana gasan manutup aurat sakaligus manjadi ciri (idintitas) nang mambidakan inya lawan bibinian non-Muslimah, tagal kada sabarataan bibinian Muslimah mamakai hijap lantaran alasannya lain jadi kawajipan atawa pilihan haja.^[3]

Tagal hijap jaman wahini sudah manyimpang pada pungsi awalnya. Bila pamaraannya hujung hijap harusnya manutupi aurat bagian dada, tagal wahini di Indunisia kabanyakan hujung hijap dililit ka gulu wan kada sasuai awan ajaran Islam. Ada jua jilbab nang dililit di atas kupala, ditambah hiasan bros, ada jua nang bagulung rambut sampai kaya punuk unta, jilbab nang kada manutupi dada, ada jua nang transparan, lakuk awaknya masih kalihatan wan manampaiakan aurat.^[2]

Jujuhutan

1 2 Faruqi, Muhammad Syihab Al; Kahf, Maulana Muzayyin Al; Rahmah, Maulida Fitria (2023-06-30). "PEMAHAMAN CADAR, HIJAB, DAN BURQA DALAM PERSPEKTIF ISLAM". Jurnal Ilmu Al-Qur'an dan Tafsir (JIQTA) (dalam bahasa Inggris). 2 (1): 45–69. doi:10.36769/jiqta.v2i1.343. ISSN 2828-7339.
1 2 3 4 Maryati (2020). "Persepsi Remaja Putri tentang Penggunaan Hijab (Studi Kasus di Desa Tanamon Kecamatan Sinonsayang Kabupaten Minahasa Selatan)" (PDF). Skripsi IAIN Manado: 3. ^{[permanent dead link]}
↑ Gunawan, Dadan (2018). "Perspektif Remaja Muslimah tentang Jilbab di Kelurahan Sumber Sari Bantul Kecamatan Metro Selatan Kota Metro" (PDF). Skripsi IAIN Metro: 12.

[:0-1] 1 2 Faruqi, Muhammad Syihab Al; Kahf, Maulana Muzayyin Al; Rahmah, Maulida Fitria (2023-06-30). "PEMAHAMAN CADAR, HIJAB, DAN BURQA DALAM PERSPEKTIF ISLAM". Jurnal Ilmu Al-Qur'an dan Tafsir (JIQTA) (dalam bahasa Inggris). 2 (1): 45–69. doi:10.36769/jiqta.v2i1.343. ISSN 2828-7339.

[:1-2] 1 2 3 4 Maryati (2020). "Persepsi Remaja Putri tentang Penggunaan Hijab (Studi Kasus di Desa Tanamon Kecamatan Sinonsayang Kabupaten Minahasa Selatan)" (PDF). Skripsi IAIN Manado: 3. ^{[permanent dead link]}

[3] Gunawan, Dadan (2018). "Perspektif Remaja Muslimah tentang Jilbab di Kelurahan Sumber Sari Bantul Kecamatan Metro Selatan Kota Metro" (PDF). Skripsi IAIN Metro: 12.

[1]

[2]

[3]