Danau Tahai
Danau Tahai ialah wadah wisata nang andakannya di Kalurahan Tumbang Tahai, Kacamatan Bukit Batu, Palangka Raya. Matan pusat kuta, Danau Tahai kawa ditangii kurang labih 30 manit arah ka Sampit.[1]
Pasilitas
[babak | babak asal-mulanya]Bamacam pasilitas kawa dipakai atawa dirental, nang kaya sapida angsa, parahu dayung, wadah karaoke, rumah makan, langgar lawan panginapan. Danau Tahai ada jua Panangkaran Orang Utan Nyaru Menteng nang jaraknya sa pal matan Danau Tahai. Panangkaran ngini ampun Yayasan BOSF (Borneo Orangutan Survival Foundation). Tagal panangkaran ngini kada dibuka gasan umum. Danau ngini baisi pamandangan rumah lanting.[2]
Asal muasal
[babak | babak asal-mulanya]Ada 2 kisah nang bakambang di masarakat, kisah nang panambayan manyambat bahwa Danau Tahai ngini taulah maraga akumulasi ganangan banyu di andakan panambangan pasir. Kisah nang kadua manyambat bahwa danau ngini ada maraga paubahan aliran Sungai Kahayan nang maulah banyu tagana nang kada maumpati aliran sungai Kahayan. Tagal kadua kisah ngini balum ada data rasmi sabab taulahnya Danau Tahai ngini.[2]
Ampah ka tuju
[babak | babak asal-mulanya]Andakan danau ngini sedikit takadalam, kikira 3 pal matan higa karatak. Jalanan ka danaunya ngini sudah nyaman. Wisatawan kawa mamakai bis ampah Palangka Raya - Sampit nang kaina turun di Kampung Tahai. Imbah nitu bajalan batis ke danaunya. Salaya angkutan umum, kawa jua pakai kandaraan ampun saurang.
Jujuhutan
[babak | babak asal-mulanya]- ↑ "Danau Tahai". palangkaraya.go.id. 21 Januari 2025. Diarsipkan dari versi asli tanggal 2024-06-14. Diakses tanggal 20 Juni 2025.
- 1 2 "DANAU TAHAI". palangkaraya.go.id. 17 Maret 2022. Diarsipkan dari versi asli tanggal 2024-06-14. Diakses tanggal 20 Juni 2025.