Dermaga Rambang
Dermaga Rambang ialah salah sabuting dermaga nang baandak di Kuta Palangka Raya, Prupinsi Kalimantan Tangah. Dermaga ngini andakannya di bantaran Sungai Kahayan, pasnya di Jalan Riau, Pahandut, Kecamatan Pahandut. Dermaga ngini digaduh ulih Dinas Perhubungan Kota Palangka Raya. Sebelum jumbatan penyubarangan Sungai Kahayan dibangun, dermaga ngini dulu jadi pusat aktipitas ekonomi wan tranportasi air.[1] Tagal wahini sudah beganti fungsinya jadi gasan pariwisata wan rekreasi, jadi retribusi dermaga manurun maraga aktivitas bedagangnya beugah ke jalur darat.
Wali Kuta Palangka Raya, Fairid Naparin marasmiakan Kawasan Wisata Kuliner Dermaga Rambang pada 22 Desember 2022, pangambangan kawasan ngini marupakan program Pemerintah Kota Palangka Raya lawan PT. PLN membina wan memberdayakan masyarakat sekitar. Pemerintah kuta membangun beberapa kios nang kawa dipakai masyarakat gasan bejualan bamacam makanan tradisional wan kuliner lain nangkaya sate ayam, iwak babanam, wadai-wadai tradisional nang kaya lupis, sulada gumbili, surabi, gorengan wan masih banyak nang lain lagi.[2]
November 2024, Hubnur Kalimantan Tangah Sugianto Sabran memadahkan cagaran ada pembangunan pengelolaan sampah wan Ruang Tabuka Hijau (RTH) di dermaga ngini.
Fasilitas nang ada di dermaga ngini nangkaya wadah wisata kuliner sekira kawa merasai kuliner khas daerah Kalimantan Tangah. Selain ngitu, ada jua kapal wisata nang kawa dipakai gasan bakuliling sekitar area dermaga. Urang jua kawa mendangari musik nang ada di dermaga ngini.[2]
Jujuhutan
[babak | babak asal-mulanya]- ↑ Indah Sari, Sabell (17 Juni 2025). "Dermaga Rambang Palangka Raya, Antara Nostalgia dan Harapan Baru". RRI. Diakses tanggal 13 Desember 2025.
- 1 2 Susanty, Nenny (30 Agustus 2023). "Wisata Kuliner Murah Dermaga Rambang Palangka Raya". Kementerian Keuangan. Diakses tanggal 13 Desember 2025.