Bubur jawe

Juhu Singkah

Bubur jawe khas Seruyan (kiwa) wan Jawe/jawawut (kanan) nang ditanam di Kabupaten Seruyan, Kalimantan Tangah.
Huaran	Bubur
Banua asal	Indunisia
Dairah	Kalimantan Tangah
Diulah ulih	Urang Dayak
Bahan utama	Jawawut

Bubur jawe marupakan bubur nang baisi bahan utama jawe (sambatan gasan tatanaman jawawut) di Kabupatin Seruyan, Kalimantan Tangah.

Jawawut (basa Latin: Setaria italica) adalah samacam serealia babigi kihit nang suah jadi makanan pokok bubuhan Asia Timur, Asia Tanggara wan asia umumnya, tamasuk di wilayah di paparak Asia sabalum urang mulai batanam banih.

Walasan hinggan puluhan tahun nang halam, urang Seruyan di Kalimantan Tangah hudah biasa mamakai jawawut gasan makan lain pada baras, makinnya bubuhan di hulu Seruyan. Jawawut atawa dalam basa ngaju disambat Jawe, wayah ngitu aur ditanam baimbai duwa banih. Jadi, mun banih tumbuh, jawawut umpat jua tumbuh.

Isi giji

Jawe atawa jawawut sugih duwa nutrisi, sampai-sampai dinilai tabengkeng pada baras wan jagung. Bardasarkan matan Badan Litbang Pertanian, isi gizi nang ada di jawe/jawawut maliputi karbohidrat 84,2%, protein 10,7%, lemak 3,3%, dan serat 1,4%, Imbah ngitu, sapalihan ganal biginya kada baisi gluten.

Jawe atawa jawawut baisi mineral nang kaya kalsium, jat wasi, magnesium, fosfor, seng, kalium, wan vitamin. Kandungan giji matan jawe/jawawut talu hinggan lima kali lebih tabengkeng pada baras duwa gandum. Daun jawawut kawa jua dipakai gasan mambari makan haraguan duwa burung.

Jawe cucuk jua gasan urang nang diabetes maraga baisi nilai indeks glikemik randah, jawe jua baisi antioksidan nang banyak nang maulah inya disambat sabagai nutricereal.