Guru Lok Bangkai
 | Artikal ini kada baisi kategori/tumbung atawa baisi kategori/tumbung sadikit banar. Ganii lawan cara manambahi kategori/tumbung nang sasuai. Janaki artikal nang sahuaran gasan manantuakan apa kategori/tumbung nang sasuai. Tulung ganii Wikipidia gasan manambahakan kategori/tumbung. Tag ini diandak wayah kategori masih kurang. |
KH. Ahmad Riduan (Guru Lok Bangkai) lahir di Amuntai pada hari Sanayan 12 Agustus 1946 M (batapatan lawan 14 Ramadhan 1365 H). Abah sidin banama KH. Ahmad Dahlan Bin As'ad sadangkan Uma sidin banama Hajjah Muntiara Binti H. As'ad bin Zainab Binti Tuan Guru KH. Muhammad Tayyib (Datu Taniran) Bin KH. As'ad Bin Syarifah Binti Maulana Syeikh Muhammad Arsyad Al-Banjari.[1]
Manganal sidin sadikit
[babak | babak asal-mulanya]Sidin bahari sakulah rakyat limbah nintu manarusakan sakulah ka Pondok Pesantren "Rasyidiah Khalidyah" (Rakha) limbah di situ manarusakan pulang ka Pondok Pesantren "Darussalam" Martapura sampai imbah.
Guru-guru sidin Tuan Guru KH. Anang Sya'rani Arif Kampung Malayu, Tuan Guru KH. Salim Ma'ruf, Tuan Guru KH. Husien Qadri, Tuan Guru KH. 'Abdul Qadir Hasan , Tuan Guru KH. Salman Mulya wan masih banyak nang lainnya.
Ada pun guru husus sidin adalah Al-'Alimul Allamah Tuan Guru KH. Muhammad Zaini Bin H. 'Abdul Ghani (Abah Guru Sekumpul) salain malajari ilmu dan mandidik sidin, Abah Guru Sakumpul jua maunjuki sidin ijazah amalan-amalan wan Thoriqat nang sanad sanadnya basambung sampai ka Baginda Rasulullah Shallallahu 'Alaihi Wasallam.
Kawal rakat sidin adalah Tuan Guru KH. Muhammad Syukri Unus (Matan Desa Harus Amuntai) nang mana sidin badua inilah nang umpat mamparjuangakan pambangunan asrama "Ibnu Rasyid" di Martapura.
Maninggalnya sidin
[babak | babak asal-mulanya]Tuan Guru KH. Ahmad Riduan maninggal pada 5 Dasimbir 1998 M (15 Sya'ban 1419 H) di Rumah Sakit Sari Mulia Banjarmasin, sidin di bawa ka Martapura gasan di mandiakan wan di kafani lawan jua di sambahyangakan nang mana langsung di imami ulih Abah Guru Sakumpul. Limbah nitu janazah sidin di tulakkakan manuju kota Amuntai gasan dipatak di Desa Lok Bangkai. Di wayah ngintu langit muru wan kada lawas hujan turun saakan-akan umpat sadih atas kamatian sidin.
Diantara papadahan sidin :
"Kahidupan manusia ngintu ibarat sabuah kompor. Amunnya kompor dinyalaakan maka lambat laun sumbu wan minyaknya bakal habis. Damin tu jua halnya lawan umur kita ngini".
Jujuhutan
[babak | babak asal-mulanya]- ↑ DIA, Yayasan (2022-04-16). "Mengenal Tuan Guru KH Ahmad Riduan Amuntai yang Lahir 14 Ramadhan". Mengenal Tuan Guru KH Ahmad Riduan Amuntai yang Lahir 14 Ramadhan (dalam bahasa Inggris). Diakses tanggal 2025-11-09.