Dalil
Dalil ialah suatu hal nang digagai lawan napa nang digagai, kawa barupa alasan, katarangan, wan pandapat nang marujuk lawan paartian, hukum, wan hal-hal nang tarait lawan napa nang digagai.[1][2][3]
Pambagian Dalil
[babak | babak asal-mulanya]Dalam Islam, dalil kawa dibagi jadi dua, yaitu:[4]
- Dalil naqli ialah Al-Qur'an wan Hadits Nabi Muhammad saw., wan
- Dalil aqli nang matan pamikiran bubuhan ulama.
Al-Qur'an wan Hadits disambat dalil naqli karana isinya diambil matan Nabi Muhammad nang baasal matan Allah, jua matan kalakukan Nabi saw. wan sahabatnya. Kaduanya kada baasal matan manusia karana marupakan wahyu Allah. Dalil naqli hudah musti bujur hukumnya.[4]
Dalil aqli marupakan dalil nang didapat matan bukti ilmu pangatahuan wan argumintasi bubuhan ulama (urang-urang nang biisi pangatahuan tarait hal ngitu). Argumin nang dihasilakan ulih bubuhan pamikir Islam disambat jua sawagai ijtihad ulama. Pamikiran bubuhan ulama ngini kawa aja bujur atawa kada, salah.[4]
Ajaran wan ayat Al-Qur'an nang musti kawa ditapsir wan diartii disambat dalil qat'i. Dalil ngini nang jadi dasar ajaran Islam. Jaka ayat Al-Qur'an nang kawa manimbulakan babarapa panapsiran kada dipakai sawagai ajaran panambaian dalam Islam.[5]
Wajib Aqli
[babak | babak asal-mulanya]Dalam dalil aqli ada wajib aqli, yaitu kapastian akal sihat manarima suatu kapastian tartantu. Wajib aqli dibagi lagi jadi dua:
- Wajib aqli badhihi, yaitu kabujuran nang kawa ditarima kadada pambuktian nang barupa panalitian. Cuntuhnya, 1+1 musti jawabannya 2.
- Wajib aqli nazhari, yaitu kabujuran sasuatu nang kawa ditarima akal sihat imbah digawi panalitian sacara saksama. Cuntuhnya, banda nang ditimbai musti gugur ka bawah.
Mustahil Aqli
[babak | babak asal-mulanya]Mustahil aqli, yaitu akal sihat nang maingkari sasuatu nang tajadi. Mustahil aqli tabagi jua jadi dua:
Jaiz Aqli
[babak | babak asal-mulanya]Jaiz aqli, yaitu akal sihat kawa jadi manarima sasuatu atawa kada jua maingkarinya. Cuntuhnya, jaka muru harinya kawa haja tajadi hujan atawa kada jadi.
Jujuhutan
[babak | babak asal-mulanya]- ↑ Sadhily, Hassan. Ensiklopedi Indonesia. Jakarta: Ichtiar Baru-Van Hoeve. hlm. 734.
- ↑ "Arti kata dalil - Kamus Besar Bahasa Indonesia (KBBI) Online". kbbi.web.id. Diakses tanggal 2026-03-17.
- ↑ "Perpustakaan Umum Kabupaten Bantul". perpusda.bantulkab.go.id. Diakses tanggal 2026-03-17.
- 1 2 3 Harbani, Rahma Indina. "Mengenal Dalil Naqli dan Dalil Aqli, Begini Lho Bedanya". detikedu (dalam bahasa Indonesia). Diarsipkan dari versi asli tanggal 2025-10-18. Diakses tanggal 2026-03-17.
- ↑ "Apa Itu Dalil: Pengertian, Jenis, dan Contohnya dalam Islam". liputan6.com (dalam bahasa Indonesia). 2025-02-28. Diakses tanggal 2026-03-17.