Hadis
Hadis atawa Hadits (bahasa Arab: حديث, translit. ḥadīth) atawa Atsar (bahasa Arab: أثر, ʾAṯar,)[1] dalam tradisi Islam ialah sabarataan pandiran, gawian, kaputusan matan Nabi Muhammad Saw.[2] Sabarataan hadis ngini baisi hubungan atawa bakait lawan susunan rantai perawi (silsilah urang nang dipadahi parnah mandangar wan maulang manyambar hadis ngitu, matan sumber hadis ngitu sampai ka Nabi Muhammad Saw.) Hadis ngini dihurmati dalam agama Islam sabagai satu inti dari Hukum Islam.[3]
Panulisan Hadis
[babak | babak asal-mulanya]Ada babarapa urang nang disambat ahli-ahli hadis nang mamutiki, mangumpulkan, maulahkan daftar, mamilihi, wan manulisakan hadis nang disambat ngitu mudawwin atau mukharrij.
Babarapa Kitab Hadis Sunni[1]
[babak | babak asal-mulanya]- Shahih Bukhari, diulah ulih Bukhari (194-256 H).
- Shahih Muslim, diulah ulih Muslim (204-262 H).
- Sunan Abu Dawud, diulah ulih Abu Dawud (202-275 H).
- Sunan at-Tirmidzi, diulah ulih At-Tirmidzi (209-279 H).
- Sunan an-Nasa'i, diulah ulih an-Nasa'i (215-303 H).
- Sunan Ibnu Majah, diulah ulih Ibnu Majah (209-273).
- Musnad Ahmad, diulah ulih Imam Ahmad bin Hambal (164-241 H).
- Muwatta Malik, diulah ulih Imam Malik (93-179 H).
- Sunan Darimi, diulah ulih Ad-Darimi (181-255 H).
Kitab hadis Syi'ah[4]
[babak | babak asal-mulanya]Buhan Syi'ah ngitu parcaya banar hadis ngitu nang diriwayatakan ulih katurunan Nabi Muhammad Saw. maliwati Fatimah az-Zahra, atawa ulih urang nang baagama Islam jua bapihak Ali bin Abi Thalib. Buhan Syi'ah kadada mamakai hadis nang matan atawa nang diriwayatakan ulih urang-urang nang manyambat dirinya sabagai musuh Ali, nang kaya Aisyah nang malawan Ali di amuk Perang Jamal. Sabahagian kitab nang dipakai Syiah ngini mamakai kitab-kitab nang kaya:
- Ushul al-Kafi
- Al-Istibshar
- Al-Tahdzib
- Man La Yahduruhu al-Faqih
Kabanyakan hadis-hadis ngitu biasanya mariwayatakan papadah Ja'far ash-Shadiq. Kitab-kitab hadis Syiah ngini kada di Induneusia.
Beberapa istilah dalam ilmu hadis
[babak | babak asal-mulanya]Dalam ilmu Hadis, ada babarapa istilah nang dikanal, nang kaya:[5]
- Muttafaq Alaih (disepakati atasnya) yaitu hadis nang diriwayatakan ulih Imam Bukhari dan Imam Muslim matan sahabat nang sama, dikatahui jadi hadis Bukhari dan Muslim
- As-Sab'ah nang artinya ada tujuh perawi ialah Imam Ahmad, Imam Bukhari, Imam Muslim, Imam Abu Daud, Imam Turmudzi, Imam Nasa'i dan Imam Ibnu Majah
- As-Sittah ngini ada enam perawi ialah mereka nang disambat di atas kacuwali Ahmad bin Hambal (Imam Ibnu Majah)
- Al-Khamsah ngini artinya lima perawi ialah mereka nang disambat di atas kacuwali Imam Bukhari dan Imam Muslim
- Al-Arba'ah maksudnya empat perawi ialah mereka nang disambat di atas kacuwali Ahmad, Imam Bukhari dan Imam Muslim
- Ats-Tsalatsah maksudnya tiga perawi ialah mereka nang disambat di atas kacuwali Ahmad, Imam Bukhari, Imam Muslim dan Ibnu Majah.
Jajuhutan
[babak | babak asal-mulanya]- 1 2 Al-Khathib, Dr Muhammad Ajaj (2022-12-31). Hadits Nabi dari Masa ke Masa (dalam bahasa Indonesia). Pustaka Al-Kautsar. ISBN 978-623-173-000-8.
- ↑ Qudsy, Saifuddin Zuhri; DEWI, SUBKHANI KUSUMA (2018-04-17). Living Hadis: Praktik, Resepsi, Teks, dan Transmisi (dalam bahasa Indonesia). –. Yogyakarta: QMedia & Ilmu Hadis Press.
- ↑ al-Mubarakpuri, Syaikh Shafiyur Rahman (2021-06-14). Sirah Nabawiyah: Sejarah Paling Autentik tentang Kehidupan Rasulullah Saw (dalam bahasa Indonesia). DIVA PRESS. ISBN 978-623-293-408-5.
- ↑ Zuhri, Muh (1997). Hadis nabi: telaah historis dan metodologis (dalam bahasa Melayu). PT. Tiara Wacana Yogya. ISBN 978-979-8120-72-5.
- ↑ Basyit, Abdul (2019-01-10). Ilmu-Ilmu Hadis (Ulum al-Hadis): Landasan Pokok Mempelajari dan Memahami (dalam bahasa Indonesia). Pustaka Getok Tular.