Djohan Effendi

Djohan Effendi (lahir di Kandangan, Hulu Sungai Kidul, 1 Uktubir 1939 – maninggal di Geelong , Victoria , 17 Nuvimbir 2017 pada umur 78 tahun)  marupakan Sakataris Nagara Indonesia di bawah Presiden Abdurrahman Wahid dari tahun 2000 sampai 2001.

Riwayat

Nang Effendi dipandang sabagai tukuh sanior dalam garakan Islam liberal di Indonesia. Budhy Munawar Rachman manggambarakan inya sabagai ulama Islam nang progresif wan pajuang gigih gasan toleransi. Inya saurang penganut Ahmadiyah matan cabang Lahore, nang jua pandukung satya garakan ngitu. Di Indonesia, tautama di Yogyakarta, inya dikatahui sabagai salah saurang pamikir Islam liberal tarkamuka. Inya bagabung dalam kalumpuk intelektual Islam liberal di Jogja, nang dikatahui sabagai Kalumpuk Tabatas di bawah pamimpin Mukti Ali. Ngaran inya tamasuk dalam buku "50 Tokoh Liberal di Indonesia" gasan katagori pionir atawa palopor garakan liberal baimbai lawan Nurcholis Madjid wan Abdurrahman Wahid. Bagi Djohan, Ahmadiyah baisi hak nang sama dalam manjalankan kayakinannya di Indonesia. Salain ngitu, inya mamimpin Pusat Internasional gasan Pluralisme Agama wan aktip mangritik fatwa nang ditabitakan Majelis Ulama Indonesia pas tahun 2005, karana dianggap kada mandukung pluralisme agama.

Pandidikan

Pandidikan Djohan dimulai matan Sakulah Rakyat salawas anam tahun, Sakulah Arab salawas talu tahun wan PGAP (Pandidikan Guru Agama Pamulaan) salawas talu tahun di Banjarmasin. Umanya handak Djohan masuk SMP, tagal Djohan labih mamilih PGAP. Imbah tuntung di PGAP baimbai lima kawannya sabagai lulusan tarbaik, Djohan mandapatakan biasiswa lawan ikatan dinas gasan malanjunakan ka PHIN (Pandikan Hakim Islam Nagara) Yogyakarta salawas talu tahun (1957-1960). Di Yogyakarta nginilah Djohan mulai bagumul macam-macam ilmu wan buku wan budaya intelektual nang hebat. Di tahun 1960, Djohan bulik pulang ka Yogyakarta gasan balajar di IAIN (Institut Agama Islam Nagara) Sunan Kalijaga sabagai mahasiswa tugas balajar di Fakultas Syariah matan Departemen Agama.

Karier

• Pagawai Dapartamen Agama Amuntai, Kalimantan Selatan (1960-1962);

• Pagawai Sakataris Janderal Dapartamen Agama Jakarta (1972-1973);

• Pagawai Paribadi Mantri Agama (1973-1978);

• Panaliti Utama Dapartamen Agama (sejak 1993);

• Pagawai Khusus Sakrataris Nagara/Panulis Pidatu Presiden (1978-1995);

• Kapala Awak Panalitian lawan Pangambangan Dapartamen Agama (1998-2000);

• Mantri Sakrataris Nagara (2000-2001).

Karya

Djohan effendi baiisi karya nang cukup babobot, diantara karya-karyanya tu yato:

• Dialog Antar Agama: Bisakah Malahirkan Teologi Kearukunan dalam Prisma No. 5 ( Juni 1978).

• Pagolakan Pamikiran Islam, Catatan Harian Ahmad Wahib, ( Jakarta: LP3ES, 1981), sabagai panyunting lawan Ismet Natsir.

• Sumbangan Islam gasan Paradaban, sabagai panyunting ( Jakarta: Pustaka Biru, 1981).

• Keterbatasan, Kebebasan dan Tanggung Jawab Manusia: Sebuah Tinjauan Tentang Masalah Takdir dari Perspektif Teologi Islam, dalam Prisma, No Ekstra (1984).

• Iqbal: Pamikiran Islam Sosial lawan Sajak-sajaknya, sabagai panyunting lawan Abdul Hadi WM ( Jakarta: PT. Pantja Simpati, 1986)
• Sufisme wan Masa Dapan Agama,6. sabagai panyunting ( Jakarta: Pustaka Firdaus, 1993)
• Manusia nang kada jadi Budak Banda dalam Jurnal Ilmu wan Kebudayaan Ulumul Qur’an, No. 3 Vol. III,

• Progressive Traditionalists: the emergence of a new discourse in Indonesia's Nahdlatul Ulama during the Addurrahman Wahid era, (Ph.D Dissertation di Deakin University, 2000).

• Tasawuf al-Qur’an tantang Parkambangan Jiwa Manusia dalam Jurnal Ilmu wan Kabudayaan Ulumul Qur’an, No. 8 Vol. 2 (1991)

• Qarun dalam10. Jurnal Ilmu wan Kabudayaan Ulumul Qur’an, Vol.1 No. 5 (1994)

• Parkambangan Demokrasi di Indonesia: Sumbangan agama, dalam Fridolin Ukur wan Retnowinarti (eds.), Pluralisme wan Demokrasi, ( Jakarta: Badan Litbang PGI, 1995).

• Jaminan Konstitusional gasan Kabebasan Baragama di Indonesia dalam Komaruddin Hidayat wan Ahmad Gaus AF (eds), Passing

• Over, Melintasi Batas Agama, ( Jakarta: Gramedia, 1998).
• Koran Tempo, (12 Januari 2008)
• Pluralisme wan Kabebasan Agama,14. Yogyakarta: Institut DIAN/ Interfidei, 2010)
• Pambaharuan Tanpa Mambongkar Tradisi (Wacana kaagamaan di Kalangan Generasi Muda NU Mada Kapamimpinan Gus Dur), ( Jakarta: Kompas, 2010).