Harun
.png)
Harun ialah saurang tukuh dalam Al-Qur'an, Alkitab, wan Tanakh nang jadi Nabi wan Rasul. Inya adalah pandamping adingnya, Musa, dalam manyampaiakan dakwah lawan Firaun, wan mamimpin Bani Israil.
Ngaran Harun disambatakan dalam kitab suci Islam, Al-Qur'an, sabanyak dua puluh kali[1] wan kisahnya tarus disambatakan lawan Musa. Dalam kitab suci Yahudi, Tanakh, wan kitab suci Karistin, Alkitab, parjalanan hidup Harun tatambaian dicatat lawan Musa dalam Kitab Kaluaran (Syemot), Imamat (Wayiqra), Bilangan (Bemidbar), wan Ulangan (Devarim).
Harun ialah saurang Bani Israil, yaitu bubuhan nang marupakan juriat Yakub (nang baisi ngaran lain Israel).[2] Disambatakan, Yakub asalnya bagana di Palistina (tanah Kanaan). Putra kasabalas Yakub, Yusuf, nang hudah jadi urang kaparcayaan raja lalu maundang Yakub wan kulawarganya nang di Palistina gasan bagana di Mesir karana musim kamarau panjang. Bubuhannya lalu baanakan di sana.[3][4][5]
Alkitab manyambatakan, abah Harun bangaran Amram (Imran dalam kitab Islam), salah saurang juriat Lewi, putra katiga Yakub. Uma Harun ialah Yokhebed, juriat Lewi nang jua marupakan dangsanak bibinian matan abah Amram. Juriatnya ialah Harun bin Amram (Imran) bin Kehat (Qahits) bin Lewi bin Yakub.[6]
Dalam Islam, Harun dimakamakan di sabuting tampat nang bangaran Gunung Harun nang parak lawan Petra, Yordania.[7][8]
Jujuhutan
[babak | babak asal-mulanya]- ↑ Ngaran Harun disambatakan sabanyak dua puluh kali dalam surah-surah Al-Qur'an, yaitu: Al-Baqarah/2: 248; An-Nisa'/4: 163/ Al-An'am/6: 84; Al-A'raf/7: 122, 142; Yunus/10: 75; Maryam/19: 28, 53; Thaha/20: 30, 70, 90, 92; Al-Anbiya'/21: 48; Al-Mu'minun/23: 45; Al-Furqan/25: 35; Asy-Syu'ara'/26: 13, 48; Al-Qashash/28: 34; Ash-Shaffat/37: 114, 120
- ↑ "Kejadian 32:28". Alkitab Sabda. Diakses tanggal 2026-03-17.
- ↑ Yusuf/12: 93-100
- ↑ "Kejadian 46:1-34". Alkitab Sabda. Diakses tanggal 2026-03-17.
- ↑ "Kisah Para Rasul 7:8-15". Alkitab Sabda. Diakses tanggal 2026-03-17.
- ↑ "Keluaran 6:14-20". Alkitab Sabda. Diakses tanggal 2026-03-17.
- ↑ "Aaron's Tomb, Petra". www.atlastours.net. Diakses tanggal 2026-03-17.
- ↑ "Tomb of Aaron". www.usna.edu. Diarsipkan dari versi asli tanggal 2008-06-24. Diakses tanggal 2026-03-17.