Diba
Diba ialah syair maulid nang dikarang atawa ditulis ulih Al-Imam Wajihuddin Abdur Rahman bin Muhammad bin Umar bin Ali bin Yusuf bin Ahmad bin Umar ad-Diba`i.[1] Maulid ngini rancak dibacakan di langgar atawa masjid. Syair-syair nang ada dalam maulid ngini bagus banar hingga kawa maulah nang mambaca katuju.[2] Maulid Diba, nang kaya syair maulid nang lain: Habsyi, Syaraful anam, hinggan Barjanji, ngitu ialah sagan buhan Muslam mamuji wan balajar nang kaya apa sifat wan kalakuan Nabi Muhammad.[2] Maulid Diba ngini jua ialah rangkuman kitab maulid nang lain, Syaraful Anam.[2]
Imam Wajhuddin ad-Dibai ngini lahir di 4 Muharram 866 H wan maninggal hari jumahat 12 Rajab 944. sidin ngini jua ulama hadis nang banyak ditahui urang lain. sidin maajar kitab Shahih Al-Bukhari. Sidin disambat jua sudah mahapal labih 100,000 hadits wan sanadnya. Sidin satiap hari maajar hadis matan masjid ka masjid nang lain, sidin juwa rancak manulis. Makanya tulisan sidin banyak banar di hadis wan sajarah. Tulisan sidin nang nang dikanal urang ialah syair-syair sanjungan sagan Nabi Muhammad SAW. nang kita kanal lawan Maulid Ad-Diba`i.[3]
Jajuhutan
[babak | babak asal-mulanya]- ↑ "Sekilas tentang Ad-Diba'i". NU Online (dalam bahasa Indonesia). Diakses tanggal 2026-02-26.
- 1 2 3 "Mengenal Kitab Maulid Diba': Penyusun, Keutamaan, dan Cara Bacanya". NU Online (dalam bahasa Indonesia). Diakses tanggal 2026-02-26.
- ↑ "Bot Verification". lirboyo.net. Diakses tanggal 2026-02-26.