Frasa
Frasa kawa diaartiakan sawagai kalumpuk kata nang baisi matan dua kata atawa labih. Keraf (1984) manyambat bahwa frasa marupakan konstruksi nang tadiri matan dua kata atawa labih, nang kadua kata ngitu kawa bapungsi sawagai inti atawa sabuting wara bapungsi sawagai inti.[1]
Ramlan (1987) maaartiakan frasa sawagai satuan gramatik nang tadiri matan dua kata atawa labih wan kada malingkangi tikas kaunaan unsur klausa. Pateda (1988) maartiakan frasa marupakan kalumpuk kata nang tadiri dua kata atawa labih. Frasa tahalus matan klausa, di antara kata kata nang ngitu ada raraitan. Pateda mamokusakan bahwa frasa tahalus matan klausa, maka frasa kada kawa manggantiakan klausa di kalimat maraga kada atawa balum mahibaki sarat sawagai klausa.[1] Kridalaksana (2008) manyambat bahua frasa marupakan gabungan dua kata atawa labih nang basipat kada prediktif; gabungan ngitu kawa rapat kawa ranggang, sawagai cuntuh "gunung tinggi" marupakan frasa maraga marupakan konstruksi nonprediktif. Hal ngini balain arti lawan "gunung ngitu tinggi" nang lain frasa maraga basipat prediktif.[2]
Sasuai lawan arti frasa, maka frasa kurang labih baisi ciri; (1) tadiri matan dua kata atawa labih, (2) baisi sabuting makna gramatikal, (3) kada baisi predikat atawa basipat nonpredikatip, wan (4) baisi fungsi gramatikal di kalimat.[3]
Macam Frasa
[babak | babak asal-mulanya]Ada bamacam frasa sasuai lawan apa nang dijanak, nang panambaian frasa nang dijanaki matan kadudukan kadua unsurnya, ada frasa koordinatif nang marupakan kadudukan unsurnya satara, wan frasa subordinatif nang marupakan unsurnya kada satara. Dijanaki matan raraitan kaduanya unsurnya, ada dua frasa endosentrik nang marupakan frasa nang sabuting unsurnya kawa manggantiakan samunyaan, wan frasa eksosentrik nang kadua unsurnya marupakan satu kasatuan. Tajauh lagi, lamun dijanak matan kategorinya, ada frasa nominal, frasa verbal, frasa adjektival, wan frasa preposisional.[4]
Jujuhutan
[babak | babak asal-mulanya]- 1 2 Suhardi (2013). Dasar-dasar ilmu sintaksis bahasa Indonesia (edisi ke-Cetakan 1). Yogyakarta: Ar-Ruzz Media. hlm. 19 – 44. ISBN 978-602-7874-14-5.
- ↑ Rani, Tasya Maha; Rahmadani, Suci; Hendro, Dwi Sefti; Ratnasari, Lili (2026-01-21). "Sintaksis dalam Membentuk Kalimat Frasa dan Klausa Secara Lisan dan Tulis". Menulis: Jurnal Penelitian Nusantara (dalam bahasa Inggris). 2 (1): 518–524. doi:10.59435/menulis.v2i1.991. ISSN 3088-988X.
- ↑ "Apa Itu Frasa dan Jenisnya – Materi Bahasa Indonesia Kelas 10". Zenius Blog - Tempatmu Menjelajahi Dunia Ilmu Pengetahuan (dalam bahasa Inggris). 2022-04-07. Diakses tanggal 2026-05-23.
- ↑ Wahidah, Baiq Yulia Kurnia (2021-06-30). "Perbedaan Jenis Frasa Nominal dan Kata Majemuk Nomina". Jurnal Ilmiah Wahana Pendidikan (dalam bahasa Indonesia). 7 (3): 278–285. doi:10.5281/zenodo.5564696. ISSN 2622-8327.