Dunia Malayu

Nagara-nagara nang bawarna merah adalah nang paling rancak dianggap sabagai bagian dari dunia Malayu; wilayah di mana urang Malayu marupakan etnis mayoritas atawa minoritas nang signifikan, atawa di mana bahasa wan budaya Malayu sudah mendominasi (Malaysia, Singapura, Brunai, Indunisia Barat, wan Thailand Salatan)

Musium Dunia Malayu wan Islam di Malaka, Malaysia.

Dunia Malayu atawa Alam Malayu (bahasa Malayu: Dunia Melayu atawa Alam Melayu; Jawi: دنيا ملايو atau عالم ملايو) adalah sabuah konsep atau ungkapan nang sudah diguna'akan ulih panulis wan kalompok nang babida matan waktu ka waktu gasan manunjukakan babarapa pangartian nang babida, nang barasal matan bamacam interpretasi tantang Kamalayuan, baik sabagai kalompok rasial, sabagai kalompok linguistik, atawa sabagai kalompok budaya politik. Panggunaan istilah Malayu dalam banyak konseptualisasi sabagian ganal didasari pada pangaruh budaya Malayu nang tarkanal, nang dipancarkan tarutama malalui panyebaran basa Malayu di Asia Tenggara nang diitihi ulih kakuatan kolonial nang balainan salawas Zaman Panamuan wan panyebaran Islam. Istilah ngini masih kontroversial di Indunisia wan di luar dairah-dairah babahasa Malayu, lantaran dianggap bahubungan lawan politik wan iredentisme daripada budaya murni.

Kunsip di wilayah terluasnya kawa dipakai gasan wilayah nang identik lawan Austronesia, tanah air urang-urang Austronesia, nang membentang matan Pulau Paskah di timur sampai Madagaskar di barat. Deskripsi nang kaya itu baasal matan pamulaan istilah ras Malayu pada akhir abad ke-18 nang dipopulerkan ulih buhan ahli oriental gasan manggambarakan urang-urang Austronesia. Dalam pangambangan panalitian labih lanjut, ras Malayu ditumbungkan sabagai basa Malayu-Polinesia. Dalam pangartian nang sampit, dunia Malayu sudah dipakai sabagai sinonim gasan Malayu sprachraum, marujuk ka nagara-nagara wan wilayah-wilayah di Asia Tenggara nang bapandir Malayu, di mana standar Malayu nang babida adalah basa kabangsaan atawa marupakan basa minoritas nang panting. Istilah dalam pangartian ngini maliputi Brunai, Indunisia, Malaysia, Singapura wan Thailand Salatan, wan kadang-kadang diguna'akan sacara bagantian lawan kunsip "Kapuloan Malayu" wan "Nusantara".

Sabagai alternatif, buhan sarjana modern mangoreksi gagasan-gagasan luas tantang dunia Malayu nginih, manantuakan ngitu sabagai wilayah politik wan budaya. Dalam konteks ini, dunia Malayu direduksi manjadi sabuah wilayah nang marupakan tanah air bagi etnis Malayu, nang secara historis diparintah ulih kasultanan-kasultanan nang balawanan, di mana bamacam basa Malayu wan nilai-nilai budaya nang dominan. Wilayah ngini tamasuk wilayah pasisir Samananjung Malaya, Sumatera, Kalimantan, wan pulau-pulau nang labih halus di tangahnya.

Liat jua

• Malayisasi
• Urang Malayu
• Rumah Malayu