Daniel

Daniel atawa Danial ialah saurang tukuh Nabi matan Bani Israil (urang Israel), nang diranakakan dalam ajaran agama Yudaisme wan Karistin, tatambaian tacatat dalam Kitab Daniel di Alkitab Ibrani wan Parjanjian Lawas di Alkitab Karistin. Ujar Alkitab Ibrani, Daniel ialah bangsawan anum Yahudi matan Yerusalem nang dicuntan ulih Nebkadnezar II matan Babilonia nang mangabdi lawan raja wan bubuhan panarusnya lawan kasatiaan wan kamampuannya sampai Suku Persia manguasai Keresh Agung lagi tatap bapagang taguh lawan kaparcayaannya ka Tuhan Israel.^[1] Biar babarapa pakar kunsirpatip mamarcayai, Daniel sawagai tukuh basajarah wan bukunya ditulis wayah abat ka-6 sabalum Era Umum, mayuritas ahli satuju, Daniel kada tukuh sajarah^[2] wan mayuritas isi Kitab Daniel marupakan kiasan sama matan wayah kakuasaan raja dalam Pariudi Helenistik Antiokhos IV Epifanes.^[3]

Dalam ajaran Islam, ngran Danial atawa Daniel tamasuk jarang tadangar. Hal ngini maingat Nabi Danial kada tamasuk salah sabuting matan 25 Nabi nang wajib dikanal. Ulih karananya, ujar bubuhan ahli sajarah, Danial ialah saurang Nabi nang tamasuk juriat Nabi Daud as. Tagal, bangsa Yahudi saurang kada mamarcayai Danial sawagai saurang Nabi, wan makam urang salih ngitu kawa labih matan sabuting nang tahu.

Ngaran Daniel baarti "Tuhan ialah Hakim ulun", Dan baarti "panghakiman atawa hakim", i ialah "ulun", wan el ialah Allah. Ada jua tulisan nang bangaran Dan'el (basa Ibrani: דָּנִאֵל‎) nang dicatat dalam Kitab Yehezkiel pasal 14 ayat 14 wan 20, jua pasal 28 ayat 14, wan salain ngitu ditamui lawan inskripsi Palmyrene.^[4] Dani'el "Allah ialah hakim ulun" labih kayanya matan Dan'el (Allah ialah hakim), karana labih sarasi lawan struktur umum ngaran Ibrani.^[5]

Jujuhutan

↑ Redditt, Paul L. (2008-11-03). Introduction to the Prophets (dalam bahasa Inggris). Eerdmans Publishing Company. ISBN 978-0-8028-2896-5.
↑ Collins (1999), hlm. 219
↑ Neil, William (1957). St. Paul's Epistles to the Thessalonians: Introduction and Commentary (dalam bahasa Inggris). SCM Press.
↑ De Vogué, Syrie Centrale, Numur 93
↑ "DANIEL - JewishEncyclopedia.com". www.jewishencyclopedia.com. Diakses tanggal 2026-03-19.

[1] Redditt, Paul L. (2008-11-03). Introduction to the Prophets (dalam bahasa Inggris). Eerdmans Publishing Company. ISBN 978-0-8028-2896-5.

[2] Collins (1999), hlm. 219

[3] Neil, William (1957). St. Paul's Epistles to the Thessalonians: Introduction and Commentary (dalam bahasa Inggris). SCM Press.

[4] De Vogué, Syrie Centrale, Numur 93

[5] "DANIEL - JewishEncyclopedia.com". www.jewishencyclopedia.com. Diakses tanggal 2026-03-19.

[1]

[2]

[3]

[4]

[5]