Capil ka isi

Chelsea F.C.

Tumatan Wikipidia Banjar, kindai pangatahuan
Chelsea
Ngaran langkapChelsea Football Club
GalaranSi Biru (The Blues)[1]
Bubuhan Pansiunan (The Pensioners)
Si Singa Biru (The Blue Lions)
Kabanggaan London/
Sakumpulan Singa London (The Pride of London)
Ngaran singkatCFC
Badiri10 Marat 1905; 120 tahun nang halam (1905-03-10)[2]
StadionStamford Bridge,
Fulham, London
(Kapasitas: 40.450[1])
AnggitBlueCo[3]
KatuaBendera Amerika Serikat Todd Boehly
Palatih KupalaBendera Italia Enzo Maresca[4]
LigaLiga Tatambaian Inggris
2024–2025Liga Tatambaian Inggris, ka-4 matan 20
Tungkaran webTungkaran web rasmi pakumpulan
Pakaian Kandang
Pakaian Tandang
Musim ngini

Chelsea Football Club yaitu sabuah pakumpulan sipak bal parupisiunal nang baandak di Fulham, London. Diulah tahun 1905, pakumpulan ngini wayah ini bamain di Liga Tatambaian Inggris wan bamain kandang di Stamford Bridge.[5] Chelsea jadi salah sabuting pakumpulan nang paling suksis di Inggris. Pakumpulan ngini sudah mandapatakan labih matan tiga puluh galar juara kumpitisi antarklub dumistik wan intarnasiunal.

Kasuksisan panambaian Chelsea yaitu pas mandapatakan galar juara Divisi 1 Liga Inggris pas 1955. Pakumpulan ngini mandapatakan galar juara Piala Liga Inggris pamulaan tahun 1965, galar juara Piala FA pamulaan tahun 1970, wan galar juara kumpitisi pakumpulan Irupa, Piala Winners Eropa pamulaan tahun 1971. Babarapa galar matan bamacam kumpitisi jua suah dapat matan tahun 1990-an, 2000-an, 2010-an, wan 2020-an. Dalam 25 tahun pahabisan ngini jadi rahatan paling suksis Chelsea maraga mandapatakan lima galar juara Liga Tatambaian Inggris, tamasuk gasan panambaiannya mandapatakan dua galar Liga Tatambaian Inggris wan Piala FA rahat 2010; tujuh galar juara Piala FA, ampat galar juara Piala Liga Inggris, dua galar juara Liga Champions UEFA, dua galar gelar juara Liga Eropa UEFA, dua galar juara Piala Super UEFA, wan sabuting galar juara Piala Dunia Antarklub FIFA.[6] Klub ngini jadi salah sabuting matan lima klub nang sudah mandapatakan talu kumpitisi pakumpulan tatambaian UEFA, pakumpulan matan Inggris pamulaan nang baisi kasuksisan ngitu. Chelsea jua jadi sabutingannya pakumpulan sipak bal matan London nang bahasil dapat galar juara Liga Champions UEFA wan Piala Dunia Antarklub FIFA.[7]

Baju tatambaian Chelsea yaitu kaus wan salawar biru royal wan kaus kaki putih. Campuran warna ngini sudah dipakai matan 1960-an. Lambang pakumpulan suah diubah babarapa kali maraga handak mamudirinakan wan maubah idintitas pakumpulan. Lambang nang dipakai wayahini, nang manampaiakan sabuting singa seremonial nang maingkuti sabilah tungkat, ngitu ubahan matan lambang nang suah dipakai pas tahun 1950-an.[8] Pakumpulan ngini baisi saungan lawan pakumpulan sakuta London yaitu Arsenal wan Tottenham Hotspur; lawan jua pakumpulan-pakumpulan sipak bal di paparak London Barat, imbah tu ada sajarah saungan jua lawan Leeds United.

Tim pamulaan Chelsea rahat September 1905

Chelsea baisi pusat palatihan nang baandak di Cobham, Surrey.[9] Pusat palatihan nang dipakai matan 2007 ngini baisi ngaran Pusat Latihan Cobham, pasilitas nang dibangun mamakai duit sakitar £20 juta.[10]

Rahat tahun 2016, Chelsea jadi paringkat katujuh pakumpulan sipak bal nang paling baharga di dunia manurut majalah Forbes, Chelsea dianggap baharga £1,15 miliar ($1,66 miliar).[11] Rata-rata panuntunnya di partandingan kandang musim 2021-22 yaitu 38.109 penonton.[12]

Pas tahun 2022, Chelsea ditukari konsorsium BlueCo, nang baangguta Todd Boehly, Clearlake Capital, Hansjörg Wyss, wan Mark Walter.[13] Anggitnya nang panambaian bangaran Gus Mears nang wan kaluarganya (1905-1982), imbah itu Ken Bates (1982-2003),[14] wan Roman Abramovich (2003-2022).[14]

  1. ^ a b "General Club Information". chelseafc.com (dalam bahasa Inggris). Chelsea FC. 18 Januari 2018. Diarsipkan dari versi asli tanggal 2022-02-13. Diakses tanggal 19 Februari 2022. 
  2. ^ "The Story of Chelsea FC". chelseafc.com (dalam bahasa Inggris). Chelsea FC. Diarsipkan dari versi asli tanggal 2022-02-19. Diakses tanggal 19 Februari 2022. 
  3. ^ "Group Tax Strategy". Chelsea F.C. Diarsipkan dari versi asli tanggal 5 April 2023. Diakses tanggal 4 April 2023. 
  4. ^ Kasalahan pangutipan: Tag <ref> tidak sah; tidak ditemukan teks untuk ref bernama Maresca appointed
  5. ^ "Stadium History". chelseafc.com (dalam bahasa Inggris). Chelsea FC. Diarsipkan dari versi asli tanggal 2022-01-19. Diakses tanggal 19 Februari 2022. 
  6. ^ "Trophy Cabinet". chelseafc.com (dalam bahasa Inggris). Chelsea FC. Diarsipkan dari versi asli tanggal 2021-07-09. Diakses tanggal 19 Februari 2022. 
  7. ^ "Five interesting facts about Chelsea's Champions League triumph". chelseafc.com (dalam bahasa Inggris). Chelsea FC. 31 Mei 2021. Diarsipkan dari versi asli tanggal 2021-05-31. Diakses tanggal 11 Juni 2021. 
  8. ^ "Chelsea centenary crest unveiled". BBC Sport (dalam bahasa Inggris). 12 November 2004. Diarsipkan dari versi asli tanggal 2012-03-30. Diakses tanggal 2 Januari 2007. 
  9. ^ "Directions". Chelsea F.C. 19 Maret 2018. Diarsipkan dari versi asli tanggal 2021-07-24. Diakses tanggal 23 Agustus 2020. 
  10. ^ Simons, Raoul (27 September 2004). "Chelsea's £20million 'bunker'". Evening Standard (dalam bahasa Inggris). Diarsipkan dari versi asli tanggal 2014-04-29. Diakses tanggal 23 Agustus 2020. 
  11. ^ "The World's Most Valuable Soccer Teams 2016" (dalam bahasa Inggris). Forbes. 11 Mei 2016. Diarsipkan dari versi asli tanggal 2017-01-18. Diakses tanggal 12 Mei 2016. 
  12. ^ "Premier League 2016–17 Stats: Home Attendance". ESPN Soccernet. Diarsipkan dari versi asli tanggal 2017-05-28. Diakses tanggal 21 May 2017. 
  13. ^ "Konsorsium yang dipimpin oleh Todd Boehly dan Clearlake Capital telah menyelesaikan akuisisi Chelsea Football Club". 30 Mei 2022. Diarsipkan dari versi asli tanggal 2022-06-04. Diakses tanggal 31 Mei 2022. 
  14. ^ a b "Russian businessman buys Chelsea". BBC Sport (dalam bahasa Inggris). 2 Juli 2003. Diarsipkan dari versi asli tanggal 2009-01-24. Diakses tanggal 11 Februari 2007.