Capil ka isi

Benjamin Graham

Tumatan Wikipidia Banjar, kindai pangatahuan

Benjamin Graham (diranakakan 9 Mai 1894 - 21 Siptimbir 1976) ialah saikung ekonom, profesor wan investor nasional Amirika Sarikat matan Inggris. Inya digalari "abahnya investasi".[1] Imbah lulus matan Columbia University umur 20 tahun mandapatakan gelar sarjana sains[2], inya mamulai gawiannya di Wall Street, imbahtu membangun Graham Newman Partnership. Imbah manggawiakan bakas muridnya, Warren Buffett, inya jadi dosen wan mangajar di bakas almameternya kuliah, Sekolah Management Anderson di UCLA di Universitas California, Los Angeles.  [butuh rujukan] Gawiannya di bidang ekonomi managerial wan investasi manyabapakan gelombang modernisasi investasi. Salawas karirnya, inya baisi banyak murid terkenal nang sukses substansial di dunia investasi, tamasuk Irving Kahn wan Buffett. Salah satu muridnya nang terkenal ialah John Templeton.[3][4]

Kahidupan pamulaan

[babak | babak asal-mulanya]

Inya diranakakan bangaran Benjamin Grossbaum di London, Inggris matan kuitang Yahudi.[5][6] Dari pihak umanya, inya adalah cicit Rabbi Yaakov Gesundheit wan sepupunya ahli saraf Ralph Waldo Gerard.[7] Pindah Kota New York wan kulawarganya wayah umur satahun. Kulawarganya mangganti ngarannya jadi Graham sekira kawa membaur lawan urang Amirika wan menghindari sentimen anti-Semit wan anti-Jerman.[7]

Gawian pamugaannya ialah jadi tukang bawa pesan di parusahaan broker Newburger, Henderson & Loeb, manulis haraga obligasi wan saham di papan tulis dapat upah $12 saban minggu. Imbah jadi tukang bawa pesan, inya naik jadi panulis laporan penelitian. Tahun 1919 wayah umur 25 tahun, inya dapat gaji taunan $600,000 (sekitar $8 juta jika pada tahun 2012).[8]

Tahun 1926 inya maulah kemitraan investasi lawan Jerome Newman. Gawian nang cagar manarima Warren Buffet 30 tahun imbah itu. Gawian ngini kawa melewati kahancuran 1929, Depresi Ganal, Perang Dunia II, wan Perang Korea, imbahtu akhirnya dibubarakan tahun 1956.[9]

Inya terkenal lewat dua karyanya: Security Analysis (Analisis Kaamanan) nang ditulis lawan David Dodd, pamugaan dicetak tahun 1934. Analisis kaamanan kawa betahan lawas maraga waktunya: cungul babarapa tahun imbah runtuhnya pasar saham 1929. Karya sabutingnya adalah The Intelligent Investor, nang pamugaan dicetak tahun 1949.[10]

  1. ↑ "8 Brilliant Lessons From The Investor That Taught Warren Buffett Everything He Knows". Business Insider (dalam bahasa Inggris). Diakses tanggal 2017-02-21.
  2. ↑ Hagstrom, Robert G. (2023). The Warren Buffet Way. Jakarta: PT. Elex Media Komputindo. ISBN 978-623-00-4887-6.
  3. ↑ Chapman, Scott A. (2019-08-20). Empower Your Investing. Post Hill Press. hlm. 41. ISBN 978-1-64293-238-6. Diarsipkan dari versi asli tanggal 2020-01-06.
  4. ↑ Berryessa, Norman; Kirzner, Eric (1988-12-22). Global Investing: The Templeton Way. McGraw-Hill Education. hlm. 125. ISBN 978-1556238734.
  5. ↑ However, he wrote in his Memoirs that, "I must confess here that I feel little emotional loyalty to the Jewish people from whom I sprung". Graham, Benjamin; Chatman, Seymour Benjamin. Benjamin Graham: The Memoirs of the Dean of Wall Street, pp. 63–64. McGraw-Hill, 1996. ISBN 0-07-024269-0
  6. ↑ Grego, Gabriele (December 8, 2014). "The Jewish Origins of Value investing". The Times of Israel. It also should be pointed out that most value investors, including Benjamin Graham, Seth Klarman, Bruce Berkowitz, Bruce Greenwald, Lawrence Tisch and Joel Greenblatt, are Jewish.
  7. 1 2 Joe Carlen (2012) The Einstein of Money: The Life and Timeless Financial Wisdom of Benjamin Graham, Prometheus, ISBN 1616145579
  8. ↑ Hagstrom, Robert G. (2023). The Warren Buffet Way. Jakarta: PT. Elex Media Komputindo. ISBN 978-623-00-4887-6.
  9. ↑ Hagstrom, Robert G. (2023). The Warren Buffet Way. Jakarta: PT. Elex Media Komputindo. ISBN 978-623-00-4887-6.
  10. ↑ Hagstrom, Robert G. (2023). The Warren Buffet Way. Jakarta: PT. Elex Media Komputindo. ISBN 978-623-00-4887-6.
Dijumput matan "https://bjn.wikipedia.org/w/index.php?title=Benjamin_Graham&oldid=104187"