Gumbaan
Gumbaan adalah alat tatanunan tradisional nang baguna gasan mambarasihakan atawa mamisahakan gabah dari sisa putungan atawa jerami nang patah, hampa.[1] Prinsip gawian gumbaan sederhana badasarkan parbidaan barat bulir banih baisian lawan bulir banih nang kada baisi lawan kakurangan lainnya. Bulir banih nang baisi pasti labih barat daripada nang kada baisi lawan batang banih. Buhannya dipisahkan mamakai kipas baputar nang diulai lawan pedal tangan. Kipas nang diputar maulah angin nang mangibur bulir-bulir padi nang kada baisi lawan kotoran lainnya ka luar sacara horizontal. Sabaliknya bulir banihi nang barisi labih barat tagugur ka bawah ulih gaya gravitasi.[2]
Gumbaan baisi ampat lubang. Lubang awal di bagian atas sagan mamasuakan banih nang handak dibarasihi atau dipisahakan lawan hampanya, lubang kadua lawan katiga baandak di bagian bawah sagan manampung bulir banih nang baisi dan lubang kaampat baandak di bagian balakang sagan mangaluakan banih hampa lawan kotoran nang tatiup kaluar.[3]