Edgar Allan Poe
| Edgar Allan Poe | |
|---|---|
 Poe tahun 1849 | |
| Ranak | Edgar Poe 19 Januari 1809 Boston, Massachusetts, Amirika Sarikat |
| Habis umur | 07 Uktubir 1849 (umur 40) Baltimore, Maryland, Amirika Sarikat |
| Gawian | Panyair, panulis novel, panulis kisdap, panyunting, kritikus sastra |
| Kabangsaan | Amirika Sarikat |
| Aliran sastra | Fiksi horor, fiksi kriminal, fiksi detektif |
| Angkatan | Romantisme |
| Pasangan | Citakan:Marriage |
| Tanda tangan |  |
 |
Wikiquote baisi kuliksi kutipan nang bakaitan lawan: |
Edgar Allan Poe atawa Edgar Poe; (diranakakan 19 Januari 1809 – habis umur 7 Uktubir 1849 pas umur 40 tahun) yaitu saurang pujangga, cerpenis, panulis wan kritikus sastra nang tarkanal maraga puisi wan kisah handapnya, tahusus kisah-kisah misteri wan buku macabre.[1] Poe dianggap sabagai tukuh nang tatambaian mangambangakan Romantisme wan fiksi Gotik di Amirika Sarikat dalam sastra AS.[2] Inya jadi salah saurang nang pamulaan manulis kisah handap di Amirika wan tatambaian manulis kisah bajanis fiksi detektif. Inya jua dapat pangakuan maraga gawiannya gasan janis kisah fiksi ilmiah nang rahat ngitu masih bakambang. Inya jadi panulis tarkanal panambaian matan Amirika Sarikat nang bausaha di dunia manulis haja, maraganya karir lawan ikunuminya kada manantu, malah kawa disambat hidupnya susah.[3]
Poe diranakakan di Boston, anak kadua matan pasangan aktur David wan Elizabeth "Eliza" Poe.[4] Abahnya maninggalakan kaluarganya pas 1810, wan umanya maninggal satahun imbah itu. Rahat ngitu, Poe diangkat anak ulih pasangan John Allan wan Frances Allan nang baasal matan Richmond, Virginia. Buhannya kada sacara rasmi maadupsi Poe, tagal tatap manjaga inya baik-baik sampai inya parak tuha. Poe imbahtu masuk ka Universitas Virginia, tapi kaluar satahun imbah itu maraga kakurangan duit. Inya bapaut lawan John Allan sual biaya pandidikan wan hutang-hutang judinya. Ujungnya, inya mandaptar di Angkatan Darat pas tahun 1827. Pas ngitu Poe manarbitakan karya panambaiannya, sabuah kumpulan kisdap nang ngaran panulisnya disamarakan, bukunya bajudul Tamerlane and Other Poems, lawan ngaran panulisnya 'orang Boston'. Poe wan Allan imbah itu babaikan pahadangan imbah kamatian bininya, Frances Allan, tahun 1829. Poe imbah tu kada lulus jadi parwira kadet di West Point, manahapakan kahandaknya gasan jadi panulis wan sastrawan, lalu inya mamisahakan diri matan abah angkatnya, Allan.[5]
Poe maninggal di umur 40 tahun di Baltimore maraga panyabab nang masih kada dikatahui sampai wayah ini. Dugaan kuatnya, inya maninggal maraga panyakit, kacanduan alkuhul, panyalahgunaan ubat, sampai bunuh diri.[3]
Jujuhutan
[babak | babak asal-mulanya] | Artikal batupik sastra ngini sabuting rintisan. Pian kawa mangganii Wikipidia lawan cara mangambangakannya. |
- ↑ Kurnia, Anton (2019). Ensiklopedia Sastra Dunia. Yogyakarta: Diva Press. hlm. 82. ISBN 978-602-391-662-7.
- ↑ Sun, Chunyan (23 April 2015). "Horror from the Soul—Gothic Style in Allan Poe's Horror Fictions" (PDF). English Language Teaching. Canadian Center of Science and Education. 8 (5): 94. doi:10.5539/elt.v8n5p94. ISSN 1916-4750.
- 1 2 Meyers 1992.
- ↑ Semtner, Christopher P. (2012). Edgar Allan Poe's Richmond : the Raven in the River City. Charleston [SC]: History Press. hlm. 15. ISBN 9781609496074. OCLC 779472206.
- ↑ "Edgar Allan Poe Society of Baltimore - Works - Editions - Tamerlane and Minor Poems (1827)". www.eapoe.org. Diakses tanggal 2022-12-30.