Gusti Mayur

Gusti Mayur adalah Pemimpin Umum Mimbar Indonesia, majalah mingguan nang terkenal di zaman penjajahan Walanda nang andakan kantornya di Jakarta. Sidin asalnya dari Banjarmasin, Kalimantan Salatan.

Riwayat hidup

Waktu umurnya 13 tahun, Sidin tulak ka Surabaya, habis itu magang jadi tukang set di percetakan Indonesia Studie Club pimpinan Dr. Sutomo. Tiap kamarian sidin ikut kursus, sampai akhiran dapat ijazah MULO, bahkan sampai diterima jadi siswa NIAS (sakolah dokter) di situ. Sidin pintar di gawiannya, sampai akhiran bisa menduduki jabatan pemimpin perusahaan di percetakan ngitu. Lalu sidin masuk ke keredaksian Soeloeh Indonesia lawan banyak tokoh dari Partai Persatuan Bangsa Indonesia, nang imbahnya bergabung lawan Budi Utomo jadi Partai Indonesia Raya (Parindra).

Di tahun 1939, Gusti Mayur menerbitkan majalah Terang Boelan di Surabaya, majalah hiburan nang banyak gambarnya, tagal akhirannya ditangati terbit sama Jepang. Waktu Jepang datang, sidin dibawai bulik ka Kalimantan, tapi sidin menolak. Pas Jepang kada membariakan sakumna kegiatan partai politik, Gusti Mayur lawan pemimpin Parindra lain tetap bersikukuh basungguh-sungguh bajuang dan malawan untuk Indunisia nang mulia. Bagi Parindra, kata mulia artiannya merdeka.

Di masa revolusi, sidin jadi pengurus Badan Penerangan Ikatan Pejuang Kalimantan. Sidin menyempatkan diri gasan kuliah di Fakultas Hukum Universitas Gadjah Mada. Imbah Belanda malakukan Agresi Militer II, sidin pindah ka Jakarta habis itu menghimpun Kekuatan serta menerbitkan majalah mingguan Mimbar Indonesia baumbaian lawan H.B. Jassin, Djamaluddin Adinegoro, lawan Supomo.

Hikayat lembu mangkurat

Hikayat Lembu Mangkurat hasil tulisan H.A. Gusti Mayur, SH (menurut nang disampaikan sidin dalam bagian pendahuluan) adalah ringkasan dari sabuah gubahan pujangga bahari, lalu disusun lawan maumpati sabagian dari disertasi A.A. Cense gasan mandapatakan galar Doktor.

Hikayat Lembu Mangkurat ini marupakan salah satu contoh sastra tradisional Banjar, salain legenda, dongeng, serta mite. Sebagai bantuk karya sastra yang asalnya disampaikan sacara lisan, lalu hikayat ini babanyak dan disampaikan di masarakat dalam barbagai macam namun mampunyai inti carita yang sama. Hikayat ini mangisahkan masalah tokoh carita yaitu Lembu Mangkurat lawan barbagai tokoh yang lainnya nang mangisahkan masalah kerajaan Banjar. Carita dalam hikayat ini terdiri dari ampat bagian yaitu: bagian 1) Zaman Lembu Mangkurat, bagian 2) Zaman Arya Taranggana, bagian 3) Zaman Marhum Panembahan lawan bagian 4) Zaman Raja-raja di Martapura.