GKE Palanungkai
Garija Kalimantan Evangelis Palanungkai yaitu garija nang baandak di kuta Tamiang Layang, Kabupatin Barito Timur, Prupinsi Kalimantan Tangah, Indunisia. Garija ini manjadi tihang panting dalam sajarah pahabaran Injil panambaian di wilayah Barito Timur.
Garija ini dibangun wayah tahun 1933. Tumatan itu, garija ini sudah babarapa kali dibaiki. Walau damintu, bantuk bangunannya tatap diharagu nangkaya wayah panambaian dibangun. Babarapa banda basajarah masih diharagu sampai damini, misalnya dua papan batulisan basa Maanyan lawan ijaan lawas. Di sakuliling garija tahaga makam pambawa ajaran agama matan Jérman bangaran Ernst Wilhelm Fiege, nang dipinandui lawan ngaran Tuan Tije. Sidin panting banar jasanya dalam mambawa ajaran agama Kerestén di banua itu wayah uncit abad ka-19.[1]
Bahan acuan
[babak | babak asal-mulanya]- ↑ "Potensi Wisata Religi Sejarah umat Kristiani di Tamiang Layang". visitbartim.com. 20 Januari 2020. Diarsipkan dari versi asli tanggal 2020-02-12. Diakses tanggal 18 Disimbir 2025.