Gamelan Banjar
Gamelan gaya Banjar ialah seni karawitan lawan alat musik gamelan nang bakambang di bubuhan suku Banjar di Kalimantan Salatan. Gamelan gaya banjar nang ada di Kalimantan Salatan ada 2 parian yaitu parian keraton wan parian kerakyatan. Dalam pengembangannya, musik gamelan Banjar versi keraton makin handak punah. Tapi musik gamelan Banjar versi rakyatan matan ini masih ada.
Sejarah
[babak | babak asal-mulanya]Gamelan Banjar kacungulannya sudah ada matan zaman Kerajaan Nagara Dipa abad 14 nang dibawa Pangeran Suryanata ka Kalimantan Salatan baimbang lawan kesenian Wayang Kulit Banar wan sanjata keris nang jadi hadiah kerajaan Majapahit.
Imbah runtuhnya Kerajaan Nagara Daha tahun 1526, ada beberapa pemuka adat nang melajari seni gamelan wan seni lainnya ka masyarakat, nang kaya:
- Datu Taruna nang malajari gamelan
- Datu Taya nang malajari dalang wayang kulit
- Datu Putih nang malajari tari topeng
Wayah pamarintahan Pangeran Hidayatullah II, pencatuk gamelan disuruh belajar mencatuk gamelan di keraton Solo. Matan ngitu, catukan maupun nang lainnya jadi panutan gamelan pagustian, tautama banar catukan nang bebaya ditambah 2 kali pehabisan gong.
Selain ngitu, kadada lagi ditamui gamalan nang lengkap kaya Simanggu Ganal (disimpan di Museum Nasional Jakarta) wan Simanggu Halus, tagal nang dikenal cuma lagu: ayakan, perangan, geol, mas mirah wan perang alun.
Di Hulu Sungai, kelompok nang dipimpin Utuh Aini manguasai rumpun Kaliningan nang pamulaannya dikambangakan Dalang Tulur, Dalang Asra, Sarbaini, Busrajuddin, wan Aci. Maraga Kaliningan Hulu Sungai sipatnya praktis kawa dicatuk wan 8 ikung urang aja. Gamalan ngitu terdiri matan:
- 2 buting sarun
- sebuting sarantam
- sebuting kanung
- sebuting katuk
- sebuting kangsi
- sebuting babun
- gong ganal
- gong halus