George Obos
 | |
| Riwayat | |
|---|---|
| Kalahiran |
Kasongan (id)  |
| Kamatian |
19 April 1982 (77 tahun (id) ) Banjarmasin |
| Gawian | |
| Gawian |
Politikus (id) wan angkatan bersenjata (id) |
| Partai politik (id) |
Partai Indonesia Raya (id) |
 | |
George Obos Oemar (EYD: George Obos Umar), rajin disingkat G. Obos wan rancak dikiau Bapak Ferdy[1] (diranakakan di Kasongan, Kalimantan Tangah, 24 Disimbir 1904 – habis umur di Rumah Sakit Suaka Insan, Kuta Banjarmasin, Kalimantan Salatan, 19 April 1982 pas umur 77 tahun), adalah pajuang matan Kalimantan Teangah. Sidin juwa salajur ialah bupati panambayan Kabupatin Barito Utara nang manjabat matan tahun 1951 sampai 1954, imbahnya pulang jadi bupati panambayan Kabupatin Kapuas wan manjabat matan tahun 1955 sampai 1958.[2]
Riwayat hidup
[babak | babak asal-mulanya]George diranakakan di Kasongan wayah 24 Disimbir 1902. Abahnya bangaran Heine Oemar, wan umanya bangaran Lea Anggen. Ngaran langkapnya ialah George Obos Oemar, tagal ngaran abahnya imbahtu kada ditambahiakan gasan malindungi kaluarga sidin matan represi pamarintah Walanda.[3] Sidin maumpati pandidikan dasar di sakulah zending di Banjarmasin, imbahtu dilanjutakan di Sakulah Palayaran Surabaya wayah 1926.[3]
Riwayat parjuangan
[babak | babak asal-mulanya]Sidin umpat bagawian dalam Kongres Sumpah Pemuda II nang diaruh wayah tanggal 27–28 Uktubir 1928 sawagai wakil matan Kalimantan. Imbah masa kamardikaan, George mambantui parjuangan rakyat Kalimantan nang dipimpin lawan Pangeran Mohammad Noer. Sidin diangkat manjadi Katua Badan Oesaha Goebernoer Borneo, nang baimbai lawan Pemuda Republik Indonesia Kalimantan (PRIK), manyusun idabul gasan mampertahanakan Kalimantan matan Walanda. George juwa umpat dalam Patampuran Surabaya.
Sualih nitu, George juwa ditunjuk sawagai Bandahara ALRI Divisi IV Kalimantan. Imbah Revolusi Kamardikaan, sidin dapat jabatan sawagai angguta KNIP, Bupati Barito Utara, Kapuas wan Anggota MPRS.
Gasan mangingatiakan jasa sidin, ngaran George dijadiakan ngaran jalan di Palangka Raya, yaitu Jalan George Obos nang baandakan di parak Bundaran halus Palangkaraya sampai Jalan Mahir Mahar. Salajur jua jadi ngaran anak jalannya yaitu matan George Obos I sampai George Obos XXVII.
Riwayat gawian
[babak | babak asal-mulanya]George ialah urang bubuhan militir nang pangkatnya Letnan Colonel Angkatan Laut RI (ALRI) ditugasakan manjadi staf ALRI Divisi IV bagian Intelijen merangkap Staf IV/Intelijen Mabes TNI-AD.[4]
Habis umur
[babak | babak asal-mulanya]Wayah Sanayan hari sungsung, 19 April 1982 jam 19.30 WITA, George habis umur di Rumah Sakit Suaka Insan, Banjarmasin marga ada garing. Sidin dipatak di Alkah pakuburan Karistin di Pahandut, Kuta Palangka Raya. George maninggalakan bini sidin nang bangaran Emillie Hillep, sanga ikung anak (lima lalakian wan ampat bibinian), 37 cucu, wan 10 piut.[5]
Jujuhutan
[babak | babak asal-mulanya]- ↑ "Mengenal Sosok "GEORGE OBOS"". Mengenal Sosok “GEORGE OBOS”. Diakses tanggal 2024-02-14.
- ↑ Sulistyorini, Pembayun (2007). TOKOH-TOKOH PEJUANG KALIMANTAN TENGAH, PERAN DAN PEMIKIRANNYA (PDF). Pontianak: DEPARTEMEN KEBUDAYAAN DAN PARIWISATA BALAI PELESTARIAN SEJARAH DAN NILAI TRADISIONAL. hlm. 30.
- 1 2 "Nama Sebenarnya George Obus Umar". Pemerintah Kota Palangka Raya. 29 Oktober 2018. Diarsipkan dari versi asli tanggal 2022-08-11. Diakses tanggal 27 Juli 2024.
- ↑ Isnanto, Bayu Ardi. "George Obos, Tokoh Sumpah Pemuda dari Kalimantan". detikKalimantan (dalam bahasa Indonesia). Diakses tanggal 2025-12-13.[permanent dead link]
- ↑ "Mengenal Sosok "GEORGE OBOS"". Mengenal Sosok “GEORGE OBOS”. Diakses tanggal 2024-02-14.
| Jabatan politik | ||
|---|---|---|
| Didahului ulih: Jabatan hanyar |
Bupati Barito Utara 1951–1954 |
Digantiakan ulih: Barnstein Baboe |
| Didahului ulih: Jabatan hanyar |
Bupati Kapuas 1979–1984 |
Digantiakan ulih: J.C. Rangkap |