Hari Braille Sadunia
Hari Braille Sadunia atawa Hari Braille Internasional diganang saban tanggal 4 Januari, pas lawan hari diranakakannya Louis Braille, nang maulah aksara braille gasan pambacaan lawan nulis gasan bubuhan tunanetra atawa urang picak. Hari ngitu ditujuakan sekira masyarakat ngini ingat amun aksara braille nitu penting wan kada kawa dipandang randah, marga daminitu kakawanan nang rabun atawa kada kawa manjanaki kawa mambaca kitab, buku palajaran, pangumuman pamarintah, hinggan maklumat di wadah umum.[1] Hari Braille ngini jua kaya samacam pangiawan gasan mambaiki sarana umum, sakulah, parpustakaan, rumah ibadah, lawan kantur-kantur supaya sasain ramah gasan panyandang disabilitas netra, jadi sidin kawa babaur, bagawi, lawan baibadah lawan labih mandiri kada harus salalu minta tulung lawan urang lain. Tanggal pangganangan ngini dipilih lawan Majelis Umum PBB malalui pangumuman tikas Nupimbir 2018.[2] Imbah nitu Hari Braille sedunia pamulaan diganang tikas 4 Januari 2019.[3][4]
Jujuhutan
[babak | babak asal-mulanya]- ↑ Nations, United. "Events | United Nations". United Nations (dalam bahasa Inggris). Diakses tanggal 2026-01-04.
- ↑ "World Braille Day celebrated at Jamia Millia Islamia - Times of India". The Times of India (dalam bahasa Inggris). Diakses tanggal 2026-01-04.
- ↑ "World Braille Day: Education tools for the visually-impaired" (dalam bahasa Inggris). Diakses tanggal 2026-01-04.
- ↑ "First-ever World Braille Day underscores importance of written language for human rights". UN News (dalam bahasa Inggris). 2019-01-03. Diarsipkan dari versi asli tanggal 2019-01-04. Diakses tanggal 2026-01-04.