Buka baimbai
Buka Baimbai[1] ngini marupakan budaya Indunisia nang diadaakan wayah waktu parak babuka puasa. Hal ngini sawagai bantuk aktipitas susial makan baimbaian wayah babuka (iftar gathering). Buka baimbai rancaknya digawi lawan kulawarga, awal, atawa urang bagawi nang sama.[2][3] Ngini jua tradisi susial nang papulir di Indunisia wan babarapa nagara Islam salawas bulan Ramadan, nang batujuan gasan maikat tali silaturahmi[4][5], wan kada sawagai kawajipan jaka manggawinya.[6][7]
Buka baimbai baisi akar nang mandalam dalam sajarah Islam. Buka baimbai hudah dikanal sawagai tradisi wayah jaman Nabi Muhammad saw. nang mana jadi kabiasaan nang dianjurakan. Nabi Muhammad buka baimbai tarus lawan bubuhan Sahabat wan mamastiakan tarus, kadada sahabat nang babuka saurangan jaka masih ada makanan gasan disurungakan. Biar dikisahakan wayah babuka di rumah Nabi wan disurungi sacara sadarhana kaya kurma wan banyu putih, tapi basamaan ngitu nang maulah mumin nang baharga.[8]
Dr. Hamidulloh manjalasakan, Rasulullah rancak babuka puasa baimbai lawan bubuhan sahabatnya wan maanjurakan gasan babagi makanan tarus sawagai simbul sulidaritas lawan sasama manusia.[9] Rasulullah jua basabda nang baarti:[2]
"Barang siapa mambarii makan urang nang salang bapuasa, maka gasan inya pahala kaya urang nang bapuasa ngitu, kada mangurangi pahala urang nang bapuasa ngitu sadikit." (HR. Tirmidzi)
Ulih karana sajarah buka baimbai hudah ada wayah jaman Nabi, maka buka baimbai kada jadi tradisi haja, tagal jua jadi padang gasan urang nang mambarii makan urang nang bapuasa. Masigit-masigit ganal kaya Masigit Haram, Masigit Nabawi, baribu-ribu urang duduk bajijir gasan babuka baimbai, babagi makanan wan kabarkahan tarus.
Isi matan Buka Baimbai
[babak | babak asal-mulanya]Babuka puasa baimbai jua jadi mumin lawan umat Islam matan barbagai latar balakang gasan mambarii kahimungan wan rajaki lawan sasama manusia. Tradisi ngini maajarakan pantingnya baimpati wan basyukur lawan nikmat nang dibarii Allah swt.[6][10]
Hidangan babuka puasa baimbai akan bapariasi sasuai lawan budaya wan kulinir masing-masing dairah.[11] Di babarapa tampat, sarawa (kulak) nang manis rancak mancungul di mija makan. Jaka di nagara Timur Tangah, ada nasi biryani, kabab, atawa baklava sawagai makanan panutup.[9]
Babuka baimbai jua rancak didukung ulih lambaga pamarintah, LSM, wan badan amal, jua tilivisi, radiu, pirs, madia susial. Salain kaunikan wan isinya nang mandalam, dikaranaakan jua nang maulah iftar diputusakan wan ditarima jadi Warisan Budaya Tak Banda ulih UNESCO.[9][12]
Jujuhutan
[babak | babak asal-mulanya]- ↑ Nopano, Fristia (2024-03-14). "Istilah-Istilah Spesial Bulan Ramadhan dan Bahasa Inggrisnya". Telkom University Language Center (dalam bahasa Indonesia). Diakses tanggal 2026-03-07.
- 1 2 "Buka Bersama: Momen Kebersamaan Penuh Berkah dan Manfaat dalam Islam". www.prudentialsyariah.co.id (dalam bahasa in). Diakses tanggal 2026-03-07.
- ↑ Octoria, Rizka Medio (2026-03-05). "Budaya Bukber di Indonesia: Sejak Kapan Tradisi Ini Muncul?". RRI. Diakses tanggal 2026-03-07.
- ↑ "Zoztafia : Buka Bersama Jadi Momentum Memperkuat Silaturahmi Keluarga Besar Kemenag". Kementerian Agama Kepulauan Riau (dalam bahasa Inggris). Diakses tanggal 2026-03-07.[permanent dead link]
- ↑ "Wajib Tahu, 15 Persiapan Bukber ini Tidak Boleh Dilewatkan!". erafone. Diakses tanggal 2026-03-07.[permanent dead link]
- 1 2 "Apa Itu Bukber? Manfaat Buka Puasa Bersama". Gadai Hartadinata Abadi (dalam bahasa Indonesia). 2024-03-16. Diakses tanggal 2026-03-07.
- ↑ "Bukber hingga Mokel, Ini Arti dan Kisah di Balik Istilah Populer Ramadan-Jadi Lebih Paham". https://www.metrotvnews.com (dalam bahasa Indonesia). Diakses tanggal 2026-03-07. Hapus pranala luar di parameter
|website=(bantuan) - ↑ "Mengenal Bukber dari Sejarah, Hukum, & Pahala - Tantri". tantri.id (dalam bahasa Inggris). Diakses tanggal 2026-03-07.
- 1 2 3 Izzah, Firdarainy Nuril (2024-04-01). "Tradisi Buka Puasa Bersama, Simbol Solidaritas dan Kedermawanan". Good News From Indonesia. Diakses tanggal 2026-03-07.
- ↑ Kamaluddin, Restu Nasik. "Contoh Rundown Buka Bersama agar Lebih Tertata dan Seru". Burger Bangor (dalam bahasa Indonesia). Diakses tanggal 2026-03-07.
- ↑ Amelia, Rika (2026-02-26). "7 Ide Bukber dengan Teman, Keluarga, hingga Rekan Kantor, Apa Saja?". detiksumbagsel. Diakses tanggal 2026-04-07.[permanent dead link]
- ↑ "Tradisi Buka Bersama Diakui UNESCO, Bukti Islam Menginspirasi Kebudayaan Dunia". Muhammadiyah (dalam bahasa Indonesia). 2026-03-07. Diakses tanggal 2026-03-07.