Cincau
Cincau adalah puluran nang kaya agar-agar nang diulah matan daun babarapa jenis tatumbuhan. Agar-agar cincau adalah gel nang didapat matan parandaman daun (atawa organ lain) tumbuhan cincau dalam banyu. Gel tabantuk karana daun tumbuhan ngitu mangandung karbohidrat nang kawa maikat molekul-molekul banyu.[1]
Kata "cincau" saurang baasal matan dialek Hokkian (Minnan) chhin-chháu nang biasa dilafalkan di kalangan urang Cina di Asia Tunggara. Dalam basa asalnya, cincau sabujurnya marujuk ka tumbuhan Platostoma palustre (sering disambat tumbuhan cincau hirang) nang daunnya rancak diguna'akan sabagai bahan paulah masakan kayu manis sacara umum. Di Indunisia, tanaman "cincau" marujuk ka tumbuhan Cyclea barbata (sering jua disambat "cincau hijau" gasan mambedaakan lawan cincau hirang) nang jua diguna'akan sabagai ubat-ubatan herbal di Jawa.[2]
Di Indunisia, cincau rancak disajikan lawan banyu gula aren atawa minuman manis nang sama, misalnya dalam minuman es cincau atawa es campur. Puluran ini rancak dijajakan gasan puluran khas wayah Ramadhan, tarutama sabagai takjil buka puasa.[3]
Sejarah Cincau
[babak | babak asal-mulanya]Cincau asalnya matan Cina. Ngarannya, sienchau atawa xiancau, baasal matan bahasa Hokkian. Para padagang matan Tiongkok manyabarakan minuman ini ka babagai-bagai subalah di Indunisia. Oleh karana ngituh cincau dipinandui lawan babarapa ngaran, nangkaya camcao dalam basa Jawa, camcau dalam basa Sunda, juju, kepleng, krotok, tarawa-walu, maupun tahulu di daerah Malayu.[4]
Proses pambuatan
[babak | babak asal-mulanya]Proses pambuatan dimulai lawan parandaman, nang biasanya digawi imbah daunnya dicincang atawa dihancurakan. Ada jua nang mamasukakan jarangan dahulu. Soda kue kawa dipakai gasan bahan pelembab. Warna ungu bamacam-macam, mulai dari hijau sampai hijau kandal, bahkan hirang, tapi diimbai lawan kesan tembus pandang (transparan). Konsistensinya jua bervariasi. Warna wan konsistensi cincau bamacam-macam lantaran tanaman nang dipakai bamacam-macam.[5]
Penyajian Cincau
[babak | babak asal-mulanya]Cincau sabagai bahan makanan ba'isi bamacam cara panyadiaannya di babagai daerah di Indunisia. Dalam bulan Ramadhan, cincau disajikan lawan santan tipis, gula merah cair, es serut, hidangan ngini disambat Es Cincau Siliwangi matan Bogor.[6] Di Sumatera Barat, cincau disajiakan lawan santan, gula merah, es batu, daun pandan disambat sabagai Aia Aka.[7] Samantara di Sulawesi Selatan ada Langhong yaitu es buah nang bahan utamanya cincau.[8]
Tumbuhan nang mahasilakan cincau
[babak | babak asal-mulanya]
Tumbuhan nang maulah cincau bamacam-macam
- Tumbuhan matan genus Platostoma, tarutama P. palustre (cincau hirang, jua dipinandui lawan ngaran lokal janggelan) nang banyak diulah di Cina bagian selatan wan Indochina.[9]
- Tumbuhan Cyclea barbata (cincau hijau) atawa Premna trichistoma (cincau perdu), nang mahasilakan cacau bawarna hijau wan labih kandal konsistensinya.[10]
- Tanaman Tiliacora triandra jua mahasilakan cincau. Hal ini populer di Bali wan Lombok, di mana tanaman ini wan acaru nang dihasilkannya dipinandui lawan ngaran Daluman.
"Buah" (sacara botani lain buah, tapi syconia) Ficus pumila (fikus rambat) di Cina jua diguna'akan sabagai bahan jenis cincau lain nang disambat "pai-liang-fen" wan dipasarakan sabagai grass jelly (sama kaya cincau) atawa ai-yu jelly.
Referensi
[babak | babak asal-mulanya]- ↑ Chalid, Sri Yadial (2007-11-01). "Pengaruh Ekstrak Cincau Hijau Cyclea barbata L. Miers Terhadap Aktivitas Enzim Superoksida Dismutase Dan Katalase Pada Mencit C3H Bertumor Kelenjar Susu". Jurnal Kimia Valensi. 1 (1). doi:10.15408/jkv.v1i1.212. ISSN 2548-3013.
- ↑ "Asal-Usul Cincau Kuliner Jawa yang Banyak Diburu Saat Ramadan - Tulungagung Times". Jatim TIMES (dalam bahasa Indonesia). Diakses tanggal 2025-03-20.
- ↑ "Bulan Ramadan, Produksi Cincau Meningkat Drastis". Kompas.tv (dalam bahasa Indonesia). Diakses tanggal 2025-03-20.
- ↑ "Kemilau Cincau". Republika Online (dalam bahasa Indonesia). 2014-07-11. Diakses tanggal 2025-03-20.
- ↑ admin (2023-01-25). "Membuat cincau di kuntum farmfield - kuntum". kuntum (dalam bahasa Indonesia). Diakses tanggal 2025-03-20.
- ↑ Azmi, Muhammad (2023-03-24). "Mengupas Asal Usul Cincau, Takjil Ramadhan yang Menggugah Selera - Gema Sulawesi". Mengupas Asal Usul Cincau, Takjil Ramadhan yang Menggugah Selera - Gema Sulawesi (dalam bahasa Indonesia). Diakses tanggal 2025-03-20.
- ↑ Amelia, Amanda. "Mengenal Aia Aka Minuman Cincau dari Sumatera Barat". detiksumut (dalam bahasa Indonesia). Diarsipkan dari versi asli tanggal 2025-03-20. Diakses tanggal 2025-03-20.
- ↑ Schoolmedia. "Langhong, Cincau Khas Makassar Mulai Langka Akibat Pandemi - News Schoolmedia". news.schoolmedia.id (dalam bahasa Indonesian). Diakses tanggal 2025-03-20.
- ↑ "Peucedanum palustre (milk-parsley): Go Botany". gobotany.nativeplanttrust.org. Diakses tanggal 2025-03-20.
- ↑ "Cyclea barbata". www.socfindoconservation.co.id. Diakses tanggal 2025-03-20.