Es teler
Es Teler ialah salah sabuting minuman matan campuran buah-buahan has Indunisia, nang rancaknya taulah matan alpukat, kalapa anum, wan nangka (kawa jua ditambahi lawan buah lain), lalu dicampur susu kantal manis[1] (kawa jua ditambahakan banyu gula atawa satrup)[2], takadang ditambahi lawan santan kalapa, lalu ditambahi es (es batu atawa es serut).[3][4][5][6][7]
Es teler ialah macam kulinir nang murni "fresh from nature", kada diulah, diputung wan dibarasihi haja, lalu dibarii kuah rasa sasuai salira wan diminum atawa dimakan dingin. Sampai kandungan giji nang tadapat dalam buah nang dipakai utumatis masih baik. Es teler kawa sawagai makanan panutup matan makanan panutup ulahan pabrik.[4][5]
Sajarah
[babak | babak asal-mulanya]Es teleh baasal matan Kabupatin Sukoharjo. Wayah 1957, minuman ngini ditamui ulih pasangan laki-bini, H. Tukiman wan Hj. Samijem Darmowiyono[5][6], urang disa Juron, Kacamatan Nguter, Kabupatin Sukoharjo, Jawa Tengah.[4][7][8]
Tukiman wan Samijem ialah urang tatambaian nang manamuinya. Ujar Samijem, "Mimang awalnya ulun nang manamui campuran es teler ngitu, Imbahnya, es teler makin banyak di mana-mana. Ulun basinghaja kada mamatinakannya."[9]
Gasan mamanuhi kabutuhan hidup, kulawarga Darmowiyono marantau ka Jakarta sawagai padagang buah batis lima di dairah Menteng, Jakarta Pusat. Karana hasil matan badagang buah kada tapi payu gasan mamanuhi saban hari, Tukiman wan bininya bainisiatip gasan manjual es buah. Salawas bajalannya waktu, bubuhannya bainupasi lawan mancampurakan buah nangka, kalapa, alpukat, satrup, wan susu. Kada disangka, banyak urang nang katuju lawan campuran matan barbagai buah ngitu.[8]
Ngarannya dijuhut matan ujaran saurang palanggan nang baucap "esnya maulah teler." Matan ucapan ngitu, es teler dirasa kawa sawagai ngaran minuman ngini.[4][5][6][7][8]
Kulawarga Darmowiyono mambuka warung makan di dairah Cikini, Jakarta Pusat di wilayah Metropole Megaria. Rumah makan ngitu dibari ngaran Es Teler Sari Mulia Asli.[4][5][6] Di rumah makan ngini jua disurungakan ayam babanam, bakso, siomay, wan barbagai macam minuman. Usaha kulawarga Darmo Putro bakambang sampai wayahini.[9]
Sampai wayahini, inya hudah baisi 7 cabang yang hudah dibangunnya. Palanggan matan rumah makan ngini banyak matan kalangan artis wan pulitikus takanal, kaya Rieke Diah Pitaloka, Jarwo Kuat, Puan Maharani, Faisal Basri, Gatot Amrih (Bupati Sukoharjo bahari), wan sajumlah karabat jua Kulawarga Cendana (kulawarga Parisidin Suharto bahari). Inya jua suah diundang ulih Ebeth Kadarusman nang jadi salah satu palanggan satia es telernya, gasan maumpati siaran di tilipisi wayah 1993.
Kulawarga Darmo Putro jua mambuka dua rumah makan di kampung halamannya, Sukoharjo, lawan ngaran Siomay Wolu-Wolu. Sawagai distinasi kulinir, wayah 2005, es teler rismi jadi minuman has Sukoharjo ulih Bambang Riyanto, Bupati Sukoharjo nang manjabat wayahitu jua.[10]
Pariasi
[babak | babak asal-mulanya]Pariasi lain[7] matan es teler baisi cincau, kulang-kaling, biji mutiara, putungan buah apel, kustila, sawu, melon, ruti, wan agar-agar, sampai es teler jadi ngalih dibidaakan lawan es campur.[4][5]
Es teler ngini taulah matan alpukat, daging kalapa anum, nangka, cincau, agar-agar, biji (sagu) mutiara, ruti hambar, banyak kalapa anum, santan, banyu gula, wan susu kantal manis.
Es ngini taulah matan alpukat, daging kalapa anum, nangka, pisang, cincau, kalapa parut basangrai, wan susu kantal manis.
Es nang taulah matan alpukat, daging kalapa anum, nangka, satrup vanili, wan susu kantal manis.
Es teler nang taulah matan alpukat, kustila, daging kalapa anum, nangka, cincau, sagu mutiara, kacang disco, susu kantal manis, wan saus gula (taulah matan gula habang, galapung hunkue putih, uyah).
Es yang taulah matan alpukat, daging kalapa anum, nangka, sawu, wan susu kantal manis.
Es teler nang taulah matan alpukat, daging kalapa anum, nangka, wan satrup.
Es teler nang taulah matan alpukat, daging kalapa anum, ruti hambar, wan durian.
Jujuhutan
[babak | babak asal-mulanya]- ↑ "Resep Es Teler yang Menyegarkan dan Menggoda ala Sasa". www.sasa.co.id (dalam bahasa Inggris). Diakses tanggal 2026-03-14.
- ↑ Adiputra, Masrur. "Perbedaan Teler dan Es Campur - RRI.co.id". rri.co.id - Portal berita terpercaya (dalam bahasa Inggris). Diakses tanggal 2026-03-14.
- ↑ "Cara Bikin Es Teler yang Segar dan Nikmat untuk Dinikmati di Rumah". liputan6.com (dalam bahasa Indonesia). 2025-03-09. Diakses tanggal 2026-03-14.
- 1 2 3 4 5 6 "Es Teler, Sejarahmu Dulu dan Kini". disdik.bekasikota.go.id (dalam bahasa Inggris). Diakses tanggal 2026-03-14.
- 1 2 3 4 5 6 "Es Teler, Minuman Segar Pelepas Dahaga Saat Buka Puasa – Pemerintah Kota Malang" (dalam bahasa Inggris). 2021-04-15. Diakses tanggal 2026-03-14.
- 1 2 3 4 "Es Teler, Sejarahmu Dulu dan Kini bagaimana cerita". mtsduba.sch.id. Diarsipkan dari versi asli tanggal 2026-01-15. Diakses tanggal 2026-03-14.
- 1 2 3 4 Sartika, Bintang Lely. "Menelusuri Asal Usul Es Teler Kuliner Khas Indonesia - RRI.co.id". rri.co.id - Portal berita terpercaya (dalam bahasa Inggris). Diakses tanggal 2026-03-14.[permanent dead link]
- 1 2 3 Setya, Devi. "Tukiman dan Samijem Peracik Es Teler Pertama di Indonesia". detikfood (dalam bahasa Indonesia). Diarsipkan dari versi asli tanggal 2023-03-31. Diakses tanggal 2026-03-14.
- 1 2 Khairunnisa, Syifa Nuri (2020-03-06). "Asal-usul Es Teler, Benarkah Berawal dari Kedai Es Teler Sari Mulia Asli?". Kompas. com. Diakses tanggal 2026-03-15.
- ↑ "Es Teler". Tribunnewswiki.com (dalam bahasa Indonesia). Diakses tanggal 2026-03-14.